Chentilicios en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Los chentilicios en francés designan en esta luenga romance los habitadors d'un puesto, d'una rechión, d'una provincia, d'un país u d'un continent en referencia a lo puesto a on que habitan u d'a on que son orichinarios.

Lo chentilicio se diferencia de lo etnonimo porque lo etnonimo designa una comunidat u pueblo que comparte una identitat sin estar restreito a un territorio concreto, por eixemplo en pueblos nomadas, pueblos con diaspora u pueblos en procesos migratorios. Manimenos a vegadas coinciden los chentilicios y los etnonimos, fendo-se los segundos a partir de los primers.

Bi ha sufixos creyadors de chentilicios que s'anyaden a lo toponimo; los sufixos creyadors de chentilicios mes comuns son -ien, -ienne y -ais, -aise. Manimenos, a vegadas se prefiere la estructura de + toponimo.

Los chentilicios s'escriben con minuscla cuan fan de verdadero adchectivo acompanyando a un substantivo. Ye cuan se substantivan cuan s'escriben con mayuscla:

• La cuisine française: la cocina francesa.
• Les Françaises: las francesas.

Sufixo -ain, -aine

Equivale a lo sufixo -án(o) en aragonés..

• Américain: americano, pero en especial d'Estaus Unius.
• Cubain: cubano.
• Dominicain: dominicano.
• Mexicain: mexicano.
• Roumain: rumano.

Sufixo -ais, -aise

Gosa corresponder a lo sufixo -és en aragonés, pero no siempre proviene de lo sufixo latín -ense, podendo provenir tamién de lo sufixo francico -isk, cognato de l'aragonés -esco, -isco.

• Anglais: anglés.
• Camerounais: camerunés.
• Finlandais: finlandés.
• Français: francés.
• Hollandais: holandés.
• Japonais: chaponés.
• Polonais: polaco.

Sufixo -and, -ande

• Allemand: alemán.
• Flamand: flamenco.

Sufixo -ègne

Ye l'adaptación de lo sufixo castellano -eño, -eña.

• Estrémègne: extremenyo.
• Hondurègne: hondurenyo.
• Portègne: de Buenos Aires.
• Salvadorègne: salvadorenyo.

Sufixo -en, -enne

Presenta la variant -ien dezaga de toponimos acabaus en ia:

• Algerien: d'Alcheria.
• Alsacien: d'Alsacia.
• Bosnien: de Bosnia.
• Lithuanien: de Lituania.
• Tunisien: de Túniz.

Sufixo -in, -ine

Equivale a lo sufixo -ín(o) en aragonés.

• Argentin: archentino.
• Maghrébin: de Magreb.
• Philippin: de Filipinas.

Sufixo -ois, -oise

Gosa corresponder a lo sufixo -és en aragonés, pero no siempre proviene de lo sufixo latín -ense, podendo provenir tamién de lo sufixo francico -isk, cognato de l'aragonés -esco, -isco.

• Chinois: chino / chinés.
• Danois: danés.
• Hongrois: hongaro.
• Luxembourgeois: luxemburgués.
• Québécois: de Québec.
• Suédois: de Suecia.
• Zaïrois: de Zaire.

Chentilicios acabaus en -ol, -ole

La terminación en -ol se troba en chentilicios ampraus a l'occitán:

• Espagnol: espanyol, habitador d'Espanya.
• Cévenol: habitador de las Cevenas.

Manimenos, tamién en chentilicios d'atros orichens:

• Mongol.

Chentilicios acabaus en -on, -onne

• Bourguignon: borgonyón, habitador de Borgonya.
• Breton: bretón, habitador de Bretanya.

Atros

• Grec, grecque: griego, griega.
• Suisse, suissesse: suizo, suiza. La forma femenina con sufixo -esse ye raro y no se troba que en bella locución.

Bibliografía

• (es) Vocabulario básico del francés. Editorial: Larousse Editorial. S.A., 2000.
• (es) Gramática francesa. Larousse Editorial, S.A, 2014.
• (es) Ortografía francesa: Larousse Editorial, S.A, 1999.
• (fr) Jacky Girardet, Jean-Marie Cridlig: Panorama Plus 1

Méthode de français. Santillana-Clé International, 1996.

• (fr) Reine Mimran: Vocabulaire expliqué du français - Niveau débutant. Clé International, 2004.