Fernando Blas Gabarda
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Fernando Blas Gabarda | |
|---|---|
 Fernando Blas en as Chornadas de Nogará 2010 | |
| Información personal | |
| Calendata de naixencia | 3 d'octubre de 1969 |
| Puesto de naixencia |  Zaragoza (Aragón)
|
| Ocupación | Antropologo |
Fernando Blas Gabarda (Zaragoza, 3 d'octubre de 1969) empresario d'o sector fotografico, ye un gran conoixedor y investigador d'a lexicografía aragonesa.
Os muitos anyos adedicaus a investigar a lexicografía y tradición oral en o Perineu aragonés han dau como resultau numerosas comunicacions presentadas en congresos y chornadas, asinas como a publicación d'arrieda estudios sobre l'aragonés.
Ye miembro numerario dende octubre de 2022 de l'Academia de l'Aragonés, asinas como tamien d'o Ligallo de Fablans de l'Aragonés, d'o Consello d'a Fabla Aragonesa y d'o Instituto Aragonés d'Antropolochía.
Ye director chunto con Fernando Romanos Hernando de l'Archivo Audiovisual de l'Aragonés, una ampla replega de testimonios vivos de fabladors patrimonials de l'aragonés feitos per todas as vals de l'alto Aragón anque encara se charra esta parla.
Ha participau como articulista en o libro Tradición: cien respuestas a una pregunta, editau per a Diputación Provincial de Salamanca.
Ye coautor chunto con Fernando Romanos d'as siguients obras sobre l'aragonés:
- Fraseología del Chistabín
- El aragonés de Baixo Peñas
- Diccionario Aragonés: Chistabín-Castellano. Este treballo, obtenió una mención especial en o XVIII Premio de investigación cultural Marqués de Lozoya d'o Menisterio de Educación y Cultura d'Espanya.
A nivel internacional ha feito, en chunto con Fernando Romanos, os proyectos transfronterizos Interrreg "Detrás eths Pireneus/Dezaga d'es Perineus" una puesta en marcha de formacions comuns en luenga y cultura tradicional d'es dos costaus d'o perineu y en Poctefa-interrreg "Culturas pirenaicas y nuevas tecnologías", una fonoteca con grabacions en aragonés y gascón, asinas como un diccionario quatrilingue aragonés, gascón, castellano, francés.
Ye tamién coautor d'as obras audiovisuals chunto con Fernando Romanos:
- Patrimonio linguístico en a bal de Tena
- O dia d'o traje d'Ansó
- La fayeta y el diya d'a cultura chistabina
- De Fago a Erisué: Archivo audiovisual del aragonés
- L'aragonés de Fonz