Ucraína
De Biquipedia
| Україна / Ukrayina | |||||
|
|||||
| Lema nazional: "Volia, Zlahoda, Dobro" (Ucrainés; Libertat, Alcuerdo, Bondat) |
|||||
| Inno nazional: Sche ne vmerla Ukraina | |||||
 |
|||||
| Capital • Poblazión |
Kiev 2.660.401 (2005) |
||||
| Mayor ziudat | Kiev | ||||
| Idiomas ofizials | Ucrainés | ||||
| Forma de gubierno
President
Primera Menistra |
Republica semipresidenzialista Víktor Yushchenko Yuliya Tymoshenko |
||||
| Independenzia Declarata Reconoxita |
d'a URSS 24 d'agosto de 1991 1 d'abiento de 1991 |
||||
| Superfizie • Total • % augua |
Posizión 43º 603.700 km² 0% |
||||
| Poblazión • Total • Densidat |
Posizión 26º 46.710.816 77,3 ab./km² |
||||
| PIB (PPA) • Total (2006) • PIB per capita |
Posizión 30º US$ 344.766 millons US$ 7.637 |
||||
| Moneda | Hryvnia | ||||
| Chentilizio | |||||
| Zona oraria | UTC+2 | ||||
| Dominio d'Internet | .ua | ||||
| Codigo telefonico | +380 |
||||
| Prefixo radiofonico | EMA-EOZ / URA-UZZ |
||||
| Codigo ISO | 804 / UKR / UA | ||||
| Miembro de: ONU, OSCE | |||||
Ucraína ye un país situato en l'este de Europa, que muga con o Mar Negro á lo sur, a Federazión Rusa á l'este, Belarrusia á lo norte y Polonia, Eslobaquia, Ongría, Rumanía y Moldabia á l'ueste. A capital d'o país ye a ziudat de Kiev. Dica 1991, Ucraína yera parte d'a Unión Sobietica, como a clamata Republica Sozialista Sobietica d'Ucraína.
A suya poblazión ye de 48.396.470 abitans (2002) en una superfizie de 603.700 km², con una densidat de poblazión de 80 ab/km².
Contenius |
[editar] Istoria d'Ucraína
[editar] Antiguedat
Cuan entramos en a istoria, os primers pobladors bien conoxitos son os eszitas. Herodoto escribió sobre ellos en o sieglo V; seguntes tradizions locals replecatas por él os eszitas eban feito fuera á os Zimerios que i bibiban enantes, y que se'n fuoron ta Anatolia.
Os eszitas fuoron empentatos por os sarmatas, tamién iranios, ya á prinzipios de o sieglo IV aC. Os zaguers eszitas formarán reinos residuals en Crimeya y Dobrucha (Scitia Minor de os romans).
Os Gotos s'establioron en a zona a prenzipios de o sieglo III, entre diferens pueblos resultato de o trestallamiento tribal sarmata: alans, roxolans, chazigues, sirazes, aorsos. Os gotos de l'autual Ucraina esdebenioron ostrogotos u gotos de l'este, á diferenzia de os gotos de l'uest u bisigotos, en l'autual Rumanía.
D'alto u baxo en 374, os huns entroron en o territorio alán. Os alans se dibidioron en diferens brancas y emigroron con os huns u fuyindo de os huns. Os huns cambeyoron a estrutura etnica. Tot y que yeran una orda de muitos pueblos, n'i eba muitos que yeran de a familia turquesa. Os eslabos de o norte d'Ucraína empezipioron lurs migrazións con os mobimientos de poblazión d'ista epoca.
[editar] Edat Meya
Dimpués de a derrota d'Atila quedan ostrogotos en Crimeya, y alans entre o Kubán y o Caucaso. En Moldabia y zonas forestals de o norte y este d'Ucraína bi ha pueblos eslabos como os antos. A istoria posterior d'Ucraína será una istoria de luita entre pueblos sedentarios eslabos cuentra embasors turqueses nomadas que i entran periodicamén.
En o terreno estepario de o sur, zentro y l'este d'Ucranía os repuis de pueblos iranios s'asimilan con os pueblos turqueses nomadas pa formar una nueba identidat etnica: os (proto)bulgaros. Bi'n ha chazimientos entre fins de o sieglo VI y prinzipios de o sieglo VIII.
Entre fins de o sieglo VII y prinzipios de o sieglo VIII aparixe atro pueblo turqués en Ucraína, os khazaros, que arqueolochicamén corresponden con a cultura de Salkov. Os Ongaros, un pueblo basallo de os khazaros ocupó Ucraína ozidental e Moldabia.
O imperio khazaro teneba una clase dirichén diferén a atros pueblos turqueses. Fomentó a sedentarizazión de o suyo pueblo, a fundazión de ziudaz, o comerzio; teneban abilidat diplomatica y se combitión á o chudaísmo. Dimpués de conoxer una prosperidat comerzial desaparixió por a presión conchunta de os pazinacos, que embadiban dende l'este y os eslabos orientals, que imbadiban dende o norte y l'oeste, on bi eba prenzipatos poderosos como o Prenzipato de Kiev.
Os pazinacos empentoron á os ongaros ta Panonia, l'autual Ongría, y s'establioron en Ucraína ozidental. Os mesmos pazinacos yeran empetantatos por atro pueblo turqués, os Uzos, y os Uzos por os Kipchaks u Cumans. Istos pueblos turqueses farán siempre una falca entre os eslabos orientals y os griecos bizantins.
O reino Kipchak desaparexerá en o sieglo XIII por a conquiesta mongola. Se formará o Canato de a orda d'oro por trestallamiento d'o imperio mongol. Os mongols asimilatos á os turqueses quipchac esdebenirán tartres, y prenerán a relichión musulmana.
Os balacos de Moldabia, os polacos y os lituans irán conquerindo tierras á os tartres cuan estos entren en decadenzia. Os polacos dixarán que a zona de o río Dnieper siga poblata por chen de defienda a muga, con pribilechios á cambeyo de os suyos serbizios militars, como en as mugas con os moros en Castiella y Aragón en a Edat Meya. Alabez aparixe a palabra Ucraína, que en eslabo sennifica "muga", "güega", á o mesmo estilo que en Castiella u Aragón as zonas guegals con os moros se clamaban Estremaduras. Ista poblazión, con elementos tartres, pero de predominanzia eslaba debenirán os cosacos zaporogos, que a diferenzia de os cosacos de o Don, charraban ucrainés y no ruso.
En os millors tiempos de a Unión Polaco-Lituana ye cuan se produze a deseparazión de os tres grans pueblos eslabos orientals. Os rusos son fuera d'ista unión y tienen una istoria y tradizión politica diferén. En 1569 se produze a deseparazión entre ucrainenses y bielorrusos, cuan os primers pasan á depender de Polonia y os segundos siguen dependendo de Lituania. Os bielorrusos leban asoziatos con os lituans más de dos sieglos.
En o sieglo XVII os cosacos d'o Sur de Kiev e d'o Dniéper se rebelan y empezipia un periodo en que a influenzia rusa ye cada begata más gran
[editar] Espansión rusa enta o sur e surueste
En o nordeste de l'autual Ucraína os rusos ban conquerindo territorios a los tartres poco a poco pa asegurar a suya muga sur. Os rusos organizan en a rechión de Jarkov unas linias fortificatas e fan benir soldatos-colons. Este territorio se dirá Ucraína, (a “marca”, a “muga”), encara que os rusos li deziban més bien Rusia Chicota, como prolongazión d’a Grant Rusia zentrata en Moscú. Os cosacos d'esta zona serán conoxitos como cosacos ucranians a diferenzia d'os cosacos d'o Don, e no son os mesmos cosacos que os zaporogos d'o Dniéper u atros cosacos que yeran en a Unión Polaco-Lituana.
Baxo o reinato de Catalina II (1762-1796) a mayor parte d'a Ucraína autual pasa a fer parte d'o Imperio Ruso y tendrá consecuenzias pa os cosacos e tartres. Os otomans encomienzan una guerra en 1768 pero pocos años més tarde os rusos conquieren Tauride e Crimeya, entrando dimpués en Moldabia, Balaquia e dica Bulgaria. Por o Tratato de Kutchuk-Kainardji (16 de chulio de 1774) os otomans zeden a Rusia Azov, Kertch (cabo oriental de Crimeya) e a costa entre o Dniéper y o Bug. O Canato de Crimeya, incluita a Tauride esdebién un estato independient.
O esito ruso fa preoucupar a os austriacos, que s'aligan con os prusians e obtienen de Rusia en compensazión o primer reparto de Polonia (1772). D'esta traza Austria prene una tierra etnicament ucraniana, Galitzia oriental, con capital en Lvov, e a més obtién d'o Imperio Otomán a zona norte de Moldabia en parte abitata por ucranians y que esdebendrá Bucobina.
Os cosacos dixan de tener una posizión marguinal que lis permite estar independients e as suyas libertaz esdebienen anacronicas. O zaguer atamán ha tenito que renunziar a lo suyo cargo en 1764. Onze añatas més tarde as tropas rusas destruyen Sietch.
O menistro Potemkin encomienza una colonizazión con poblazions cristianas fundando Jersón en 1778 e Mariupol en 1779. En 1783 Rusia s'anecsiona o Canato de Crimeya e os otomans lo reconoxen como feito consumato. A colonizazión contina con a fundazión de Sebastopol en 1784, Iekaterinoslav en 1786. En 1787 os otomans atacan o Imperio Ruso pero pierden y os rusos ocupan Chedisán, plegando dica o río Dniéster, que por o [Tratato de Iasi]] en 1792 será a muga entre o Imperio Ruso y o Imperio Otomán.
Dimpués de benzer a os otomans o Imperio Ruso consigue con o segundo e terzer reparto de Polonia ocupar Volhinia e Podolia, bels territorios d’a Unión Polaco-Lituana poblatos por ucranians. En 1812 dimpués d’a guerra en 1806 cuentra os otomans permite a os rusos ocupar Besarabia (a metat oriental de Moldabia), con Buchac.
[editar] O sieglo XIX en as arias de colonizazión d'o sur
Baxo os zars Ucraina esdebinió o granero d’o Imperio Ruso con as famosas tierras negras u chernozem. Ucraína tamién representaba a frontera maritima con a base nabal de Sebastopol e lo puerto comerzial d’Odessa, fundato en 1796, e desembolicato entre 1803 e 1814.
Os colons que plegoron ta las tierras conquiestas a los otomans e tartres yeran prenzipalment ucranians d’a zona entre Kiev e Jarkov dita Chicota Rusia e rusos. Tamién plegoron griegos e armenios d’o Imperio Otomán, chodigos, alemans, (en Tauride, Chedisán e Crimeya), En o sur de Besarabia y espezialment en Buchac as poblazions musulmanas son sustituitas por ucranians, rusos, bulgaros, gagauzes e colons alemans. Se creyan aldeyas con nombres ebocadors d’as campañas rusas cuentra Napolión.
Dende meyatos d’o sieglo XIX e sobre tot con o desembolique d'o ferrocarril en 1870 bi ha una espleitazión d’os recursos minerals: a ulla d'a rechión de Donets e lo fierro de Krivoi-Rog. Amanix una industria pesata con un capitalismo salbache. En conchunto en Ucraína oriental e meridional i eba un desembolique que recordaba a un país nuebo á lo estilo d'America.
[editar] O sieglo XIX en Ucraína ozidental
En o sieglo XIX en Podolia e Volinia i abió pocos cambeyos. En 1839 a ilesia uniata fue adibita a la ilesia ortodocsa rusa a la fuerza. En Galitzia, Bucobina e Rutenia subcarpatica representaban un estrato sozial con rango inferior a lo d'os polacos. En 1846 cuan os polacos lis se subleban a las autoridaz imperials austriacas, os ucranians u rutens se subleban a los nobles polacos, sublebazions que as tropas austriacas consiguen sofocar. A Ilesia Uniata se mantién firme entre os ucranians u rutens baxo dominio austrongaro e contribuye a fer-los sentir diferents tanto d'os polacos catolicos como d'os rusos ortodocsos. A politica ongara consigue que os rutens que bibiban en o reino d'Ongría (Rutenia subcarpatica sobre tot) se sientan diferents d'os rutens de Galitzia e Bucobina que bibiban en o reino d'Austria, e con o tiempo a denominazión de rutén designará espezialment a los d'Ongría.
[editar] O Periodo d'entreguerras
Dimpués d'esboldregar-se o Imperio Zarista o 15 de marzo de 1917 se costituye en Kiev un consello (rada) con apoyo popular. Os miembros prozeden d’a soziedat d’Ucranians Progresistas que dende 1908 ya autuaban pa conseguir un estatuto d’autonomía seguindo os cauzes legals. En nobiembre de 1917 se proclama a republica democratica d’Ucraína e se costituye un gobierno sozialdemocrata.
[editar] Enrastres esternos
Se beigan as imachens de Commons sobre Ucraína.- (uk) (en) Pachina web ofizial d'a Presidenzia d'Ucraína.
- (uk) Pachina web ofizial d'o Gubierno d'Ucraína.
 |
Ex Unión de Republicas Sozialistas Sobieticas (URSS) |
| Armenia | Azerbaichán | Belarrusia | Cazaquistán | Cheorchia | Estonia | Letonia | Lituania | Moldabia | Quirguisistán | Rusia | Tachiquistán | Turkmenistán | Ucraína | Usbekistán |
 |
Comunidat d'Estatos Independients (CEI) |
| Armenia | Azerbaichán | Belarrusia | Cazaquistán | Cheorchia | Moldabia | Quirguisistán | Rusia | Tachiquistán | Turkmenistán | Ucraína | Usbekistán |
| Estatos d'Europa |
| Albania | Alemaña | Andorra | Armenia | Austria | Azerbaichán | Belarrusia | Belchica | Bosnia e Erzegobina | Bulgaria | Cazaquistán | Croazia | Cheorchia | Chipre | Chequia | Dinamarca | Eslobaquia | Eslobenia | España | Estonia | Finlandia | Franzia | Grezia | Islandia | Irlanda | Italia | Kosovo | Letonia | Liechtenstein | Lituania | Lusemburgo | Mazedonia | Malta | Moldabia | Mónegue | Montenegro | Noruega | Ongría | Países Baxos | Polonia | Portugal | Reino Unito | Rumanía | Rusia | San Marino | Serbia | Suezia | Suiza | Turquía | Ucraína | Ziudat d'o Baticano |
