Imperio Austriaco

De Biquipedia
Ir ta: navego, busca
Kaisertum Österreich
Imperio Austriaco
Flag of Austria.svg 1804 — 1867 Flag of Austria-Hungary (1869-1918).svg
Bandera Escudo d'armas
Himno nacional: Gott erhalte Franz den Kaiser
Situación de Austria
Imperio Austriaco en 1859
Capital Viena
Idioma oficial
 • Atros idiomas
Alemán y latín
hongaro, Checo, polaco, ucrainés, rumán, crovate, eslovaco, serbio, esloveno, rutén y italián
Relichión catolicismo
Gubierno Monarquía
 • Proclamación d'o Imperio 11 d'agosto de 1804
 • Compromís Austro-Hongaro 8 de chunio de 1867

O Imperio Austriaco fue fundato en 1804 en territorios de l'anterior Sacro Imperio Román-Chermanico baixo control d'os Habsburgo y duró dica 1867, quan por o compromís austro-hongaro una reorganización administrativa condució a la formación d'o Imperio Austro-Hongaro.

O Imperio Austriaco fue creyato l'11 d'agosto de 1804 quan o emperador d'o Sacro Imperio Román-Chermanico Francisco II se proclamó emperador d'Austria (esdevenindo Francisco I d'Austria), como reacción a la coronación de Napoleón como emperador.

Quasi dende a suya creyación ya sufrió perdugas territorials debant d'o expansionismo francés y os suyos aliatos. En l'anyo 1805 Austria invade o Ducato de Bavera, aliato d'o Primer Imperio Francés y se produce una contraofensiva napolionica que conduce a la derrota d'Austria, Rusia y Anglaterra o 2 d'aviento de 1805 en a Batalla d'Austerlitz. Por o tractato de Presburgo o Imperio Austriaco habió de ceder o Tirol a Bavera y as suyas zagueras posesions en Suebia a Baden y Wurtemberg.

En l'anyo 1809 bi ha atra reducción territorial. A victoria francesa en a [batalla de Wagram]] fa que por o tractato de Viena d'octubre de 1089 Austria ceda Salzburgo a lo Reino de Bavera, a part de Polonia anexionata en 1795 a lo Gran Ducato de Varsovia y os territorios poblatos por eslovens y crovates a lo Primer Imperio Francés, constituindo-se as "Provincias Ilirianas".

En agosto de 1813 o Imperio Austriaco s'une a la sexta coalición antinapolionica y entre o 16 y o 19 de 1813 derrotan a Francia en a Batalla de Leipzig. En o Congreso de Viena de 1814-1815 Austria recupera o Tirol y Salzburgo. O Congreso de Viena deixó Alemanya como una asociación d'estatos sobirans (Confederación Chermanica) on Austria teneba posibilidatz d'intervención. A metat d'o Imperio Austriaco feba part d'a Confederación Chermanica, con una muga suroriental que pasaba por o suyo centro (deseparando a los checos d'os eslovacos y a los alemans d'os hongaros).

En 1848 una succesions de revolucions en Alemanya fan que Metternich dimita y o gobierno austriaco accepte a elección d'una asambleya constituyent por sufrachio universal.

A derrota d'Austria debant de Prusia o 3 de chulio en Sadowa fan que se disuelva a Confederación Chermanica y que o Imperio Austriaco mire un nuevo equilibrio, fendo concesions a los nacionalistas hongaros con a creyación en l'anyo 1867 d'un estato dual, o Imperio Austro-Hongaro.

Bibliografía[editar | editar código]