Academia Aragonesa d'a Luenga
| Academia Aragonesa d'a Luenga Academia Aragonesa de la Lengua | |
|---|---|
| Datos chenerals | |
| Tipo | |
| Sieglas | AAL |
| Embotada | |
| Lema | ' |
| Establimiento | 9 de mayo de 2013 |
| Fundador | |
| Localización | |
| Adreza | |
| Ciudat | Zaragoza |
| País |  Aragón
|
| Estato | |
| Coordenatas | |
| Atras seus | |
| Campus | |
| Profesors | |
| Estudiants | |
| • Bachillerato | |
| • Pregrau | |
| • Postgrau | |
| • Doctorato | |
| • Atros | |
| Treballadors | |
| Funcionarios | |
| Administrativos | |
| Mascota | |
| Colors | |
| •Academicas | |
| •Esportivas | |
| Administración | |
| Rector | |
| Vicerrector | |
| Canciller | |
| Vicecanciller | |
| President | Javier Giralt Latorre |
| Director | |
| Decano | |
| ' | |
| Afiliacions | |
| Financiamiento | |
L'Academia Aragonesa d'a Luenga (oficialment Academia Aragonesa de la Lengua) ye una institución scientifica de caracter oficial y publico, creyada por a Lei 3/2013, de 9 de mayo, d'uso, protección y promoción d'as luengas y modalidatz lingüisticas propias d'Aragón[1] como autoridat lingüistica de l'aragonés y o catalán. Substituye a l'Academia d'a Luenga Aragonesa y a l'Academia Aragonesa d'o Catalán, creadas con l'anterior lei, as cuals no se constituyeron.
Os suyos estatutos fueron aprebaus por o Gubierno d'Aragón o 10 d'abril de 2018, estando publicaus en o Boletín Oficial d'Aragón o 20 d'abril de 2018[2].
Tien personalidat churidica propia y exerce as suyas funcions con autonomía organica, funcional y presupuestaria, ta guarenciar a suya obchectividat y independencia.
Estructura[editar | modificar o codigo]
L'Academia ye compuesta por dos institutos: l'Instituto de l'aragonés y l'Institut aragonès del català, que podrán proposar a o Pleno de l'Academia as normas d'uso correcto de l'aragonés y catalán d'Aragón, respectivament.
Competencias[editar | modificar o codigo]
Seguntes a Lei 3/2013 y os suyos propios estatutos, son fins de l'Academia Aragonesa d'a Luenga:
- Estableixer as normas referidas a l'uso correcto d'as luengas y modalidatz lingüisticas propias d'Aragón, por os suyos institutos.
- Asesorar, por os suyos institutos, a os poders publicos y institucions sobre temas relacionaus con l'uso correcto d'as luengas y modalidatz lingüisticas propias y con a suya promoción social.
- Desembolicar aquellas fainas que, en l'ambito d'a suya competencia, l'encargue o Gubierno d'Aragón.
Academicos[editar | modificar o codigo]
Seguntes os suyos estatutos, l'Academia Aragonesa d'a Luenga podrá tener dica un maximo de 30 academicos de numero, y un numero indeterminau d'academicos correspondients y academicos d'honor. Os academicos habrán d'estar presonas de reconoixito prestichio en l'ambito d'a filolochía, literatura y lingüistica, preferenment doctors, y con preferencia de nativos, que cuenten con una larga trayeutoria en a practica y o fomento d'os valors lingüisticos y literarios propios d'a comunidat aragonesa, y en a que ye representaus as luengas y modalidatz lingüisticas propias d'Aragón.
En l'actualidat tiene 15 academicos de numero, que son os siguients[3]:
- Carmen Alcover Pinós.
- María Luisa Arnal Purroy.
- José Bada Panillo.
- María Pilar Benítez Marco.
- Manuel Castán Espot.
- María Ángeles Ciprés Palacín.
- Ánchel Conte Cazcarro.
- Javier Giralt Latorre.
- Mercedes Llop Alfonso.
- Juan Pablo Martínez Cortés.
- María Teresa Moret Oliver.
- Francho Nagore Laín.
- Francho Rodés Orquín.
- Ramón Sistac Vicén.
- José Solana Dueso.
Organo de gubierno[editar | modificar o codigo]
O suyo primer organo de gubierno u chunta estió nombrada l'1 d'otubre de 2021 con os siguients miembros:[4]
- President: Javier Giralt Latorre.
- Vicepresident: María Pilar Benítez Marco.
- Secretaire: Juan Pablo Martínez Cortés.
- Tresorera: María Teresa Moret Oliver.
Referencias[editar | modificar o codigo]
- ↑ Lei 3/2013, de 9 de mayo, d'uso, protección y promoción d'as luengas y modalidatz lingüisticas propias d'Aragón.
- ↑ Decreto 56/2018, de 10 de abril, d'o Gubierno d'Aragón, por o que se apreban os Estatutos de l'Academia Aragonesa d'a Luenga.
- ↑ (es) El Gobierno nombra a los primeros miembros de la Academia Aragonesa de la Lengua
- ↑ (es) La Academia Aragonesa de la Lengua celebra su primer Pleno y elige a su Junta de Gobierno en Arainfo