Mezquita

De Biquipedia

Ta atros emplegos d'o termin Mezquita se beiga Mezquita (desambigazión).

Una mezquita ye un puesto de culto t'os seguidors d'a fe islamica. Os musulmans por un regular se refieren á las mezquitas por o suyo nombre arabe maschid, en plural masāchid, (adautando a letra chim de l'arabe con a ch).

O proposito prenzipal d'a mezquita ye de serbir de lugar an os musulmans puedan reunir-sen ta rezar. Dende o punto de bista arquiteutonico, as mezquitas han eboluzionato sinnificatibamén dende os espazios á l'aire libre que yeran a mezquita de Quba y a Maschid an-Nabawī n'o sieglo VII. Güé en diya a mayoría d'as mezquitas tienen cupulas elaboratas, minarez y salas ta orar. Culturalmén, no son nomás puestos ta adorar, sino tamién ta aprender sopre o islam y conoxer á atros creyens.