Oracions concesivas en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As oracions concesivas en francés indican una contradicción entre dos feitos, ye dicir que l'auno habría d'impedir a l'atro.

As oracions concesivas en francés pueden fer-se con conchuncions concesivas (bien que, même que), con adverbios (pourtant, cependant), con preposicions (malgré) u con expresions (avoir beau+infinitivo).

Oracions concesivas feitas con conchuncions

As conchuncions concesivas pueden ir con verbos en diferents modos:

• Indicativo: même si, sauf que.
• Condicional: quand même, quand bien même, même que.
• Subchuntivo: bien que, malgré que, loin que, encore que, quoique, quelque...que, si...que, ecetra.

Bien que

A conchunción bien que va seguida de verbos en subchuntivo y equivale a l'aragonés encara que u anque cuan va seguido d'o indicativo. Se refieren a un feito prou real u imposible de cambiar:

• Bien qu'il soit encore tôt, il faut voir le bétail.
  • Anque encá ye luego, cal dar güelta a'l ganau.

Sans que

A conchunción sans que va seguida de verbos en subchuntivo, pero s'emplega mes a sobén en atras formas de subordinación diferents a la subordinación concesiva.

• Il a bon cœur sans que cela se voie.

Quoique

A conchunción quoique tien o mesmo significau que bien que:

• Quoiqu'il pleuve, je sortirai.

Encore que

Presenta una forma pareixida a l'aragonés encara que, manimenos o suyo uso s'ha iu restrinchindo sobre tot a proposicions con verbos en subchuntivo.

• Ils ne pourraient pas le faire encore qu'ils veulent.
  • No podrían fer-lo encara que queresen.

Malgré que

A conchunción malgré que presenta o mesmo significau que bien que:

• D'après ce que je vois et malgré que le secteur soit plus violent, je crois que nous y risquons beaucoup moins qu'ailleurs.

À moins que (ne)

• Je resterais à la maison à moins qu' il fasse, très beau.

Quelque...que

Se fa servir acompanyada d'adchetivos d'adverbios u de substantivos.

Si...que

Se fa servir acompanyada d'adchectivos u d'adverbios.

• Si intéressant que soit ce qu'il raconte, personne ne l'écoute.

Tiene cierto pareixiu con un tipo de construcción concesiva que se documenta en aragonés benasqués així+ subchuntivo omitindo que.

Même si

A conchunción même si va seguida de verbos en indicativo y equivale a la conchunción benasquesa mismo si:

• Même si tu y vas maintenant, tu ne l'y trouveras plus.
  • Mismo s'i vas ara, ya no l'i trobarás.

Se fa servir con feitos hipoteticos u dubdosos, y tiene la mesma funcion que encara que u anque cuan va seguida de subchuntivo.

• Je dois aller à ce lieu hanté...même si le chemin est glissant.
  • Me'n he d'ir a ixe puesto encantau...anque'l camino seiga esbarizoso.

Sauf que

A locución conchuntiva sauf que indica excepción u reserva:

• Il est bien remis de son accident, sauf qu'il se fatigue rapidement à marcher.

Quand (bien) même

A conchunción quand même u quand bien même se fa servir con feitos hipoteticos u dubdosos:

• Quand bien même je vivrais deux cents ans je ne le verrais pas.
  • Anque vivís doscientos anyos no'l veyerí.

Lors même que

Ye un sinomimo de l'anterior.

Oracions concesivas feitas con preposición seguida d'infinitivo

Tamién bi ha estructuras concesivas formadas por preposicion seguida d'un infinitivo:

• Au lieu de + infinitivo: "en cuenta de + infinitivo".
• Loin de + infinitivo.
• Pour + infinitivo.
• Pour + être + substantivo, adchectivo u adverbio.
• Quitte à + infinitivo.
• Sans + infinitivo.
• Sauf à + infinitivo.

Quitte à

Indica accions decididas a pesar de las consecuencias negativas u periglosas que en puedan resultar:

• Je dois aller à ce lieu hanté...quitte à perdre mes os et ma chair.
  • Me'n he d'ir a ixe puesto encantau...encara que perda uesos y carne.

Oracions concesivas feitas con adverbios

Os adverbios que se fan servir en as oracions concesivas pueden estar de relación lochica u de ligazón, categorías que se superponen. Os adverbios que pueden expresar concesión son:

• Cependant.
• Néanmoins (en rechistro formal, por escrito).
• Pourtant.
• Toutefois.
• Tout de même.
• Quand même.

Atras estructuras, formas y expresions

Las estructuras concesivas formadas por una preposición seguida d'un substantivo son:

• Malgré + substantivo.
• En dépit de + substantivo.
• Sans + substantivo abstracto: "sin" + substantivo abstracto.

La estructura sans+ substantivo abstracto tiene equivalents en aragonés y as luengas romances:

• Et tout cela a été fait sans aucune réquisition.
  • E todo esto ha seydo feyto sin alcuna requisición.

Adverbio mes cherundio

Coincidindo con l'aragonés benasqués, en francés se puede emplegar un adverbio seguiu d'un cherundio pa expresar la concesión:

• Même en mangeant autant, tu es maigre.
  • Encara minchant tanto, estás fllaca.

En francés s'emplega como adverbios en este caso même u tout, en benasqués s'emplega encara.

Avoir beau

La locución avoir beau+infinitivo significa por mas que u por muito que.

• Il a beau le tenter, ne le reussirá pas.
  • Per mes que se i fague no'n ha de salre.
• Il a beau pleuvoir, ça ne suffit pas.
  • Per molto que pllougue no serà prou.

Emplego de relativos indefinius

Se fa servir un verbo en subchuntivo.

Qui que

• Qui que ce soit qui vous l'ait dit, il s'est trompé.

Quoi que

• Il viendra quoi que tu fasses.
• Et quoi qu'il arrive. Laisse-moi te suivre. (Canción Dernière histoire, premier amour de Gigliola Cinquetti.

Où que

• Où que tu sois, il viendra réclamer sa dîme.

Bibliografía

• (es) Jesús Cantera y Eugenio de Vicente: Gramática francesa. Editorial Cátedra, S.A., 1999.
• (es) Gramática francesa. Larousse Editorial, S.A, 2014.
• (es) María Pilar Benítez: L'Ansotano. Estudio del habla del Valle de Ansó. Gubierno d'Aragón, 2001.
• (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).
• (fr) Maïa Grégoire, Odile Thiévenaz: Grammaire progressive du français. Clé International, 2002. pp 12–16, pp 52–54.
• (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
• (fr) Élodie Heu: Le nouvel édito. Niveau B1. Les Éditions Didier, 2012.