Canadá

De Biquipedia
Ir ta: navego, busca
Articlo d'os 1000
Canada
Bandera de Canadá Escudo de Canadá
(En detalle) (En detalle)
Lema nacional: A Mari Usque Ad Mare
(Latín; «De mar a mar»)
Himno nacional: O Canada
Himno reyal: God Save the Queen
Situación de Canadá
Capital Ottawa
Mayor ciudat Toronto
Idiomas oficials Anglés y francés
Forma de gubierno Monarquía parlamentaria
Isabel II
David Johnston
Stephen Harper
Independencia
Declarata
Reconoixita
d'o Reino Unito
1 de chulio de 1867
11 d'aviento de 1931
Superficie
 • Total
 • % augua
Mugas
Posición 2º
9.984.670 km²
8,62%
8.800
Población
 • Total (2009)
 • Densidat
 • Densidat
Posición 37º
34.157.950
3,42 ab./km²
3,42 hab/km²
PIB (PPA)
 • Total (2008)
 • PIB per capita
Posición 9º
US$ 1.896.753 millons
US$ 42.984
Moneda Dólar canadiense (C$, CAD)
Chentilicio Canadiense
Zona horaria
 • en Verano
UTC-3,5 a -8
UTC-2,5 a -7
Dominio d'Internet .ca
Codigo telefonico +11
Prefixo radiofonico XJA-XOZ
Codigo ISO 124 / CAN / CA
Miembro de: ONU, OEA, OTAN, APEC, OCDE, OSCE

Canadá ye o segundo país mas grande y o mas septentrional d'o mundo, ocupando a mayor parti d'o territorio d'America d'o Norte, mugando a lo sud con os Estatos Unitos y a o norueste con o estato estatounitense d'Alaska; a l'ueste muga con l'ocián Pacifico, a l'este con l'ocián Atlantico y a o norte con l'ocián Glacial Arctico (por ixo o suyo lema nacional, A Mari Usque Ad Mare, ye decir, de mar a mar).

Ye una federación escentralizada de diez provincias y tres territorios, gubernada como una monarquía constitucional parlamentaria. A reina ye Isabel II, o Gubernador cheneral ye David Johnston, y o primer menistro de Canadá ye Stephen Harper. En estar un territorio a on se i charra francés y anglés, istas dos luengas son idiomas oficials de Canadá; sindembargo, Québec ye uficialment monolingüe francesa, y Nueva Brunswick y o territorio d'o Yukón son oficialment bilingües, estando monolingües angleses o resto de territorios y provincias. Antiparte, en os Territorios d'o Norueste se i charran legalment 11 luengas, encluyindo-ie o francés y l'anglés, amás d'atras luengas inuit.

A suya población humana ye de 34.157.950 habitants (2009) en una superficie de 9.984.670 km², con una densidat de población de 3,42 hab/km². A suya capital ye a ciudat d'Ottawa, y as prencipals ciudatz d'o país son Toronto, Mont-Reyal, Vancouver, Calgary, Ottawa, Edmonton, Québec, Winnipeg y Hamilton.

L'actual Canadá fue descubierto en 1534 por o francés Jacques Cartier, y esdevenió alavez una colonia francesa, con capital en a ciudat de Québec, establita en 1608 por Samuel de Champlain en a val d'o río Sant Lorient. Sindembargo, mientres a Guerra d'os Siet Anyos os britanicos conquerioron o territorio en 1763 y l'adhibioron ta cutío a l'Imperio britanico. Canadá esdevenió independient d'o Reino Unito en un luengo proceso pacifico, que prencipió en 1867 y no remató dica os anyos 1980.

Etimolochía[editar | editar código]

Os historiadors afirman que o nombre de Canadá s'aplicaba orichinalment nomás que a o territorio d'a ciudat de Québec y a la suya redolada, y pareix que ye un nombre d'orichen iroqués, con o significato de "lugar de cabanyas"; con iste nombre se designaba a o lugar a on i hibernaban as tribus d'os iroqueses en a primera metat d'o sieglo XVI, quan plegó a la redolada o explorador francés Jacques Cartier, qui estió o primero qui en fació emplego ta designar uno d'os "reinos" (fácil que un conchunto humán rechito por un mesmo chefe, como gosaban fer as tribus amerindias).

Mientres o sieglo XVII, os franceses estendilloron a denominación de "Canadá" ta totz os territorios que formaban o suyo dominio colonial en l'actual Canadá, estando a denominación popular ta o nombre que oficialment yera Nueva Francia (Nouvelle France en francés, estando tamién o nombre de Canadá o nombre esleito por os britanicos ta nombrar a los suyos territorios colonials en a redolada, y tamién ta tot Canadá quan redotoron a los francees en a Guerra d'os Siet Anyos y conquirioron tot o suyo dominio colonial t'adhibir-lo a la suya propia colonia de Canadá.

Cheografía[editar | editar código]

Gnome-searchtool.svg
Ta más detalles, veyer l'articlo Cheografía de Canadáveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Mapa fisico de Canadá.

Canadá ocupa a mayor parte d'a porción septentrional d'o continent d'America, mugando a o norueste con o estato d'Alaska, que fa parte d'os Estatos Unitos, y por o sud con quantos estatos d'ixe mesmo país; s'estendilla d'este enta ueste entre l'ocián Atlantico y l'ocián Pacifico, mugando a o norte con l'ocián Glacial Arctico. Amás d'as suyas mugas terrestres, tien una muga maritima a l'este con Gronlandia, que fa parte de Dinamarca, y tamién con a minuscla posesión francesa de Saint-Pierre y Miquelon, clavata en l'ocián Atlantico debant d'a costa canadiense y zaguer repui d'os dominios colonials franceses en Canadá.

Con una superficie de 9.984.670 km², ye o segundo país d'o mundo por superficie total dezaga de Rusia, encara que si se para cuenta nomás d'a superficie d'a tierra emerchita, descontando-ie a superficie ocupata por l'augua, nomás en ye o quatreno, en estar quasi o 9% d'a superficie de Canadá ocupata por lacos y ríos. Sindembargo, con una densidat de población de 3,42 hab/km², Canadá esdevién uno d'os países d'o mundo con una menor densidat de población, en estar a mayor parte d'o territorio canadiense cubierto por cheleras y por una capa de permafrost u suelo chelato permanentment. A mayor parte d'a población canadiense vive en a redolada que se troba a o canto d'os Grans Lacos d'America d'o Norte y d'o río Sant Lorient, en as provincias d'Ontario y Quebec.

Cheografía fisica[editar | editar código]

Cheografía politica[editar | editar código]

Mapa politico de Canadá, con as suyas provincias y territorios.

Administrativament, o territorio canadiense ye una federación que se troba dividita en diez provincias y 3 territorios, agrupatos en quatre rechions cheograficas: Canadá de l'Ueste, Canadá Central, Canadá Atlantico y Canadá d'o Norte, estando o Canadá d'o Norte a suma d'os tres territorios arcticos de Canadá; antiparte, quan se charra de Canadá de l'Este se fa referencia a os territorios d'o Canadá Atlantico y d'o Canadá Central.

Encara que Canadá politicament ye organizato como una federación y no como una confederación, as provincias canadienses (que tienen una autonomía mas gran que os territorios de Canadá) tienen a responsabilidat politica d'a mayor parte d'as politicas socials d'o país (encara que cal parar cuenta que istas politicas socials nomás pueden iniciar-se que por iniciativa d'o estato central), esdevenindo asinas as provincias qui fan a mayor parte d'o gasto publico social en o pais, recebindo-ie en conseqüencia a parte mas gran tamién en os impuestos d'o país. O Gubierno central fa unas compensacions a las provincias menos ricas ta garantir uns nivels menimos en os servicios en tot o país.

Provincia/Territorio Codigo ISO Abreviadura Capital Dentrada en a Confederación Población
(2008)[1]
Superficie (km²)
Tierra Augua Total
Flag of Ontario.svg Ontario 1 ON Ont. Toronto 1 de chulio de 1867 12.891.787 917.741 158.654 1.076.395
Flag of Quebec.svg Quebec 1 QC P.Q., Que. Quebec 7.744.530 1.356.128 185.928 1.542.056
Flag of Nova Scotia.svg Nueva Escocia2 NS N.S. Halifax 935.962 53.338 1.946 55.284
Flag of New Brunswick.svg Nueva Brunswick 2 NB N.B. Fredericton 751.527 71.450 1.458 72.908
Flag of Manitoba.svg Manitoba3 MB Man. Winnipeg 15 de chulio de 1870 1.196.291 553.556 94.241 647.797
Flag of British Columbia.svg Columbia Britanica2 BC B.C. Victoria 20 de chulio de 1871 4.428.356 925.186 19.549 944.735
Flag of Prince Edward Island.svg Isla d'o Prencipe Eduardo2 PE P.E.I. Charlottetown 1 de chulio de 1873 139.407 5.660 5.660
Flag of Saskatchewan.svg Saskatchewan 4 5 SK Sask. Regina 1 de setiembre de 1905 1.010.146 591.670 59.366 651.036
Flag of Alberta.svg Alberta 4 5 AB Alta. Edmonton 3.512.368 642.317 19.531 661.848
Flag of Newfoundland and Labrador.svg Terranova y Labrador2 NL N.L., Nfld. Saint John's 31 de marzo de 1949 508.270 373.872 31.340 405.212
Flag of the Northwest Territories.svg Territorios d'o Norueste NT N.W.T. Yellowknife 15 de chulio de 1870 42.514 1.183.085 163.021 1.346.106
Flag of Yukon.svg Yukón5 YT Y.T. Whitehorse 13 de chunio de 1898 31.530 474.391 8.052 482.443
Flag of Nunavut.svg Nunavut5 NU  ? Iqaluit 1 d'abril de 1999 31.152 1.936.113 157.077 2.093.190

Notas:

  1. Antis d'establir-se a Confederación, Ontario y Quebec formaban a provincia de Canadá.
  2. Nueva Escocia, Nuevo Brunswick, a Columbia Britanica y a Isla d'o Prencipe Eduardo yeran colonias deseparatas quan s'unioron a la Confederación. Antis d'a suya dentrada, Terranova yera un Dominio d'a Commonwealth Britanica.
  3. Manitoba se formó chunto con os Territorios d'o Norueste.
  4. Saskatchewan y Alberta fuoron establitas a partir d'os Territorios d'o Norueste.
  5. Canadá no adquirió nuevo territorio ta creyar Yukón, Alberta, Saskatchewan u Nunavut; istos se formoron a partir d'os Territorios d'o Norueste.

Historia[editar | editar código]

Gnome-searchtool.svg
Ta más detalles, veyer l'articlo Historia de Canadáveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Esporte[editar | editar código]

Clara Hughe medallista en os Chuegos Olimpicos d'hibierno

O esporte en Cananá ye muit variato, os esportes d'equipe mes populars son o hockey chelo, o fútbol canadiense tamién conoixito como gridiron, o baloncesto, o fútbol, o beisbol y o curling. Os esportes individuals mes practicatos son l'atletismo, o ciclismo, o triathlon, a natación, o boxeyo o golf y belatros menos conoixitos.

Canadá ha organizato tres Chuegos Olimpicos (os Chuegos Olimpicos de Mont-reyal 1976 y dos edicions d'os Chuegos Olimpicos d'Hibierno, os de Calgary 1988 y os de Vancouver 2010). Canadá ha partecipato en totz os Chuegos Olímpicos de verano fueras d'os primers celebratos en Atenas en 1896.

Vinclos externos[editar | editar código]

Referencias[editar | editar código]


Estatos d'America d'o Norte
Antigua y Barbuda | Bahamas | Barbados | Belize | Canadá | Chamaica | Costa Rica | Cuba | Dominica | Republica Dominicana | El Salvador | Estatos Unitos | Grenada | Guatemala | Haití | Honduras | Mexico | Nicaragua | Panamá | Sant Cristofo y Nieus | Santa Lucía | Sant Vicent y as Granadinas | Trinidad y Tobago
Dependencias: Anguila | Aruba | Bermudas | Islas Virchens Britanicas | Islas Caimán | Clipperton | Curaçao | Gronlandia | Guadalupe | Martinica | Montserrat | Isla Navassa | Puerto Rico | Saint-Barthélemy | Saint-Martin | Saint-Pierre y Miquelon | Sint Maarten | Islas Turcas y Caicos | Islas Virchens d'os Estatos Unitos