Italianismos en francés
Los italianismos en francés son palabras que esta luenga romance ha amprau de lo diasistema italián, especialment lo italián standard. La mes gran part de los italianismos entroron en lo sieglo XVI, en tiempos de lo Renaiximiento y de la intervención francesa en las guerras d'Italia (1494-1559). En ixos tiempos entroron bells 8000 italianismos y en ha quedau lo 10 %. La profusión d'italianismos fizo que bi hese una reacción purista en contra en ambients culturals franceses.
Las ciudatz-estau y republicas de la Italia de tiempos de lo Renaiximiento yeran prosperas. Bi heba tamién un comercio internacional a mans d'italians (chenoveses, venecians, ecetra) que d'estendeba dende la mar de lo Norte dica la mar Negra.
La riqueza economica d'Italia permitiba una intensa actividat artistica. L'arte renaixentista italián y los abances tecnicos y scientificos facioron que Italia tenese un prestichio y una supremacía cultural acceptaus en los reinos de la Peninsula Iberica y de Francia. En las cortz de los reis de Francia bi heba italians. Lo matrimonio de lo rei Henrique II con Catarina de Médici trayó a la corte francesa artistas, intelectuals y scientificos italians.
Los italianismos se troban en gran variedat de campos, destacando la guerra, l'arquitectura y las diferents formas d'art.
Bi ha bella palabra present en francés que no ye claro si ye un italianismo u un castellanismo por lo pareixiu fonetico y la coincidencia temporal y contextual d'introducción de muitos italianismos y castellanismos. Bi ha unas palabras d'orichen castellán que han entrau en lo francés a traviés de lo italián: appartement, caponière, désinvolte y zain.[1]
Contenius
- 1 Guerra y vida militar
- 2 Navegación maritima
- 3 Alimentación, cocina y gastronomía
- 4 Arquitectura
- 5 Arte, pintura y escultura
- 6 Musica, danza y espectaclos
- 7 Vida social, constumbres
- 8 Vida cortesana
- 9 Ropa y accesorios
- 10 Banca y diners
- 11 Zoonimos y fitonimos
- 12 Atros
- 13 Italianismos foneticos
- 14 Morfolochía de los italianismos
- 15 Referencias
- 16 Bibliografía
- 17 Se veiga tamién
Guerra y vida militar[editar | editar código]
Las guerras d'Italia, la importancia de los mercenarios italians y los libros de tematica militar facioron que la terminolochía italiana de la guerra entrasen en lo francés y atras luengas occidentals:
- Alarme.
- Arquebusade.
- Banderole.
- Bataillon.
- Brigade: brigada.
- Calibre.
- Camp: campo de batalla.
- Canon.
- Caporal.
- Cartouche: deriva de lo italián cartuccia, forma sufixada de carta, en referencia a lo cilindro de paper u cartón que conteneba la polvora.
- Casemate.
- Cavalcade: cabalgata/cabalgada.
- Citadelle.
- Coche: deriva de lo italián cócca, la entalladura d'una sayeta. De coche derivan verbos relacionaus con lo emplego de l'arco u la ballesta como encocher y décocher, animas como cocher.
- Colonel.
- Embusquer: emboscar.
- Escalade.
- Escadron.
- Escopette: deriva d'una variant antiga feminina schiopietta de la forma actual schioppetto.[2]
- Escorte.
- Fantassin: soldau d'infantería, infant.
- Infanterie: infantería.
- Medaille: medalla.
- Mousquet:
- Parapet:
- Pavois: deriva de scudo pavese.
- Révolter:
- Sentinelle:
- Saper: deriva de zappare.
- Soldat: soldau.
- Spadassin:
La terminolochía de la esgrima ye italiana:
[editar | editar código]
.jpg)
- Brigantin: bargantín.[3]
- Caïque: caique.
- Carène: carena.
- Corsaire: corsario.
- Coursive: corredor estreito en una embarcación.
- Drisse.
- Misaine: trinquet.
- Palan: testimoniau como palenc en 1573, deriva de lo italián palancio[4].
Alimentación, cocina y gastronomía[editar | editar código]
- Cantine.
- Caviar: deriva de lo venecián caviaro, amprau de lo turco havyar. La forma italiana con l ye caviale fue amprada tamién en francés como cavial en lo sieglo XVII, desapareixendo en lo XVIII.
- Riz: roz. La palabra francesa riz deriva de lo italián riso evolución de lo latín ORYZA, un helenismo que se remonta a lo griego antigo ὄρυζα (óruza). Un atra interpretación liucherament diferent interpreta que lo italián ha amprau riso dreitament de lo griego bizantín ὀρύζιον (orýzion). En tot caso ye una vía de transmisión diferent de la que ha traito dende l'arabe las palabras arroz, roz y arròs a la Peninsula Iberica.
Fruitas, verduras y hortalicias[editar | editar código]
- Agrume: deriva de lo italián agrume, que proviene de lo latín medieval ACRUMEN. Significa "árbol productor de citricos" y por metonimia tamién "fruito citrico".
- Artichaut: deriva de lo lombard articiocco, que ye una alteración de lo castellán antigo alcarchofa por influencia de ciocco. Corresponde a l'aragonés garchofa.
- Brocoli: deriva de lo plural italián broccoli de la palabra broccolo, forma sufixada con -olo de brocco ("chito", "rechito").
- Cantaloub: un tipo de melón.
- Cédrat: poncil, fruito de l'árbol Citrus medica.
- Chou-fleur.
- Citrouille: carabaza, fruito de Cucurbita maxima y de variants quasiesfericas de Cucurbita pepo, las dos introdueitas en Europa dende America enta lo sieglo XVI. Enantes, la sola especie d'esta familia conoixida en Francia yera la Lagenaria siceraria conoixida como calebasse u gourde.
- Céleri: deriva de lo lombard séleri, una forma en plural. Se remonta a lo baixo latín selinon, un helenismo.
Especias y condimentos[editar | editar código]
- Cannelle: canela.[5]
- Câpre: deriva de lo italián cappero, evolución de lo helenismo amprau por lo latín CAPPARIS, adaptación de lo griego antigo καππάριον, kappárion, que significa en aragonés tapara.
Laminerías, dulces y postres[editar | editar código]
- Berlingot: de lo italián berlingozzo, un bonbón tetraedrico.
- Biscotte: amprau de lo italián biscotto, con lo mesmo sentiu y orichen que biscuit, prenendo un chenero feminín en francés.
- Cassate: chelau de fruitas confitadas.
- Sorbet: deriva de l'italián sorbetto, que l'ampró de lo turco şerbet en lo contexto de l'actividat comercial veneciana. En turco ye un arabismo que se remonta a شربة, šarbatj, derivau de شراب, šarāb ("bebida").
Carnes[editar | editar código]
Quesos y lactios[editar | editar código]
Platos[editar | editar código]
- Cannelloni.
- Daube.
- Estouffade: estofau.[5]
- Pizza.
- Risotto.
Pasta[editar | editar código]
Recipients[editar | editar código]
- Bocal: pote.
- Carafe: garrafa. En realidat en francés ye un arabismo transmeso por lo italián caraffa.
Arquitectura[editar | editar código]
- Antichambre, con la variant anti- de lo prefixo ante- por estar adaptau dende lo italián[6] anticamera.
- Appartement: piso.
- Arcature.
- Architrave:
- Archivolte: arquivolta.
- Balcon: deriva de lo italián balcone, en italián antigo balcho, d'orichen longobardo (*balko).
- Balustrade.
- Balustre.
- Belvédère: viso, mirador.
- Cabinet.
- Cariatide.
- Corridor.
- Colonnade: columnata.
- Coupule: cupula.
- Dôme: domo.
- Esplanade: esplanada.
- Estrade: plataforma, carrera (en desuso).
- Façade: frontera.
- Frise: friso.
- Galerie: galería.
- Lustre: lampara colgant.
- Piédestal: pedestal.
- Pilastre: pilastra.
- Rotonde: retonda.
- Socle: calcil.
Arquitectura eclesiastica[editar | editar código]
Arquitectura militar[editar | editar código]
Arte, pintura y escultura[editar | editar código]
- Arabesque: arabesco.
- Coloris: deriva de lo italián colorito con cambio de sufixo -ito por -is.
- Esquisse: deriva de lo italián schizzo, que proviene de lo griego antigo σχῆμα skhema.
- Figurine: figureta, estatueta.
- Fresque: fresco.
- Guirlande: seguntes bella interpretación puede derivar de lo italián ghirlanda. Se documenta en aragonés medieval como garlanda.[7]
- Graffiti: deriva de lo plural italián de graffito, que proviene de lo latín GRAPHIUM. s'ampró en francés en relación a lo descubrimiento de los graffiti de Pompeya.
- Maestria: deriva de la forma homografa en italián, que indica o dominio d'un art u una tecnica.
- Miniature.
- Mosaïque.
- Pastel: deriva de lo italián pastello.
- Profil.
Musica, danza y espectaclos[editar | editar código]
- Aria: proviene de la palabra italiana pa dicir "aire".
- Ballet.
- Burlesque.
- Carnaval.[8]
- Concert: concierto.
- Mandoline: mandolina.
- Ocarina.
- Opéra: opera. Ye lo cognato de uebra.
- Paillasse: pallaso.[9] Derivau de lo italián pagliaccio ("saco de palla", "monyaco de palla").
- Piano. Ye lo cognato de l'aragonés plan(o).
- Polichinelle.
- Trio.[6]
- Violon: violón.
- violoncelle.
Los italianismos relacionaus con la musica incluyen adverbios de manera:
Vida social, constumbres[editar | editar código]
Ruidos de personas[editar | editar código]
- Barouf: deriva de l'alto alemán bihruofjan, a traviés de l'italián baruffa y de l'occitán barofa.
- Grabuge: deriva de lo italián garbuglio.
Tipos de personas[editar | editar código]
- Gonze: deriva de lo italián gonzo. Ye un termin de rechistro familiar y poco freqüent, con feminín en -esse gonzesse.
- Forfant.
Vida cortesana[editar | editar código]
Lo lexico relacionau con la vida cortesana ye tamién en part italián:
- Altesse: alteza, un títol honorifico.
- Courtisan: cortesán.
- Courtesie: cortesía.
- Disgrâce: desaprobación, refús.
- Incognito.
Ropa y accesorios[editar | editar código]
- Botte: bota.
- Brocart: brocato.
- Caleçon: calzón.
- Cape: manto.
- Capeline.
- Capuchon:
- Camisole.
- Costume: vestiu, trahe. De lo italián costume y de lo latín consuĕtūdinem, por lo que ye cognato de coutume ("costumbre").
- Escarpin: un tipo de calcero feminín.
- Ombrelle: como un bateauguas pero pa protecher de lo sol.
- Panache: penacho.[11] Deriva de lo italián pennacchio.
- Perruque.
- Sacoche: deriva de saccoccia.
- Tavaïolle. Amprau de lo italián tovagliola, diminutivo de tovaglia ("mantel"), con orichen francico en thwahlja, pero fácil que amprau de l'occitán toalha.
- Tresse: deriva de lo griego τριχία trikhia, a traviés de lo latín vulgar *trichia y lo italián treccia.
Banca y diners[editar | editar código]
Los italians destacoron en la banca y las finanzas. Lo Banco de San Giorgio fue fundau en 1407 en la Republica de Chenova como una institución financiera y representa un de los bancos mes antigos d'Europa. Son palabras d'orichen italián relacionadas con la banca:
- Agio: en italián ye l'adaptación de l'occitán aize, cognato de lo francés aise, tamién derivau de lo latín ADJACENS.
- Banque: banco, banca.
- Banqueroute: bancarrota.
- Bilan: de lo italián bilancio.[4]
- Cambiste: cambista.
- Crédit: credito.
- Ducat: ducau (moneda).
- Escroc.
- Piastra: nombre de moneda derivau de lo latín EMPLASTRUM.
- Trafic: trafico.
La palabra feminina banque ye de lo mesmo orichen que la palabra francesa banc ("banco d'asentar-se"), y entró en francés con la instalación de los bancos italians en León d'el Roine. En lo sieglo XVI se definiba banque como la table de changeur ou de commerçant ("la mesa de lo comerciant").
Zoonimos y fitonimos[editar | editar código]
- Cantarelle: deriva de lo italián cantarella. Ye un escarbacho de la familia Cantharidae que teneba una aplicación farmacolochica y que serviba tamién pa fer verenos.
- Girafe: deriva de lo italián giraffa, que l'ha amprada de l'arabe zarâfa.
- Guépard: deriva de lo italián gattopardo.
- Luciole: deriva de lo italián lucciola, forma sufixada con -ola de luce ("luz"). Ye una "cuquetas d'estrela", escarbacho de la familia Lampyridae que produce luz de nueit.
- Protèle: deriva de lo italián protele.
- Tarentule: deriva de lo italián tarantola. En francés fa referencia a la especie Lycosa tarantula, pero en atras luengas romances occidentals y en anglés puede fer referencia a las Mygalomorphae.
Atros[editar | editar código]
Italianismos foneticos[editar | editar código]
Las formas chenuinas en francés antigo chenaille, chevalerie y courtoisie fueron substituitas por adaptacions dende los suyos cognatos italians: canaille, cavalerie y courtesie. Lo probable occitanismo enamouré fue substituito por inamouré.
- Canaille:
- Cavalerie:
- Courtesie:
- Inamouré::
Morfolochía de los italianismos[editar | editar código]
Bi ha sufixos d'orichen en part italián como -iche y -oche
Lo sufixo -iche ye derivau de lo italián -iccio u -ice:
- Barbiche.
- Boniche.
- Fortiche.
- Potiche.
Lo sufixo -oche ye derivau de lo italián -occia u de lo latín tardano *-occa:
- Filoche.
Ye de destacar l'adaptación de lo sufixo italián –ata/-ada como –ade, igual como los occitanismos (brandade, grillade), y los castellanismos (camarade).
Un atro sufixo que se troba en bell italianismo ye -esque, adaptación de lo italián -esco, derivau de lo baixo latín -ISCUS, que ha evolucionau en aragonés igualment como -esco (berberesco, grecesco), pero tamién como -isco (morisco).
En uns pocos casos corresponde a castellanismos: mauresque, moresque, plateresque, churrigueresque, que pueden tener lo sufixo -esco como italianismo u no.
Tamién se troba lo sufixo -ole:
- Babiole.
- Banderole.
- Barcarolle.
- Barquerolle.
- Boussole.
- Cabriole.
- Coupole.
- Fusarole.
- Girandole.
- Gondole.
- Luciole.
- Muserolle.
- Scarole.
- Tavaïolle.
En francés bi ha un doblet de sufixos -ise--esse derivau de lo latín -ITIA igual como lo sufixo -eza en aragonés. Encara que la forma mes d'acuerdo con la fonetica francesa yera -ise, en francés ye muito mes comuna la presencia de la forma -esse d'este doblet, y en part la causa ye la entrada en sieglo XVI de muitos italianismos acabaus en -ezza d'entre los que han puesto subsistir:
Bi ha adverbios d'orichen italián relacionaus con la musica y con la gastronomía al dente. Tamién bi ha locucions adverbials derivadas d'italianismos (a dessein).
Referencias[editar | editar código]
- ↑ (fr) Melissa Soria Estévez: Les hispanismes dans Le Petit Robert 2014. Repositorio Institucional de la Universidad de La Laguna. La Laguna, chunio de 2015.
- ↑ (es) Elena Varela Merino: Los galicismos en el español de los siglos XVI y XVII. Editor: Editorial CSIC - CSIC Press, 2009. ISBN 8400087836, 9788400087838. pp 41-43.
- ↑ (es) Mariano Arribas Palau: Reclamaciones cursadas por Fernando I de Aragón a Abu Said Utman III de Marruecos, Boletín de la Real Academia de Buenas Letras de Barcelona, XXX, 1963-1964, pp. 307-322.
- ↑ 4,0 4,1 (fr) Paul Imbs, Bernard Quemada: Trésor de la langue française, Dictionnaire de la langue du XIXe et du XXe siècle (1789-1960). Editor: Éditions du CNRS/Gallimard, Paris, 1971-1994.
- ↑ 5,0 5,1 (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 178, p 243.
- ↑ 6,0 6,1 (fr) Jacqueline Picoche, Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. p 32, p 537.
- ↑ (es) Pedro Sainz de Baranda: La Santa Iglesia de Barbastro en sus estados antiguo y moderno. Volumen 48 de España sagrada. Editor: Real Academia de la Historia, 1862. p 226.
- ↑ (es) Gramática francesa. Larousse Editorial, S.A, 2000. p 161, p 208.
- ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p 399.ISBN 978-84-8094-061-0
- ↑ 10,0 10,1 10,2 10,3 (fr) Michèle Maheo-Le Coadic, Reine Mimran, Sylvie Poisson-Quinton: Grammaire expliquee du francais. Niveau intermediaire. Clé International, 2007. pp 184-185, pp 186-187.
- ↑ (es) LÍBANO, Ángeles y SESMA, J. Ángel, Léxico comercial en Aragón (Siglo XV). Institución Fernando el Católico, 1982.
Bibliografía[editar | editar código]
- (es) Rafael Lapesa: Historia de las lengua española. Editorial Gredos. (1981).
- (en) Peter Rickard: A History of the French Language. Editor: Routledge, 2003. ISBN 1134838778, 9781134838776.
- (fr) Adolphe Hatzfeld et al.: Dictionnaire général (1890-1900). Traité de la formation de la langue. Paris, Delagrave, 1890.
- (fr) Jean-Louis Tritter: Histoire de la langue Française. Editor: Paris, Ed. Ellipses - 1999.
- (fr) Jacqueline Picoche, Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249.
- (fr) Michèle Maheo-Le Coadic, Reine Mimran, Sylvie Poisson-Quinton: Grammaire expliquee du francais. Niveau intermediaire. Clé International, 2007.
Se veiga tamién[editar | editar código]
| O lexico italián y os italianismos ampraus por atras luengas | ||
|---|---|---|
| en alemán | en anglés | en aragonés | en arpitán | en astur-leyonés | en baverán | en castellán | en catalán | en francés | en galaico-portugués | en occitán | en neerlandés | ||
