Dominio d'Internet
De Biquipedia
Un dominio d'Internet (o TLD, Top-level Domain) ye cada nodo que desziende d'o dominio radiz ".", y representa á un subrete nominal (clasificato por nombres, diferén d'un subrete protocolar clasificato por direzions IP) dentro d'o Sistema de Nombres de Dominio (DNS, por as suyas sieglas en anglés).
Dentro de cada dominio puede aber-ie subdominios, dentro d'os cualos bi'n puede aber d'atros, formando-se asinas os nombres de dominio, que cheneran un tarabidau de árbol de dominios. A notazión testual d'os nombres de dominio pende en una serie ordenada de etiquetas trestalladas por puntos, y á lo remate o dominio radiz ".", anque iste zaguer no gosa escribir-se. Por exemplo, o nombre de dominio www.exemplo.com tien cuatro etiquetas, á saber: www, dominio, com, y ".", i-abendo como dominio de ran superior (TLD) á com.
Esisten tamién dominios d'internet patrozinatos.
[editar] Dominios d'Internet por países
Cada país con coneutibidá á lo rete tien asinnato un nombre de dominio de ran superior (ccTLD, por as suyas sieglas en anglés: country code top-level domain) de dos letras -con bella eszeuzión rara- alazetatos en os suyos codigos ISO de dos letras (ISO 3166), como por exemplo .fr ta Franzia u .pe ta Perú.
