Distancia

De Biquipedia
Ir ta: navego, busca

A distancia ye una expresión quantitativa d'o cerca u luent que son dos obchectos, u o intervalo de tiempo que desepara dos succesos. Tamién se fa servir como expresión ta indicar una relación de aluenyamiento afectivo entre dos personas: o desafecto.

Plano de Manhattan. A distancia euclidiana (segmento verde), no corresponde a o «camín más curto entre dos puntos d'a debantdita ciudat, antiparte que íste no ye unico.
A menor distancia entre dos puntos recorrida sobre a superficie d'una esfera ye un arco de circumferencia maxima: a ortodromica.

En matematicas, a distancia entre dos puntos d'o espacio euclidio ye a longaria d'o segmento de recta que los une, expresau numericament. En espacios más complexos, como os definius en a cheometría no euclidiana, o «camín más curto» entre dos puntos ye un segmento de curva.

En fisica, a distancia ye una magnitut escalar, que s'expresa en unidatz de longaria u tiempo.

Distancia en cheometría[editar | editar código]

Se clama distancia euclidia entre dos puntos A(x_1, y_1) y B(x_2, y_2 ) d'o plano a la longaria d'o segmento de recta que tiene por cabos A y B. Se puet calcular asinas:

d=\sqrt{(x_2-x_1)^2+(y_2-y_1)^2}

A distancia entre un punto P y una recta R ye a longaria d'o segmento de recta que ye perpendicular a la recta R:  Ax + By + C = 0 y la une a o punto P(x_1, y_1). Puet calcular-se asinas:

d=\frac{|Ax_1+By_1+C|}{\sqrt{A^2+B^2}}

en do |·| denota valura absoluta.

A distancia entre dos rectas paralelas ye a longaria d'o segmento de recta perpendicular a las dos que las une.

A distancia entre un punto P y un plano L ye a longaria d'o segmento de recta perpendicular a o plano L : Ax + By + Cz + D = 0 que lo une a o punto P (x1,y1,z1) y se puet calcular asinas:

d=\frac{|Ax_1+By_1+Cz_1+D|}{\sqrt{A^2+B^2+C^2}}

Se veiga tamién[editar | editar código]