Ángel Ballarín Cornel

De Biquipedia
Ir ta: navego, busca
Start hand.svg Esta fuella ye escrita en benasqués.
Ángel Ballarín Cornel
Información personal
Calendata de naixencia 12 d'octubre de 1889
Puesto de naixencia Flag of Aragon.svg Benás
Calendata de muerte 3 d'agosto de 1981
Puesto de muerte Flag of France.svg Burdeus
Ocupación Mayestro y escritor.

Ángel Ballarín Cornel (Benás, Ribagorza, 12 d'octubre de 1889 - Burdeus, Franza, 3 d'agosto de 1981)[1]. Maestro y escritor, va estar un d'els primers estudiosos d'el benasqués y autor d'el primer Diccionario d'el benasqués y la primera Gramatica d'ista variedat.

Biografía[editar | editar código]

Va naixer a Benás el día d'el Pilar de 1889, a casa Güerri. Va estudiar a la Escuela Normal de Uesca dan tant buenas calificacions que le van donar la pllaza de maestro directament a Calatayú an que no va estar guaire temps perque va querir presentar-se a oposicions ta la Administración Local y va acabar de secretari a Benás an que tamé feba de maestro.

Ta l'an 1938 se va exiliar a Burdeus y allí va estar a diferents puestos: de descargador de muelles an que va tinre un percance gordo que el va tinre postrau a'l llit un an entero; a un instituto anque va entrar grasias a l'apoyo dels suyos profesors de la Escuela Normal y del profesor Georges Beros. D'allí el van despedir per "rojo" y perque no yeba un buen modelo ta la mainada anque el va achudar el Director Monsieur Courtiade, el rectorau de l'Academia de Burdeus, el Consulau de España y el Solar español.

Allí a Burdeus va amostrar sin cobrar res, a llichir a la mainada y a grans d'una asociación de refuchiats espanyols. A la ocupación alemana va treballar a la Base Submarina pero iste yeba un treball forzau perque els alemans consideraban a'ls refuchiats coma si fuesen rehens. Tamé va treballar d'encargau a la Camara de Comercio de Burdeus y va tinre un treball de responsabilidat a un laboratorio de farmacia hasta que se va chubilar a'ls 70 ans.

Ye alavegada quan puede dedicar-se a'ls temas de la lluenga anque ell no yera pas llingüista pero sí teniba una gran amistat dan Manuel Alvar. Entre iste, su fillo y els chermans el van animar ta fer el Diccionari, la Gramatica y els altros llibres d'antropolochía: El Valle de Benasque y Civilización Pirenaica. Tamé va tinre amistat dan Ramón J. Sender y Miguel de Unamuno. Se va morir a Burdeus en 1981.

Obra[editar | editar código]

Referencias[editar | editar código]

  1. Ángel Ballarín Cornel . Articllo a la Gran Enciclopedia Aragonesa