Privilechio

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Privilechio ye etimolochicament lei privada, u siga, no a lei cheneral, so que a lei relativa a una persona concreta. Ye la honor u lo permís pa fer una actividat garantito por una atra persona u gubierno.

Por eixemplo, en los libros s'indica a sobén lo dreito d'autor con la expresión latina Cum privilegio. Lo privilechio no ye un dreito, y en bels casos puet estar revocato de forma tan arbitraria como s'ha concedito (por un regular lo rei). Un dreito ye inherent, mientres que un privilechio ye una concesión. Manimenos, en la practica lo privilechio ye perén y s'hereta, mientres que los dreitos los conquerió un pueblo con a luita de diferents movimientos socials.

En l'Antigo Rechimen los privilechios yeran tanto personals como territorials. En Espanya yeran tamién conoixitos como fueros. La expresión privilechio s'asociaba a la libertat, en sentito contrario de tot a l'usato en la sociedat contemporania. Privilechios y libertaz d'un noble yeran los suyos mes preciatos biens, lo que se convertirá en la suya posición social y la suya capacidat de actuar publicament.

Lo concepto de clase privilechiata en la sociedat contemporania s'equipara en lo luengache usual a lo de clase dirichent u clase alta, la que disposa de riqueza y poder politico mes grans, como equivalent a la élit. Pero en orichen los estamientos privilechiatos de la sociedat feudal y de l'Antigo Rechimen yeran un cuerpo social definito por lo privilechio.

Se veiga tamién[editar | modificar o codigo]