Suecia
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Reino de Suecia Konungariket Sverige | |||||
| |||||
| Lema nacional: För sverige i tiden | |||||
| Himno nacional: Du gamla, Du fria | |||||
 | |||||
| Capital • Población |
Estocolmo 974.073 (2020) | ||||
| Mayor ciudat | Estocolmo | ||||
| Idiomas oficials | No'n tien¹ | ||||
| Forma de gubierno | Monarquía parlamentaria Carlos XVI Gustavo Magdalena Andersson | ||||
| Unión | Sieglos X - XIII | ||||
| Superficie • Total • % augua Mugas |
Posición 54º 449.964 km² 8,67% 2.233 km | ||||
| Población • Total (2020) • Densidat |
Posición 86º 10.336.399 22,97 hab/km² | ||||
| PIB (PPA) • Total (2007) • PIB per capita |
Posición 30º US$ 274.449 30.300 | ||||
| Moneda | Corona (kr, SEK) = 100 öre | ||||
| Chentilicio | Sueco/a[1] | ||||
| Zona horaria • en Verano |
UTC+1 UTC+2 | ||||
| Dominio d'Internet | .se | ||||
| Codigo telefonico | +46 | ||||
| Prefixo radiofonico | 7SA-7SZ, 8SA-8SZ, SAA-SMZ | ||||
| Codigo ISO | 752 / SWE / SE | ||||
| Miembro de: UE, ONU | |||||
| 1 O sueco ye l'idioma nacional de facto. Se reconoixen oficialment cinco idiomas como luengas minoritarias. | |||||
O Reino de Suecia, u Suecia ye un país d'Europa que fa parti d'a Unión Europea (UE). Muga con Noruega en o norte, Dinamarca en o sud-ueste y Finlandia en l'este.
Toponimia
[editar | modificar o codigo]Ye un toponimo derivau d'o etnonimo d'o pueblo chermanico que i predominó cuan forachitoron a los godos, los suecos. O toponimo ye documentau en aragonés por primera vegada en a "Grant Cronica d'Espanya", compilación historica empentada por Chuan Ferrández d'Heredia:
Cheografía
[editar | modificar o codigo]Situau en o norte d'Europa, Suecia limita a o este con a mar Baltica y o golfo de Botnia, dando-le a o país una larga linia costera, que forma a parti iste d'a peninsula Escandinava. A o ueste se troban os Alpes escandinavos (Skaderna), os cuals forman una buega natural con Noruega. A o nord-este limita con Finlandia, a o sud-ueste con os estreitos de Skagerrak, Kattegat y Öresund, que lo deseparan de Dinamarca, Alemanya, Polonia, Rusia, Lituania, Letonia y Estonia. Amás, ye connectau con Dinamarca por o puent d'Öresund.
Con una superficie de 450 295 km², Suecia ye o 57° país mas gran d'o mundo. Ye o cinqueno mas gran d'o continent y o mas gran d'Europa d'o Norte. A suya grandaria ye un poquet mas gran que o estato de California y semellant a o d'Uzbekistán, con una población de mas de 10 millons d'habitants.
L'altitut minima de Suecia se troba en a badía d'o laco Hammarsjön, amán de Kristianstad con 2,41 metros baixo o livel d'o mar. L'altitut maxima d'o país ye en o mont Kebnekaise con 2.111 m.O territorio sueco tamién comprende unas 221 800 islas, d'as cuals 1085 contan con una población permanent. Gotland, Öland, Orust, Hisingen y Värmdö son as islas mas grans d'o país.
En a suya mayoría, o territorio sueco ye plano, con excepción d'a zona ueste an surten os Alpes escandinavos.
Clima
[editar | modificar o codigo]A mayor parti de Suecia tiene un clima templau, manimenos a suya latitut norte, con cuatro estacions distintas y temperaturas suaus entre tot l'anyo. L'hibierno en l'extremo sud gosa estar feble y se manifiesta solament a traviés de cualques periodos mas curtos con nieu y temperaturas baixo cero, l'agüerro bien puede convertir-se en primavera allí, sin un periodo definiu d'hibierno. O país se puede dividir en tres tipos de clima: a parti mas a o sud tiene un clima oceanico, a parte central tiene un clima continental humido y a parte mas a o norte tiene un clima subarctico. Manimenos, Suecia ye muito mas calida y ixuga que atros puestos en una latitut semellant, y mesmo bella cosa mas a o sud, prencipalment a causa d'a combinación d'a Corrient d'o Golfo.
A temperatura mas alta nunca rechistrada en Suecia estió de 38 °C en Målilla en 1947, mientres que a temperatura mas freda nunca rechistrada estió de -52,6 °C en Vuoggatjålme o 2 de febrero de 1966.
A causa d'a gran latitut de Suecia, a duración d'a luz d'o día vareya muito. A o norte d'o Cerclo Polar Arctico, o sol nunca se mete en verano y nunca sale en hibierno. Manimenos, en a capital Estocolmo,que se troba mas a o sud, a luz d'o diya dura mas de 18 horas a fins de chunio, pero solament arredol de 6 horas a fins d'aviento.
Historia
[editar | modificar o codigo]Suecia naixió como país independient y unificau entre a Edat Meya. Desembolicó una administración moderna centralizada dende o reinau d'o rei Gustavo I en o sieglo XVI. En o sieglo XVII o país extendió os suyos territorios y formó l'Imperio Sueco. A mayoría d'os territorios conquerius difuera d'a peninsula escandinava los perdió entre os sieglos XVIII y XIX. A rechión oriental de Suecia, l'actual Finlandia, estió conquerida por Rusia en 1809. A zaguera guerra en que Suecia s'embrecó ocurrió en 1814, cuan Suecia obligó Noruega a formar a unión personal con Suecia, que disolvió en 1905. Dende 1814, Suecia ha estau en paz y ha adoptau una politica exterior de neutralidat en tiempo de guerra.
Organización politico-administrativa
[editar | modificar o codigo]Condaus
[editar | modificar o codigo]Suecia se divide en 21 condaus clamaus län.
| Escudo | Condau (Län) | Capital | Aria (km2) | Habitants (2019)[2] |
|---|---|---|---|---|
 | Estocolmo | Estocolmo | 6,519.3 | 2,377,081 |
 | Västerbotten | Umeå | 55,186.2 | 271,736 |
 | Norrbotten | Luleå | 98,244.8 | 250,093 |
 | Uppsala | Uppsala | 8,207.2 | 383,713 |
 | Södermanland | Nyköping | 6,102.3 | 297,540 |
 | Östergötland | Linköping | 10,602.0 | 465,495 |
 | Jönköping | Jönköping | 10,495.1 | 363,599 |
 | Kronoberg | Växjö | 8,466.0 | 201,469 |
 | Kalmar | Kalmar | 11,217.8 | 245,446 |
 | Gotland | Visby | 3,151.4 | 59,686 |
 | Blekinge | Karlskrona | 2,946.4 | 159,606 |
 | Skåne | Malmö, Kristianstad | 11,034.5 | 1,377,827 |
 | Halland | Halmstad | 5,460.7 | 333,848 |
 | Västra Götaland | Gotemburgo, Vänersborg | 23,948.8 | 1,725,881 |
 | Värmland | Karlstad | 17,591.0 | 282,414 |
 | Örebro | Örebro | 8,545.6 | 304,805 |
 | Västmanland | Västerås | 5,145.8 | 275,845 |
 | Dalarna | Falun | 28,188.8 | 287,966 |
 | Gävleborg | Gävle | 18,198.9 | 287,382 |
 | Västernorrland | Härnösand | 21,683.8 | 245,347 |
 | Jämtland | Östersund | 49,341.2 | 130,810 |
Diez ciudaz mas importants
[editar | modificar o codigo]As diez ciudaz mas importants son:
| Puesto | Nombre | Población en 2015 |
|---|---|---|
| 1 | Estocolmo | 1,515,017 |
| 2 | Göteborg | 599,011 |
| 3 | Malmö | 316,588 |
| 4 | Uppsala | 220 000 |
| 5 | Upplands Väsby | 122,953 |
| 6 | Västerås | 122,953 |
| 7 | Örebro | 120,650 |
| 8 | Linköping | 111,267 |
| 9 | Helsingborg | 109,869 |
| 10 | Jönköping | 96,996 |
Cheografía humana y sociedat
[editar | modificar o codigo]Gastronomía
[editar | modificar o codigo]A gastronomía sueca siempre ha estau baixo a influencia d'o clima y os recursos disponibles en as diferents rechions d'o país. Como que a d'atros países escandinavos (Dinamarca, Finlandia y Noruega), ye tradicionalment sencilla. O pescau, a carne y as trunfas son os ingredients basicos pa elaborar a mayoría d'as tipicas recetas suecas.
Entre os platos mas famosos d'o país destacan as mondonguillas suecas (Köttbullar), tradicionalment servidas con salsa, trunfas bullidas y con mermelada d'anayons royos. Tamién o lutfisk y o smörgåsbord. O knäckebröd ye o pan tradicional sueco y s'ha desarrollau en muitas variants contemporanias.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en)"Sweden: Major Municipalities". http://citypopulation.de/en/sweden/cities/mun/.
| Estaus d'Europa |
| Abkhasia3 | Albania | Alemanya | Andorra | Armenia2 | Austria | Azerbaichán1 | Belarrusia | Belchica | Bosnia y Herzegovina | Bulgaria | Cazaquistán1 | Croacia | Cheorchia1 | Chipre2 | Chipre d'o Norte2, 3 | Chequia | Dinamarca | Eslovaquia | Eslovenia | Espanya1 | Estonia | Finlandia | Francia1 | Grecia | Hongría | Islandia | Irlanda | Italia1 | Kosovo3 | Letonia | Liechtenstein | Lituania | Luxemburgo | Macedonya d'o Norte | Malta | Moldavia | Mónegue | Montenegro | Noruega | Osetia d'o Sud3 | Países Baixos | Polonia | Portugal | Reino Uniu | Rumanía | Rusia1 | San Marino | Serbia | Suecia | Suiza | Transnistria3 | Turquía1 | Ucraína | Vaticano |
| Dependencias: Åland | Akrotiri y Dhekelia | Chibraltar | Guernési | Isla de Man | Islas Feroe | Jèrri | Svalbard |
| 1 Parti d'o suyo territorio ye difuera d'Europa. 2 Se troba en Asia, pero tien relacions historico-culturals con Europa. 3 Parcialment reconoixiu. |
| Control d'autoridaz |
|
|---|
