Chenova

	Chenova; Zena; Genova
	Localidat d'Italia
	; Puerto de Chenova, con barcos a vela.
Estau; • Rechión; • Ciudat metrop.	Italia; Liguria; Chenova
Superficie	243,60 km²
Población; • Total; • Densidat	; 558 745 hab. (2023); 2.495 hab/km²
Altaria; • Meyana	; 19 m.
Alcalde	Marco Doria
Codigo postal	16121–16167
Prefixo	010
Codigo ISTAT; Codigo catastral	010025; D969
Chentilicio	Chenovés/a (en ligur: zeneixi)
Fiestas	24 de chunio
Patrons	Sant Chuan Baptista
Coordenadas	44°N 24°E
	Chenova Chenova en Italia
	Web oficial

Chenova (Zena en ligur, Genova en italiano y oficialment) ye una comuna italiana en a rechión de Liguria, que ye la capital d'a suya rechión y tamién d'a ciudat metropolitana de Chenova. Ye a lo canto d'a mar Mediterrania, en o golfo de Chenova.

Tien una superficie de 243 km², una población de 611.683 habitants (en 2008) y una densidat de población de 2.517,21 hab/km². Ye lo puerto mas important d'Italia y ye o segundo puerto d'a mar Mediterrania dimpués d'o de Marsiella, en Francia.

A ciudat creixió en o sieglo XX, incorporando muitos municipios amanaus, y hue tien 71 unidaz urbanas, dimpués de que s'han adhibiu 25 municipios.

Toponimia

En aragonés medieval s'escribiba Genova, Genua, Genoa, con atras variants ortograficas, d'astí os chentilicios Genoveses u Chenueses.

En o Libro d'as Marabillas d'o Mundo trobamos Genoa y lo chentilicio Genoeses:

Et se dubda assi fuerme(n)t el lue(n)go cami(n)o [/] Si p(re)nden lures m(er)cad(e)rias a lisla de cathay q(u)i es mas c(er)ca / Et si no es pas tan c(er)ca q(ue) no c(on)uie(n)ga met(er) .xj. meses o xij. a yr por mar & por t(ier)ra de jenoa / o de venecia ata cathay Et encora es la t(ier)ra de p(re)stre joh(an) mas luein / muchas jornadas los m(er)cad(e)ros q(u)i van p(ar)dalla passan por p(er)sia & van a vna cibdat q(ue) ha nombre h(er)mopola /

En a Gran Cronica d'Espanya trobamos o chentilicio ginoueses:

La armada del rey de castiella sta(n)do guardando la mar et staua(n) hi .l. galeas de ginouesses et de castellanos .x. galeas et de arago(n). et aq(ue)stos era(n) de guerra

Tamién en as actas d'as Corz d'Alcanyiz de 1436:

item, pennas genuesas, cada vestir, cuadro dines

Cheografía

A ciudat de Chenova se troba situada a lo canto d'o golfo de Chenova, que fa parte d'a mar Ligur y, a lo suyo traviés, d'a mar Mediterrania. Os monts Apenins prencipian chusto a lo norte d'a ciudat, que amás ye amanada a la plana d'o río Po.

Mugas

O suyo termin municipal muga con os termins d'Arenzano, Bargagli, Bogliasco, Bosio, Campomorone, Ceranesi, Davagna, Masone, Mele, Mignanego, Montoggio, Sant'Olcese, Sassello, Serra Riccò, Sori y Tiglieto.

Historia

Chenova tien una ampla historia. Estió una ciudat d'os ligurs, y los cartachineses la destruyioron en 209 aC. Fue reconstruyida dimpués d'a suya incorporación a l'Antiga Roma.

En 932 una flota de piratas musulmana la conquirió y la espulló.^[2]

En a Edat Meya, Chenova estió una "Republica maritima", a Republica de Chenova, construyida sobre lo comercio maritimo. Dominó as islas de Cerdenya y Corcega, aliada primero con a Republica de Pisa y dimpués en solitario, dimpués de bellas luitas con os pisans. En 1453, a conquiesta de Costantinoble por l'Imperio Otomán estió un golpe cerenyo ta Chenova.

Dica istas calendatas, Chenova estió aliada con Espanya, a qui dió aduya militar, en especial maritima. Estió tamién un important puesto en o camín espanyol, ta portiar tropas d'Espanya enta Flandres por a mar Mediterrania.

En 1815 se decidió en o Congreso de Viena que s'adhibise a lo Reino d'o Piamonte, feito que significó dimpués que s'adhibise a lo Reino d'Italia y a l'actual Italia.

Estió una important base militar d'a Regia Marina italiana en o sieglo XX, especialment mientres a Segunda Guerra Mundial.

Esportes

En chenova tien a suya seu a Federación Internacional de Basketbol (FIBA).

Instalacions esportivas

D'entre todas las instalacions esportivas cal destacar o Estadio Luigi Ferraris, de propiedat municipal, a on chugan os principals equipos de fútbol d'a ciudat y la selección masculina de rugby d'Italia.

Entidaz esportivas

O fútbol ye representau prencipalment por 2 equipos: o Genoa Cricket and Football Club, o club mas antigo en actividat contina d'Italia, y por a Union Calcio Sampdoria que ye lo mas conoxiu y representativo d'a ciudat.

Administración

Alcaldes

Lista d'alcaldes
Lechislatura	Nombre	Partiu politico
1946–1948	Giovanni Tarello	Partito Comunista Italiano
1948–1951	Gelasio Adamoli	Partito Comunista Italiano
1951–1960	Vittorio Pertusio	Democrazia Cristiana
1960–1961	Nicio Giuliani	Comisario extraordinario
1961–1965	Vittorio Pertusio	Democrazia Cristiana
1965–1966	Augusto Pedullà	Democrazia Cristiana
1966–1966	Giuseppe Franzè	Comisario extraordinario
1966–1971	Augusto Pedullà	Democrazia Cristiana
1971–1975	Giancarlo Piombino	Democrazia Cristiana
1975–1985	Fulvio Cerofolini	Partito Socialista Italiano
1985–1990	Cesare Campart	Partito Repubblicano Italiano
1990–1992	Romano Merlo	Partito Socialista Democratico Italiano
1992–1993	Claudio Burlando	Partito Democratico della Sinistra
1993–1993	Alfio Lamanna	Partito Repubblicano Italiano
1993–1993	Vittorio Stelo	Comisario prefecticio
1993–1997	Adriano Sansa	Independient d'ezquierdas
1997–2007	Giuseppe Pericu	Democratici di Sinistra
2007–2012	Marta Vincenzi	Partito Democratico
2012–2017	Marco Doria	Centro-ezquierda
2017–2022	Marco Bucci	Dreita
2024–2025	Pietro Piciocchi	Dreita
2025–	Silvia Salis	Centro-ezquierda

Localidaz achirmanatas

1991: Buenos Aires (Archentina).

Vinclos externos

Se veigan as imáchens de Commons sobre Chenova.
(it) Pachina web oficial municipal de Chenova.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (es) Lucien Musset: Las invasiones. El segundo asalto contra la Europa cristiana. Editorial Labor, S.A., Barcelona, 1982, 1^era reimpresión, p.102. ISBN 84-335-9321-8

Comunas d'a ciudat metropolitana de Chenova

Datos: Q1449
Multimedia: Genoa / Q1449

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[2] (es) Lucien Musset: Las invasiones. El segundo asalto contra la Europa cristiana. Editorial Labor, S.A., Barcelona, 1982, 1^era reimpresión, p.102. ISBN 84-335-9321-8

[1]

[2]