Cenisa

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cenisas.

A cenisa[1][2][3] (d'o latín < *CINISIA[4]) ye o producto d'a combustión de bel material, composato por sustancias inorganicas no combustibles, como sals minerals.

Parti queda como repui en forma de polvo depositato en o puesto a on que s'ha cremato o combustible (fusta, vasuera, etc.) y parti puet estar chitata a l'aire como parti d'o fumo.

En l'analís d'alimentos tamién se conoixe con o nombre de cenisas a o conchunto de minerals que no se creman ni se evaporan. Dimpués de calcinar-lo, ye mas fácil fer un analís detallato de cada mineral. Asinas por eixemplo, dimpués d'analizar miel obtenemos as siguients cantidaz:

En iste eixemplo, as cenisas serían o conchunto de minerals que se troban en a miel.

A cenisa de plantas (fusta, restollos, etc.) tiene un alto contenito de potasio, calcio, magnesio y atros minerals esencials ta ellas. Puet emplegar-se como fertilizant si no contiene metals pesatos u atros contaminants. Como gosa estar muit alcalina, se puet mezclar con augua y deixar-la un tiempo a l'aire ta que se niutralice en parti combinando-se con o CO2 ambiental. Tamién se'n puet mezclar con atro abono mas acido, como l'humus. A descomposición en l'humus, amás a mas fa a os minerals mas biodisponibles.

As cenisas d'animals contienen mas sodio y principalment o fosfato calcico d'os uesos. As cenisas d'incineracions humanas pueden contener restas de metals de empastes y atros implantes.

Referencias[editar | modificar o codigo]

  1. (es) Brian Mott El habla de Gistaín, Instituto de Estudios Altoaragoneses, 1989, ISBN 84-86856-15-9, p.120
  2. (es) Ricardo Mur Saura Diccionario panicuto, con apéndice gramatical y recoplilación de textos, Alto Galligo, 2014, ISBN 978-84-934262-8-6, p.42
  3. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.119
  4. (es) Rosa María Castañer Martín:Estudio del léxico de la casa en Aragón, Navarra y Rioja, Gubierno d'Aragón, 1990, ISBN 84-7753-146-3, p.189