Pueblos mongols

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aria de distribución d'os diferents pueblos mongols, con indicación d'as maximas mugas de l'Imperio Mongol.

Os pueblos mongols son un conchunto de pueblos orichinarios d'as estepas euroasiaticas orientals y que actualment se distribuyen principalment por o territorio d'os estatos de Mongolia, China (bi ha mongols en Mongolia Interior, Manchuria, Xinjiang y Gansu y Qingai) y Rusia (bi ha mongols en Buriatia, en atras zonas de Siberia y en Calmuquia). As luengas mongols las han clasificatas tradicionalment dentro d'a familia altaica, pero actualment se ye replanteyando esta clasificación. Historicament os mongols tenioron una gran expansión en a Edat Meya con a formación de l'Imperio Mongol. En periodos posteriors os mongols conoixioron unas expansions menors en forma de migracions tan luent como o Tíbet u o curso baixo d'a Volga en relación con conflictos entre tribus u a formación d'estatos con clase dirichent mongola como o Khanato Dzhungaro. Os principals pueblos mongols son os khalkhas, os buriatos, os oiratos (y como una branca esgallata d'ells os calmucos, o solo pueblo mongol habitador d'Europa Oriental). A mayor part d'os mongols son budistas lamaístas, con repuis d'una relichión anterior de tipo tengrianista.

Etnonimo

En os textos medievals aragoneses se gosan referir a los mongols como "tartaros" chunto con toz os pueblos turquicos con os que conviviban en l'Imperio Mongol, y bi heba una antiga tribu mongola dita asinas que fue sozmesa por o mesmo Chinguis Khan. Actualment a denominación de "tartaro" se reserva a ciertos pueblos musulmans de luenga turquica de l'antiga Unión Sovietica.

O etnonimo mongol u mogol se troba en muit pocas traduccions a l'aragonés, pero lo veyemos en o "Libro de Marco Polo" y en "La Flor de las Ystorias d'Orient":

En aquesta prouinçia fue el sitio de preste ioha(~)n quando el senyoreaua la t(ie)rra que agora senyorea(n) los tartres et toda la gent le fazia trehudo aquesti Rey iordi es stado el .iiii. Rey de aquellos que son estados apres que preste ioha(~)n murio enla batalla Et aquesti lugar es aquel que nos clamamos goigmas et ellos lo claman hunc de mogoll et aquesto es stado por que en tiempo passado auie en aquella prouincia dos gouernaçiones de gentes la vna se clamaua hunc et aq(ue)stos fueron primeros et la otra se clamaua mogoll car eran seydos tartres et por aquello aq(ue)stos tartres se claman algunas vegadas mogolls.

La t(ier)ra et la encontrada delos tartataros habitauan primerament Es dela grant montanya de belgian de aquesta mo(n)tanya faulan las istorias de alexandre alla do el faze mençion delos hombr(e)s saluages que el trobo en aquella encontrada que habitauan primerame(n)t los tartaros assi como ho(m)bres bestiales qui no auien fe ni ley et andauan de lugar en lugar pastura(n)do sus bestias et eran menos preçiados por las otras naciones alos quales ellos seruien muchas naciones delos tartaros los quales fueron nombrados mogols se aiustaro(n) et ordenaron capitanes et Gouernadores entre ellos et creçiero(n) tanto q(ue) ellos se departieron en vij. naçiones et entro al dia de oy aquellos de aquellas naçiones son tenidos por mas nobles q(ue) los otros la primera de las .vij. naçiones es nonbrada tartres la segunda caugot la terçera erath la iiij. Jalair la .v. sonit la vj. meng(e)l la .vij. tabet et mientre que aquestas naçiones staua(ua)n enla subieccion de los vezinos assi como desuso es dicho esdeuino se que vn pobre hombre viello el qual auie nombre canguis vio en suenyos vna vision que vidie vn cauallero armado sobre vn cauallo blanco que lo clamaua por su nombre canguis la voluntat del inmortal dios es tal que tu deuas seyer Gouernador et senyor sobre las vij. naçiones delos tartaros que son dichos mag[o]lls et por sean deliurados dela seruitut