Articlo partitivo en francés

L'articlo partitivo en francés se fa servir debant de substantivos incontables pa indicar quantidatz globals d'ixos substantivos. A formas d'articlo partitivo en francés son du, de la y des.

Determinant partitivo singular

Dende o punto de vista morfolochico, l'articlo partitivo "singular" ye o mesmo que l'articlo definiu singular precediu d'a preposición de:

• Forma masculina contracta : « du » ;
• Forma feminina : « de la » ;
• Forma epicena : « de l' » (debant una parola que encomienza foneticament por vocal) :
  • Je bois du lait, de l'orgeat, de la grenadine et de l'eau.
  • "Yo bebo leit, horchata, granadina y augua".
• As formas « de la » y « de l' » son composaus flexivos deseparaus.

O singular se combina con un substantivo incontable pa designar-ne por un regular un d'inanimau (du sable, "arena"). Si en designa un d'animau (un animal millor que un ser humán), lo transforma en materia consumible:

Un veau [articlo indefiniu] (un vediello); le veau [articlo definiu] ; du veau [articlo partitivo].

L'articlo partitivo presenta una forma identica a la d'a preposición de. Con tot y con ixo no s'ha de confundir-los:

Je parle de l'eau. / Je veux de l'eau.

En o primer eixemplo, « de l'  » ye l'articlo definiu precediu d'a preposition « de » (« eau » ye doncas C.O.I. d'o verbo « parle »). En o segundo, « de l'  » ye un articlo partitivo (« eau » ye doncas complemento directo d'o verbo « veux », ya que no bi ha preposición). La diferencia ye significativa en o pronombre relativo: L'eau dont je parle / L'eau que je veux. Manimenos, por atracción con a forma preposicional, o pronombre obchecto no concuerda con o COD: J'ai mis de l'eau sur la table / L'eau que j'ai mise / J'en ai mis.

Determinant partitivo plural

Como designant d'una part no contable d'un continuum, l'articlo partitivo no habría de tener que formas singulars.

• Manimenos dende l'inte que substantivo en qüestión no existe que en plural (pluralia tantum), se fa servir a forma epicena de l'articlo indefiniu des, devez calcada dende l'articlo definiu plural precedida d'a preposición de (devez una forma contracta):

Des archives ("archivos"), des cendres ("cenisas"), des décombres ("enruna"), des rillettes (un plato francés pareixiu a las chichorras), des ténèbres, des vivres…

De fueras d'estos casos particulars, un sintagma actualizau por un articlo partitivo singular no puede dicir-se en plural sin cambiar semanticament:

Por eixemplo, « des eaux » ye o plural de « une eau », y no pas o de « de l'eau », que normalment no en tien.

L'articlo partitivo plural debant un COD quasi siempre ye convertiu en « de » por un verbo en forma negativa :

Il mange des rillettes / Il ne mange jamais de rillettes.

Un atro caso de reducción d'o partitivo a la suya forma preposicional de ye quan o substantivo ye precediu d'un adchectivo, manimenos en francés coloquial actual bi ha tendencia a no seguir esta norma:

• La candidate a des connaissances en informatique.
  • La candidate a de bonnes connaissances en informatique.

Bibliografía

• (es) Gramática francesa. Larousse Editorial, S.A, 2014.
• (es) Jesús Cantera y Eugenio de Vicente: Gramática francesa. Editorial Cátedra, S.A., 1999.
• (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
• (fr) Élodie Heu: Le nouvel édito. Niveau B1. Les Éditions Didier, 2012.</ref>

Se veiga tamién

• Partitivo.