Kosovo

Republika e Kosovës Република Косово / Republika Kosovo
(En detalle) (En detalle)
Lema nacional: No'n tien
Himno nacional: No'n tien
Capital  • Población	Pristina 500.000
Mayor ciudat	Pristina
Idiomas oficials	Albanés y serbio
Forma de gubierno President Primer Menistro	Administrato por a ONU Fatmir Sejdiu Hashim Thaqi
Independencia  •Declarata	De Serbia 17 de febrero de 2008
Superficie  • Total  • % augua Mugas Costas	Posición n/dº 10.887 km² Espernible n/d 0
Población  • Total  • Densidat  • Densidat	Posición n/dº 2.200.000 (2005) 220 ab./km² 220 hab/km²
PIB (PPA)  • Total (n/d)  • PIB per capita	Posición n/dº n/d n/d
Moneda	Euro (€, EUR)
Chentilicio	Kosovar
Zona horaria  • en Verano	UTC +1 n/d
Dominio d'Internet	n/d
Codigo telefonico	+381
Prefixo radiofonico	n/d
Codigo ISO	n/d
Miembro de: UNPO

Mapa de Kosovo

Kosovo (en albanés Kosovë u Kosova, en serbio Косово / Kosovo) ye un territorio interior d'a peninsula d'os Balcans, en o sudeste d'Europa, que proclamó a suya independencia de Serbia de trazas unilaterals o 17 de febrero de 2008. Ista independencia ye estata reconoixita per muitos estatos relevants en a politica mundial -como Estatos Unitos, Australia u, adintro la Unión Europea, Reino Unito, Francia y Alemanya- pero no per altros como Rusia, China u estatos europeus como Espanya u Grecia. Tampoco no ha ingresato a la Organización d'as Nacions Unitas. De jure, o territorio contina estando una provincia autonoma de Serbia. A mayor parti d'a población, mayoritariament albanesa (en un 88% seguntes os datos d'o 2003), ya heba declarato la independencia d'a Republica de Kosovo en 1990, pero no fue reconoixita, excepto por Albania, dica que, o 17 de febrero de 2008, o parlamento la declaró.

Kosovo s'asocia historicament con o puesto de naiximiento d'a nación serbia. Mientres a existencia d'a Republica Federal Socialista de Yugoslavia, a rechión formó a Provincia autonoma socialista de Kosovo, adintro de Serbia. Con a desaparición d'a Republica Socialista Yugoslava, Kosovo pasó a fer parte d'a Republica Federal de Yugoslavia, que dimpués formarba o estato de Serbia y Montenegro.

Anque bi heba dominio politico serbio, a población de Kosovo yera mayoritariament d'orichen albanés. O gubierno de Slobodan Milosevic en Republica Federal de Yugoslavia redució l'autonomía de Kosovo y prencipió un proceso ta aumentar a proporción de serbios en o territorio. Dimpués de bellas anyadas de tensión y accions separatistas, en 1999 esclató a Guerra de Kosovo que enfrentó a Yugoslavia contra as tropas d'a OTAN que aduyaban a os albanokosovars.

En rematar o conflicto belico, a ONU estableixe una misión de paz. Encara que Kosovo ye dende allora de iure una provincia autonoma baixo lo gubierno d'a Republica de Serbia, a UNMIK se mantiene a la capeza de l'administración d'o territorio chunto a dirichents d'etnia albanesa. Dimpues d'anyos de pleitos y negociacions, Kosovo declara la suya independencia unilateral o 17 de febrero de 2008, que anque ha estato reconoixita por muitos países com os Estatos Unitos y organizacions como a Unión Europea, no ha estato reconoixita por Serbia y Rusia.