Gagauzes

De Biquipedia
Ir ta: navego, busca
Gagauzes
Flag of the Gagauz people.svg
Gagauz-children.jpg
Población total
240.000
Rechions con comunidatz importants
Flag of Moldova.svg Moldavia 147.500
Flag of Ukraine.svg Ucraína 31.900
Flag of Greece.svg Grecia 30.000
Flag of Turkey.svg Turquía 15.000
Flag of Russia.svg Rusia 12.200
Flag of Romania.svg Rumanía 3.000
Flag of Kazakhstan.svg Cazaquistán 700
Flag of Bulgaria.svg Bulgaria 540
Idiomas
Gagauz
Relichión
Cristianismo ortodoxo
Pueblos relacionatos
Pueblos turquicos

Os gagauzes son un pueblo de luenga turquica propia y relichión cristiana ortodoxa griega. Os territorios que ocupan en Ucraina, Moldavia, Rumanía y Bulgaria no tienen continuidat territorial, estando l'aria més gran en o sud de Moldavia, on han declarato una republica independient sin reconoiximiento internacional.

Historia[editar | editar código]

A suya etnochenesi no ye clara y bi ha muitas teorías. Se sape que son orichinarios de territorios bulgaros d'o sud de Dobrucha. Pareix estar que son o producto d'a superposición de bellas migracions turquicas anteriors a los otomans (Pazinacos, Uzos, Cumans, Selchuquís disidents, ecetra...) que estioron baixo a influencia d'os griegos bizantins y se cristianizoron.

Quan o Imperio Ruso conquirió as costas d'o norte d'a Mar Negra forachitoron a os Nogais y querioron repoblar-la con poblacions cristianas, permetendo que venisen alemans, bulgaros, y gagauzes. Os Gagauzes s'establioron en o sud de Besarabia creyando una isleta etnica prou dinamica pa asimilar a poblacions no gagauzas y con o tiempo tener més importancia numerica y territorial que en o puesto d'orichen d'os gagauzes d'o sud de Dobrucha.

A presencia de Gagauzes en a Dobrucha rumana o Dobrucha d'o norte se remonta a reguchiatos d'a Guerra de Crimea.

O gubierno sovietico no permitió que tenesen lur propia rechión autonoma y tamién lis prohibió una amostranza en lur luenga. Dimpués d'a desintegración d'a URSS a mayor part d'os gagauzes d'a URSS esdevinioron una minoría important en a Republica de Moldavia y declaroron a suya independencia respecto a Moldavia creyando a Republica de Gagauzia.

Bibliografía[editar | editar código]

  • Amiram Gonen, DICCIONARIO DE LOS PUEBLOS DEL MUNDO. 1996 Anaya&Mario Muchnik.