Dobrucha

De Biquipedia
Ir ta: navego, busca
Dobrucha: a part de Rumanía en narancha, a part de Bulgaria (o Quadrilatero) en amariello.

Dobrucha ye una rechión historica correspondient a lo espacio cheografico que bi ha entre o Danubio y a Mar Negra y que actualment repartita entre Rumanía (județe de Tulcea y Constanţa) y Bulgaria (Dobrici y Silistra).

As principals ciudatz son: Constanţa, Tulcea, Medgidia y Mangalia, a las que s'anyaden numerosos lugars de vacacions en a costa y estacions balneyarias-climatericas. Dobrucha remata en a part nordeste en o Delta d'o Danubio. Igualment en a Dobrucha de Bulgaria bi ha ciudatz y destins turisticos con patrimonio natural y historico: Albena, Balcic, Cavarna, Caliacra, Șabla.

Encara que hue a población vlaca predomina amplament en a part rumana (rumans, arrumans, meglenovlacos) y a población bulgara en a part bulgara, a población de Dobrucha ye encara multietnica y en o pasato ha tenito muita presencia de pueblos turquicos desapareixitos (protobulgaros, pazinacos, uzos, cumans) u encara presents (turcos rumelís, tartres de Dobrucha, gagauzes).