Chodigos

De Biquipedia
Ir ta: navego, busca
Chodigos
יהודים (Yehudim)
Jews.jpg
Albert EinsteinMaimonidesGolda MeirEmma Lazarus
Población total
13,155,000[1]
Rechions con comunidatz importants
Flag of Israel.svg Israel 5,393,000[1]
Flag of the United States.svg Estatos Unitos 5,275,000 [1]
Flag of France.svg Francia 490,000 [1]
Flag of Canada.svg Canadá 374,000 [1]
Flag of the United Kingdom.svg Reino Unito 295,000 [1]
Flag of Russia.svg Rusia 225,000 [1]
Flag of Argentina.svg Archentina 184,000 [1]
Flag of Germany.svg Alemanya 120,000 [1]
Flag of Australia.svg Australia 104,000 [1]
Flag of Brazil.svg Brasil 96,000 [1]
Flag of Ukraine.svg Ucraína 77,000 [1]
Flag of South Africa.svg Surafrica 72,000 [1]
Flag of Hungary.svg Hongría 49,000 [1]
Flag of Mexico.svg Mexico 40,000 [1]
Flag of Belgium.svg Belchica 31,200 [2]
Flag of the Netherlands.svg Países Baixos 30,000 [2]
Flag of Italy.svg Italia 28,600 [2]
Flag of Chile.svg Chile 20,700 [2]
Flag of Belarus.svg Belarrusia 18,200 [2]
Flag of Uruguay.svg Uruguai 18,000 [2]
Flag of Switzerland.svg Suiza 17,900 [2]
Flag of Turkey.svg Turquía 17,800 [2]
Flag of Venezuela.svg Venezuela 15,400 [2]
Flag of Sweden.svg Suecia 15,000 [2]
Flag of Spain.svg Espanya 12,000 [2]
Flag of Iran.svg Irán 10,800 [2]
Flag of Romania.svg Rumanía 10,100 [2]
Flag of Latvia.svg Letonia 9,800 [2]
Flag of Austria.svg Austria 9,000 [2]
Flag of Azerbaijan.svg Azerbaichán 6,800 [2]
Flag of Denmark.svg Dinamarca 6,400 [2]
Flag of Panama.svg Panamá 5,000 [2]
Idiomas
Luengas chodigas historicas
Hebreu · yídix · ladino · atras
Luenga liturchica
Hebreu · arameu
Atras luengas parlatas
O idiomas vernaclos de cada país incluyindo entre atros anglés, hebreu, yídix, y ruso.
Relichión
Chudaísmo
Pueblos relacionatos
Arabes y atros pueblos semiticos

Os chodigos, chudigos u chudeus (en hebreu:יְהוּדִים, Yehudim; yidix: ייִדן, Yiden) son os seguidors d'o chudaísmo u os miembros d'o pueblos chodigo (tamién conoixita como «nación chodiga» o «fillos d'Israel»), un grupo etnico-relichioso descendient d'os antiguos hebreus u israelitas u de presonas convertitas a o chudaísmo en diversos momentos historicos.

A visión d'os israelitas y dimpués d'os chodigos d'a suya propia qualidat de grupo humán ye una visión diferent seguntes epocas. Asinas, a Biblia ya charra d'os chodigos como d'un pueblo, o pueblo d'Israel, que ye unito por a suya fe relichiosa común, encara que os arqueologos u mesmo a Biblia tamién dicen que en os periodos más antigos parte d'os chodigos teneban practicas relichiosas politeistas. Antiparte, ye controvertita a propia noción d'un pueblo chodigo como comunidat luego d'a diaspora chodiga dimpués d'a destrucción d'o Templo de Cherusalem.

Etimolochía d'a denominación[editar | editar código]

A denominación en diferents luengas d'Europa Occidental provién d'o latín IUDAEUS, que significa habitant d'a tierra de Chudea, y que o mesmo latín ampra de l'arameu meyo Y'hūdāi, que corresponde a lo plural hebreu Yehudim, en o suyo orichen con o significato de "miembro d'a tribu de Chudah", con eponimo en o quatreno fillo de Chacob.

En navarro-aragonés a evolución lochica de l'acusativo IUDAEUM sería chudeu con sufixo -eu, pero se troba poco, por eixemplo en bella versión d'os fueros d'Aragón u en bell texto en romanz navarro relativo a Tudela. En aragonés medieval s'escribe quasi siempre jodio/judio y en chistabín se documenta chodigo.

Ye posible que esta anomalía tienga relación con a interferencia con l'adchectivo chudiego, chudiega (derivatos d'o latín IUDAICUS, IUDAICA), y con a denominación d'as simients d'a leguminosa Phaseolus vulgaris ("chodigas"), on podría haber-ie epentesi antihiatica. Alwin Kuhn veye que a evolución d'a parola chodiga puet estar influenciata por pareixito con a parola xordiga.[3]

Divisions etnicas chodigas[editar | editar código]

Gnome-searchtool.svg
Ta más detalles, veyer l'articlo Divisions etnicas chodigasveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Un chodigo en oración en una sinoga en Irán en 1999.

As divisions etnicas chodigas fan referencia a las diferents comunidatz chodigas d'o mundo que pueden distinguir-sen dentro d'os pueblos de relichión chodiga. No totas as comunidatz chodigas comparten costumbres culturals, relichiosos, culinarios, lingüisticos, ecetra. Unas y atras amuestran diferencias locals y bellas formas d'interpretar bells preceptos.

Dimpués de tornar d'o exilio en Babilonia en Tierra Santa i heba una diferenciación entre Samaritans y los que se consideroron a ellos mesmos los chodigos de verdat.

En tiempos d'o Imperio Román a diaspora chodiga de partiba en dos ambitos culturals: Diaspora occidental en o Imperio Román y Diaspora oriental en o Imperio Persa Sasanida. En a Edat Meya la división prencipal yera entre chodigos de paises cristians u europeus y chodigos de países musulmans. Los chodigos de países musulmans yeran més lumerosos y i heba comunidatz d'orichen oriental chunto con comunidatz de l'antiga diaspora occidental d'Hispania y Africa. Una clasificación d'as comunidatz historicas de relichión chodiga puet estar:

  • Chodigos orientals: descendiens d'a Diaspora oriental y d'ixas comunidatz d'a Diaspora occidental en zonas que s'islamizoron.
  • Chodigos occidentals: descendients d'a Diaspora occidental en zonas europeas y cristianas:
  • Comunidatz d'a periferia: comunidatz que s'han desembolicato fuera d'os ambitos cristián-europeu y islamico-afroasiatico, los atros chodigos los consideran heterodoxos u menos chodigos.

Referencias[editar | editar código]