Luengas romances occidentals
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Luengas romances occidentals | |
|---|---|
| Atras denominacions: |
' |
| Distribución cheografica: |
Francia, Iberia, Norte d'Italia y Suiza |
| Etnia: | |
| Clasificación lingüistica | |
| Clasificación: | Indoeuropeas
|
| Protoluenga: | Latín |
| Subdivisions: | |
| ISO 639-1: | [2] |
| ISO 639-2: | [3] |
| ISO 639-3: | [4] |
| ISO 639-4: | [5] |
| ISO 639-5: | roa |
| Linguasphere: | ' |
| Glottolog: | ital1285 |
| Mapa de situación | |
 Luengas romances occidentals a la ezquierda | |
As luengas romances occidentals son una d'as dos subdivisions proposadas ta as luengas romances basada en a linia La Spezia–Rimini. Incluyen as brancas galorromanica y iberorromanica, asinas como as luengas d'o norte d'Italia. Ista subdivision se basa nomás en l'uso d'a "s" en a formación d'os plurals y en as consonants febles, encara que isto fa a categorización muit dificil, ya que bi ha una mayor similaridat lexica entre toz os dialectos d'o italiano y o francés que entre o francés y o castellano. Bi ha tamién por contra una mayor similaridat morfolochica entre o castellano y os dialectos italianos que entre l'italiano y o francés.
Basando-se en a intelichibilidat mutua, Dalby conta dica dotze luengas: portugués, castellano, astur-leyonés, aragonés, catalán, gascón, provenzal, galo-valón, francés, francoprovenzal, rumanche y ladino.[1] Iste criterio de clasificación ye manimenos problematico, debiu a o mayor nivel d'intelichibilidat mutua entre as luengas italicas y ibericas que entre qualsiquiera d'istas y as luengas galorromanicas.[2]
Bellas clasificacions incluyen aquí o italo-dalmata; denominando a o resultau como luengas romances italo-occidentals. Atras clasificacions fican o italo-dalmata con as luengas romances orientals.
O sardo no se puet clasificar satisfactoriament ni entre as luengas romances occidentals ni entre as orientals y ye posible que sía una scisión temprana d'uno d'istos grupos.
Actualment as quatre luengas romances occidentals standardizadas mas charradas son o castellano (con bels 410 millons de fablants nativos), o portugués (con bels 220 millons de fablants nativos y atros 45 millons con ista como segunda luenga, mas que mas en l'Africa lusofona), o francés (con bels 75 millons de fablants nativos y atros 70 millons con ista como segunda luenga, a mayoría en l'Africa francofona) y o catalán (con bels 7,2 millons de fablants nativos). Muitas d'istas luengas tienen un gran numero de fablants no nativos; isto ye muit común ta o francés especialment, ya que ye prou estendillau en Africa occidental como lingua franca.
Galorromanicas[editar | modificar o codigo]
As luengas galorromanica incluyen:[3]
- As luengas d'oïl, entre as que se troban o francés stándard, o picardo, o valón, o lorenés y o normando.
- L'arpitán, tamién conoixiu como francoprovenzal, que tien caracteristicas comunas con o francés y con o dialecto provenzal de l'occitán. A vegadas s'incluye tamién entre as luengas d'oïl.
As luengas galorromanicas pueden incluyir:
- As luengas retorromanicas, que incluyen o rumanche en Suiza, o ladino en l'aria d'os Dolomitas y o friulán en Friuli. As luengas retorromanicas pueden clasificar-se como galorromanicas u como una branca independient entre as luengas romances occidentals.
- As luengas occitanorromanicas en o sud de Francia y l'Este d'Iberia, que incluyen l'occitán y o catalán. As luengas occitanorromanicas pueden clasificar-se entre as galorromanicas, as iberorromanicas u como una branca independient entre as luengas romances occidentals.
- L'idioma occitán, que tien dialectos como o provenzal y o gascón-aranés.
- L'idioma catalán, que tiene as formas estandar d'o catalán y o valenciano. Se pueden clasificar tamién como ibero-orientals.
- As luengas galoitalicas, que incluyen o piemontés, o ligur, o lombardo, l'emiliano-romanyol, o galoitalico de Sicilia y o galoitalico de Basilicata. As luengas galoitalicas pueden clasificar-se como galorromanicas u entre os dialectos norditalianos.
As luengas d'oïl, l'arpitán y as luengas retorromanicas se clasifican a vegadas en un grupo común dito galo-retico.
Iberorromanicas[editar | modificar o codigo]
As luengas iberorromanicas d'a peninsula Iberica incluyen:[3]
- As luengas ibero-occidentals:
- As luengas castellanas, que incluyen o propio castellano y o chudeocastellano.
- O galaicoportugués, que incluye o portugués, o gallego, a fala y o portunyol riverense.
- L'astur-leyonés, que se subdivide d'este a ueste en cantabro, asturiano centro-oriental y leyonés. De norte a sud trobamos o leyonés, o mirandés, o extremenyo y o barranquenho.
- As luengas pirenenco-mozarabes, que incluyen l'aragonés y o extincto mozarabe. Pueden clasificar-se como ibero-occidentals.
- As luengas ibero-orientals u idioma catalán, clasificau por un regular como parti d'as luengas occitanorromanicas. Se veiga alto galorromanicas.
Referencias[editar | modificar o codigo]
- ↑ (en) David Dalby, 1999/2000, The Linguasphere register of the world’s languages and speech communities. Observatoire Linguistique, Linguasphere Press. Volume 2. Oxford.[1]
- ↑ (en) On the Romance Languages Mutual Intelligibility. Alina Maria Ciobanu, Liviu P. Dinu
- ↑ 3,0 3,1 Nordhoff, Sebastian; Hammarström, Harald; Forkel, Robert; Haspelmath, Martin, eds. (2013). "Western Romance". Glottolog. Leipzig: Max Planck Institute for Evolutionary Anthropology.