Tanque

De Biquipedia
Ir ta: navego, busca
Articlo d'os 1000
Tanque Leopardo 2E en Zaragoza, Aragón.

Un tanque u carro de combate ye un vehiclo melitar armato y blindato y con un sistema de tracción tot terreno.[1] Os primers vehiclos que feban parti d'o exercito britanico mientres a Primera Guerra Mundial; apareixioron como una respuesta frent a las dificultatz que teneba la infantería convencional quan heba d'atacar as buegas protechitas por filo de fierro y metralladoras, contra as que asobén fracasaba.[2]

O nombre de tanque (en anglés tank, deposito) apareixió en as fabricas britanicas: os treballadors deciban asinas a iste tipo de vehiclos porque creyeban que yeran construyindo depositos d'augua móvils; a lo prencipio, istos vehiclos de combate se camuflaban como depositos de combustible. Os primers tanques no yeran muit efectivos ya que s'estorbaban con prou facilidat, yeran poco blindatos y facilment destruyitos con granadas de mán. O tanque d'a Primera Guerra Mundial no yera un arma muit contundent.[2] Mientres a Segunda Guerra Mundial destacan os Panzer, que yeran os carros de combate d'a Wehrmacht; os primers en portiar radio y que feban servir tacticas de combate más elaboratas. A importancia que tenioron os tanques mientres a Segunda Guerra Mundial se reflecta en os datos d'a producción sovietica, que gosó fabricar bells 80.000 tanques.[3] Dende a postguerra se desarrolla o tipo dito MBT (de l'anglés main battle tank, "carro prencipal de batalla")[4] con canyons de gran calibre, bien blindato y capable de luitar tanto en una guerra quimica como en una nucleyar.[5]

Istos vehiclos, de traza progresiva, han ito encorporando tot tipo d'innovacions tecnolochicas, como los ordinadors y sistemas de visión nocturna. Os soldatos que forman o presonal que s'encarga d'un tanque gosan estar asobén quatre: o conductor, o cargador d'o canyón, l'artillero y o comandant d'o carro.

Referencias[editar | editar código]

  1. von Senger und Etterlin, Dr. F. M. (1960), The World's Armoured Fighting Vehicles, London: Macdonald & Co. (Publishers) Ltd.
  2. 2,0 2,1 (en) Deighton, Len (1979): Blitzkrieg: From the rise of Hitler to the fall of Dunkirk, Fakenham: Fakenham Press Limited, ISBN 0-224-01648-2
  3. Cooper, Matthew y Lucas, James (1979), Panzer: The Armoured Force of the Third Reich, Book Club Associates
  4. ZTZ99 (Type 99) Main Battle Tank(en)
  5. Col. Eshel, David (2007), Assessing the performance of Merkava Tanks, Defense Update, [2]. Recuperato lo 16 de mayo de 2008