Acinonyx jubatus

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Acinonyx jubatus
Guepardo (Acinonyx jubatus)
Denominacions populars
Guepardo
Estau de conservación

Vulnerable (IUCN)
Clasificación cientifica
Eukaryota
Animalia
Chordata
Mammalia
Theria
Placentalia
Carnivora
Feliformia
Felidae
Felinae
Acinonyx
A. jubatus
Descripción
Acinonyx jubatus
SCHREBER, 1775
Distribución cheografica
Distribución d'o guepardo.

O guepardo (Acinonyx jubatus), tamién clamau chita, ye un miembro atipico d'a familia d'os felidos. Ye o solo representant vivo d'o chenero Acinonyx. Caza gracias a la suya vista y a la suya gran velocidat. Ye l'animal terrestre mas veloz, ya que consigue una velocidat punta d'entre 95 y 115 km/h en cursas de dica 400-500 metros.[1][2][3][4] As fembras pueden tener dica cinco cadiellos por camada. A suya presa prencipal ye a gacela de Thomson.

Zoonimia[editar | modificar o codigo]

O zoonimo como se conoixe a esta especie en muitas luengas romances occidentals proviene de l'italián gattopardo, adaptau en francés como guépard.

Un atra denominación present en Europa Occidental ha plegau dende o sanscrito a traviés d'o hindi y de l'anglés cheetah, que como anglicismo puede trobar-se en castellano (chita).

Descripción[editar | modificar o codigo]

Ye un felino de gran grandaria: mide entre 110 y 150 cm de largaria, a o cual cal adhibir una coda d'entre 55 a 80 cm.[5] A suya altaria en a cruz ye de 74 ta 90 cm y pesa entre 35 y 60 kg: os masclos son d'una grandaria licherament mayor que as fembras.

O guepardo poseye una anatomía especializada pa la cursa. Poseye o mayor corazón en proporción a la suya grandaria de toz os felinos, o que le permite de bombiar a sangre con mas fuerza enta tot o suyo cuerpo. Os suyos livianos y fuesas nasals son muit amplios para absorber mas oxicheno; amás, poseye una larga coda, que puede arribar a la metat d'a largaria d'o suyo cuerpo, o cual le da estabilidat en a persecución. As suyas zarpas no son retractils, a diferencia d'as d'os de demás felidos: ista caracteristica amillora a suya tracción en altas velocidaz.[6]

Cuan naixe, a cría tiene una abundant melena clara sobre o dorso, en contraste con a mayoría d'os felins.

O guepardo ye l'animal terrestre mas veloz d'o mundo: corre a una velocidat maxima d'entre 95 y 115 km/h (puede arribar dica os 95 km/h en solament tres segundos), encara que, si no consigue a suya presa en menos d'uns cuatrocientos metros, albandona a persecución.[7][8]

Gosa cazar gacelas y impalas, encara que tamién atrapa crías d'atros mamíferos, especialment de nyu y zebra.

Referencias[editar | modificar o codigo]

  1. Campeones todo terreno. Los animales mas rápidos. Elsa ediciones [Kingfisher Publications Plc]. 1998, ISBN 2-7452-0160-3, p. 38
  2. Picq, P.; Digard, J.P.; Cyrulnik, B.; Matignon, K.L. La historia mas bella de los animales. Anagrama. Colección Argumentos. 2002, ISBN 84-339-6176-4, p. 104
  3. Felinos Salvajes. Briggs, M.; Brigss, P. Parragón P. 2007. ISBN 978-1-4054-8922-5, p. 92
  4. "Error: |títol= no especificau en emplegar {{cita web}}Plantilla:Namespace detect showall". http://www.catsg.org/cheetah/05_library/5_3_publications/H/Hildebrand_1959_Motions_of_cheetah_and_horse.pdf. ; Although according to Cheetah Luke Hunter and Dave Hamman, (Struik Publishers, 2003), pp. 37–38
  5. Aulagnier, S., Haffner, P., Mitchell-Jones, A. J., Moutou, F. y Zima, J. (2009), {{{títol}}}, Lynx Edicions. ISBN 978-84-96553-52-1.
  6. "Error: |títol= no especificau en emplegar {{cita web}}Plantilla:Namespace detect showall". http://www.chitas.nu/vida-del-chita/anatomia-del-guepardo/. 
  7. Aceleración del guepardo, en Física para la ciencia, Paul Allen Tipler,Gene Mosca
  8. Aceleración del guepardo en Ficha 17, El guepardo, Método para el desarrollo de la comprensión lectora, José Jiménez Ortega, Isabel Jiménez de la Calle

Se veiga tamién[editar | modificar o codigo]

Vinclos externos[editar | modificar o codigo]