Burgunyons

De Biquipedia
(Reendrezau dende Borgonyons)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Burgunyons
Bourguignons
Traches tipicos burgunyons
Rechions con comunidaz importants
Francia
Idiomas
Francés, borgonyón, arpitán
Pueblos relacionaus
Valons, franceses, churasians, arpitans
Mapa

Rechión de Borgonya-Franco Condau

Os burgunyons (en francés bourguignons) son os habitants de Borgonya y d'o Franco Condau, actualment asimilaus a lo pueblo francés, en a Edat Meya yeran consideraus un pueblo diferent. Son de relichión catolica.

Luenga[editar | modificar o codigo]

Ta más detalles, veyer l'articlo idioma borgonyónveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

As parlas tradicionals en Borgonya y centro y norte d'o Franco Condau corresponden a luengas d'Oil (borgonyón), pero en o sud d'o Franco Condau bi ha parlas que corresponden a l'arpitán.

Etnonimo[editar | modificar o codigo]

O toponimo Borgonya provién de Burgundia, tierra d'os burgundios, un pueblo chermanico sozmeso por os francos. En anglés a mesma "Borgonya" ye dita Burgundy.

En a "Cronica de los Conquiridors" os mesmos burgundios son ditos burgunyones:

En tiempo del emperador Theodosio menor fillo de Arcadio el qual començo a imperar apres dela muert de Honorio, tio suyo, el anyo de nuestro Senyor CCCCXXV, la gent delos Vnos, pueblo muyt cruel, sallio delas lontanas partidas de Scithia con lur rey Subataro, et conuinieron sobre aquellos Burgunyones destruyendo et matando aquellos sin ninguna misericordia et derrobando todas lures cosas. Et los Burgunyones no eran ahun christianos, mas depues se bautizaron todos et tomaron la fe de Ihesu Christo por que los ayudasse contra los Huncnos. Pues seyendo ya christianos los Burgunyones, los Huncnos fueron otra vegada sobre ellos et los començaron a destruyr como de primero; la ora ellos todos de comun voluntat se recomendaron a Ihesu Christo et corrieron sobre los Huncnos et vincieron los et mataron lur rey Subataro con bien X m delos enemigos et persiguieron los otros qui fuyen et los fuera echaron de sus terminos. Pues muerto el rey Subataro, los Huncnos constituyeron reyes suyos Atilla et Blenda, qui eran hermanos et eran fillos del rey Magdulco, hermano del dicho Subataro.

En a "Cronica de Morea" ya veyemos o chentilicio u etnonimo aplicau a lo pueblo de luenga neolatina:

et uidiendo que non podia tomar patras caualgo et tomo los casales et las uillas del senyor de patras et todos los otros lugares de la morea que non auian grant fortaleza. et depues fue en andreuilla: et la prinçessa que era en calamata ordenadas et goarnidas sus fortalezas et reposados et encaualgados sus burgunyones qui era(n) uenidos con ella ordeno et fizo su capitan de guerra et comando que toda su gent assi burgunyones como de la tierra caualgassen contra don ferrando por defender su terra et recobrar aquella que era perdida

Historia[editar | modificar o codigo]

Cuan l'Imperio Carolinchio d'os francos fue dividiu, Borgonya quedó fuera d'o Reino de Francia Occidental, y por o tractau de Verdún quedó en o Sacro Imperio Romano Chermanico.

O territorio de Borgonya sufrió muitos cambios de muga y divisions. A part occidental se convertió en o Ducau de Borgonya, que con o tiempo quedó en mans d'os Capetos, y rematará adhibindo-se a lo dominio reyal d'os reis de Francia. A part oriental se convertió en o Condau de Borgonya y dimpués Franco Condau (Condau Libre) pasará a mans d'os Habsburgo y fará parte de l'Imperio Espanyol.

Os duques de Borgonya aproveitoron a segunda fase d'a Guerra d'os Cient Anyos pa prener o control de muitos territorios entre o Reino de Francia y o Sacro Imperio Romano Chermanico. En o reinau de Loís XI de Francia se produce una luita contra Carlos o Temerario, duque de Borgonya. A la muerte de Carlos o Temerario o rei s'anexiona a lo dominio reyal o ducau de Borgonya, Artois y Picardía. Manimenos a sucesión d'a casa de Borgonya pasa a los Habsburgo por o matrimonio d'a filla de Carlos o Temerario con Maximilián d'Austria en 1477.

Bibliografía[editar | modificar o codigo]