Calcero

De Biquipedia
Ir a la navegación Ir a la búsqueda
Un par de zapatos

O calcero u calzau ye qualsiquier pieza de vestir que cubre o piet y, a vegadas, parti d'a garra, ta protecher-lo d'o fredo y d'o exterior, pero tamién con fins ornamentals.

Se pueden incluyir aquí as apargatas, as botas, os borceguins, as sandalias, as katiuskas, os zapatos, u qualsiquier atro d'os muitos tipos que han existido. Os tipos basicos, actualment, son: o zapato, que cubre o piet, encara que no plega a o calcanyar; a bota, que cubre piet y calcanyar y puet plegar mas alto; os borceguins, por un regular de descanso, y variants populars como as apargatas, calcero popular tradicional d'Aragón, usau mientres sieglos por a chent d'o pueblo, que no podeba aspirar a adquirir zapatos; a sandalia, que consta de suela y cinchas y que deixa a la vista a mayor parti d'o piet, asinas como atras variants emparentadas, como a chancleta, que se leva sin fixar a o clavillar.

O calcero ha existiu dende a Edat Antiga, en una tipolochía enormement diversa, pero o suyo uso no s'ha cheneralizau de tot entre as clases populars dica a Revolución Industrial; en a Edat Moderna, mesmo en Europa, o primer calzau conoixiu por muitos chovens yera o zapato u bota que recibiban en o exercito.

O calcero femenín ye pleno de connotacions fetichistas ta muitos hombres; asinas, o zapato de tacón d'agulla ye un simbolo erotico de primera magnitut; o botín de tacón alto evoca a demi-mondaine parisina d'a Belle Époque (u bien a prostituta de saloon d'o Far West); as botas altas tienen resonancias sadomasoquistas; etc.