Edat Meya
De Biquipedia
A Edat Meya ye o periodo istorico intermeyo entre a Edat Antiga e a Edat Moderna. Se gosa considerar que a Edat Meya dura dende a cayita d'o Imperio Román l'año 476 dica o sieglo XV. As dos calendatas de referenzia ta situar a fin d'ista edat son o descubrimiento d'America l'año 1492 u a cayita d'o Imperio Román d'Orient, en 1453. O nombre estió dato por os ombres d'o Renaximiento como termín despeutibo, porque yera a epoca fosca entre os dos intes de mayor esplendor cultural. Sin d'embargo, a istoriografía más autual diz que no abió un cambeyo brusco dende a Edat Antiga sino un cambeyo gradual; se charra asinas de l'Antiguidat tardana ta referir-se á os sieglos III-VIII.
O sistema economico e politico d'allora yera o feudalismo e a estrutura d'a poblazión piramidal, con os nobles e os cleigos mandando sobre os basallos. Destaca o teozentrismo dominant, os zentros relichiosos yeran tamién focos de cultura e riqueza. A luenga de cultura e d'entrecambeo yera o latín.
Europa yera dibita en reinos de mugas cambeants e chicoz ducatos, condatos e atras dibisions baxo lo poder de nobles que gobernaban de traza absolutista sobre o suyo territorio e os suyos abitants.
En arte, destacan dos mobimentos: o romanico (mientres de l'Alta Edat Meya) e o gotico (mientres d'a Baxa Edat Meya). A economia, basata en o entrecambeo e o treballo agricola, ye important ementar os gremios, as primeras asoziazions profesionals.
[editar] Se beiga tamién
[editar] Enrastres esternos
