Leit
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |

A leit (pron. /lei/~/ʎei/) u let (pron. /let/~/ʎet/) (d'o latín < LACTE(M)) ye a secreción d'as glandulas mamarias d'as fembras d'os mamifers. Tien una color que va dende o blanco dica l'amarillenco, seguntes a especie animal de que en provienga.
Ye especialment adaptata a las necesidatz alimentarias d'os natons, y a sobén en ye o solo suyo alimento. Seguntes a especie a lactancia materna puet durar dende semanas dica anyos.
Os sers humans son os solos mamifers que bebemos a leit d'atras especies (uella, vaca, craba, etc), fueras de bells animals domesticos (can, mixín) que'n han ito adquirindo os mesmos habitos.
Os humans tamién son os solos animals que en consumen en a edat adulta. Iste feito ye una adaptación chenetica relativament moderna prevocata por o descubrimiento d'a ganadería u domesticación d'atras especies animals, y bi ha diversos grupos humans (y presonas individuals) que encara no han feito ista adaptación y tienen intolerancia a la lactosa, uno d'os components d'a leit.
A leit ye una materia prima con que se pueden fer muitos d'atros productos alimentarios, como manteca, queso, yogurt, nata, cuallata, etc.
A leit tien a propiedat de trigar-se,[1] esto se desvién quan os microorganismos que se crían en a leit degradan a lactosa producindo acido lactico, o que fa baixar o pH dica un punto en o que as caseínas precipitan.
Referencias[editar | modificar o codigo]
- ↑ Fernando Blas Gabarda, Fernando Romanos Hernando: Diccionario Aragonés: chistabín-castellano. (Bal de Chistau). Gara d'Edizions, 2008
Se veiga tamién[editar | modificar o codigo]
Vinclos externos[editar | modificar o codigo]
Se veigan as imachens de Commons sobre a leit.
- (en) O calcio y a leit.