Hongaros

De Biquipedia
Ir ta: navego, busca
Hongaros
Magyarok
Matthias Corvinus.jpgBartók Béla 1927.jpgJózsef Eötvös.jpg
Matías CorvínBéla BartókJózsef Eötvös
Población total
15 millons
Rechions con comunidatz importants
Flag of Hungary.svg Hongría 9,967,921
Flag of Slovakia.svg Eslovaquia 520,528
Flag of Germany.svg Alemanya 120,000
Flag of Austria.svg Austria 40,583
Flag of the Czech Republic.svg Republica Checa 14,672
Flag of Slovenia.svg Eslovenia 6,243
Idiomas
Hongaro
Relichión
Cristianismo
Mapa
MagyarsOutsideHungary.png
Hongaros en o sieglo XXI

Os hongaros (en hongaro magyarok) habitan en Hongría y zonas diferents paises mugants en a Cuenca Panonica. Se calcula que son 10,5 millons en Hongría (o 95 % d'a población), 2,5 millons en Rumanía, 400.000 en Voivodina (Serbia), y 3 millons en as zonas mugants d'Eslovaquia, Ucraína y Croacia. O numero d'hongaros en a diaspora luent d'Hongría se calcula en 2 millons repartitos por Estatos Unitos, Europa Occidental, Escandinavia y Australia. Parlan una luenga uralica d'a branca ugria con elementos turquicos. Son mayoritariament catolicos con minorías protestants.

Historia[editar | editar código]

Descienden de pueblos eslavos y talment d'atros orichen como vlacos y pueblos chermanicos sozmesos por una minoría dirichent formata por un pueblo nomada d'as estepas d'Europa oriental de qui prenen o etnonimo d'hongaros u maguiars. A denominación de maguiar lis bien por a tribu prencipal d'a federación de 10 tribus dita on-gur (as "diez tribus" u as "diez sayetas").

O bisnieto d'o Khan Arpad, Geza, se convirtió a lo catolicismo en 975 y lo suyo fillo Esteban fue declarato rei d'Hongría por o Papa de Roma. A formación d'o Reino d'Hongría como un estato hongaro fuerte con o modelo d'as monarquías cristianas d'Europa occidental aturó a penetración de pueblos nomadas euroasiaticos, que yeran esbarratos enta o Imperio Román d'Orient u bizantín dica o sieglo XIII, ye o caso d'os pazinacos y os cumans.

Os sucesors d'Esteban encomenzoron una espansión territorial plegando dica os Carpatos y anexionando-sen Eslovaquia y Transilvania. Croacia s'unió a lo reino d'Hongría en 1102 pero mantenendo a suya autonomía. En 1241 a invasión mongol redució la suya población d'Hongría a quasi a metat, pero os mongols no se quedoron. Si que quedoron poblacions de cumans y alans que se refuchioron d'os mongols.

A dinastía d'Arpad s'estinguió en 1301. Bi habió una dinastía orichinaria d'a baixa nobleza vlaca hongarizata, os Hunyadi, (Iancu de Hunedoara y Matías Corvín) con a que Hongría tenió o suyo mayor espendor. Atras dinastías que reinoron en Hongría estioron os Anchú, os Luxemburgo y os Jagellon. En 1596 Solimán o Magnifico derrotó a lo exercito hongaro en Mohacs. A parte central d'o reino d'Hongría y Croacia quedoron ocupatas por os otomans, Eslovaquia y a parte occidental d'Hongría y Croacia quedoron baixo a poder d'os Habsburgo, Transilvania formó un principato autonomo. O territorio ocupato por os otomans yera dividito en quatre paxaliks y Transilvania yera un estato titere d'o Imperio Otomán.[1]

En o sieglo XVII os Habsburgo consiguioron fer reblar a lo Imperio Otomán y conquerir a mayor parte de l'antigo reino d'Hongría, incluita Transilvania. Os otomans lis cedioron os territorios en a paz de Carlowitz (1699). Hungría esvebinió part d'o estenso Imperio Austriaco d'os Habsburgo, y recibió a plegata de repobladors alemans que serán conoixitos como Suabos d'o Danuvio. En 1828 os hongaros no yeran que o 38 % d'os habitants d'una Hongría tres vegatas més gran que l'actual.[2] A fins d'o sieglo XIX o Imperio Austriaco se reorganizó formando o Imperio Austro-Ongaro, formato por o reino d'a Gran Hongría y o reino d'Austria que compartiban rei.

En o sieglo XIX os nacionalistas hongaros s'enemistoron con os nacionalistas d'atros pueblos que habitaban l'antigo reino d'Hongría, como ye o caso d'os crovates, serbios, eslovacos y rumans. Bi habió represions contra as culturas d'ixos pueblos pa asimilar-los a la fuerza. En 1910 os hongaros yeran ya a mayoría d'a población d'Hongría, més extensa que l'actual.[2] Manimenos a primera Guerra Mundial estió un desastre pa Hongría, que estió en o bando perdedor. Dimpués de perder-ie, os rumans atacoron Hongría y n'ocuporon dica a capital. Hongría fue forzata a reconoixer por o tractato de Trianon a perduga de totas as suyas rechions perifericas, quedando muitos hongaros en territorios de países mugants, en bells casos mayoritarios u en d'atros chicotas minorías. Se producioron movimientos de población. En o territorio rumán os funcionarios hongaros fuoron despeditos y muitos emigroron ta Hongría.

En a segunda Guerra Mundial Hongría s'alinió con o exe y fue recompensata con l'anexión de zonas mugants de Yugoslavia y d'o norte de Transilvania y on encomenzoron a fer limpiezas etnicas con a población rumana. Dimpués d'a guerra as mugas tornoron a estar as mesmas que enantes (de fueras d'a muga con Checoslovaquia) y as tropas sovieticas imposoron un rechimen comunista que duró dica fins d'o sieglo XX.

Referencias[editar | editar código]

  1. Felipe Fernández-Armesto. Los hijos de Zeus. Pueblos, etnias y culturas de Europa. 1996 Grijalbo.
  2. 2,0 2,1 Felipe Fernández-Armesto. Los hijos de Zeus. Pueblos, etnias y culturas de Europa. 1996 Grijalbo

Se veiga tamién[editar | editar código]