Vada

Policia reprimindo una vada laboral en Minneapolis, Estatos Unitos, 1934

Una vada ye una acción feita de forma individual u por un colectivo social que consiste en deixar de fer una cosa u cosas, aintro d'as funcions d'o colectivo u individuo, ta eixercer una presión social, con vista a la obtención d'un obchectivo concreto.

• Vada de fambre: ye una forma de protesta que consiste en deixar d'incherir alimentos mientres o tiempo que sía menester ta que a suya reivindicación sía atendita.

• Vada laboral: En muitos países ye reconoixita como un dreito d'os treballadors. Consiste basicament en deixar de treballar con l'obchectivo d'aconseguir ventachas laborals u socials, encara que puet estar manifestata d'atras trazas:
  • Vada de celo
  • Vada a la chaponesa

Quan una vada laboral u d'atro tipo s'estendilla a la mayoría d'os estamentos socials se diz vada cheneral.

• Termins relacionatos:
  • Esquirol: voz popular que designa a qui se nega a fer vada. Tien un sentito despectivo.
  • Piquet: grupo de vaguistas que miran de que os atros faigan vada, presionando a la resta d'o colectivo, pacificament u no. A os piquetz pacificos se les gosa decir piquetz informativos ya que se suposa que nomás informen d'o dreito inherent de vada.