Infinitivo simple en aragonés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O infinitivo simple en aragonés deriva d'o infinitivo latín.

Orichen y formas

En latín bi heba cuatre conchugacions con os suyos cuatre infinitivos. Seguindo con una tendencia propia de l'iberorromanico, as conchugacions 2º y 3º latina, as con con e (-ēre a 2º y -ĕre a 3º) se fusionoron pasando os verbos d'a tercera ta la segunda, a diferencia d'o que se desvinió en as atras luengas neolatinas. En as atras luengas neolatinas permaneixió a diferencia entre ixas conchugacions con e y d'esta traza en as luengas galorromanicas bi ha infitivos en -re, (que trobamos tamién en benasqués).

1ª Conchugación	2ª Conchugación	3ª Conchugación
Aduyar	Deber	Partir

En ribagorzano y ansotano a -r final no se pronuncia, pero s'ha d'escribir d'alcuerdo con as reglas ortograficas, que compatibilizan diferents pronunciacions locals con una sola ortografía.

En chistabín, (y en o pasato en atras variedaz de l'aragonés) bi ha una -e paragochica, y os infinitivos se pareixen a lo latín cantare, partire, ecetra.

En benasqués, que ye l'aragonés de l'Alta Ribagorza occidental u Val de Benás, y ye transicional con o catalán y l'occitán trobamos infinitivos en -re:. beure ("beber") y vinre ("venir").

Bibliografía

• (es) Heinrich Lausberg: Lingüistica romanica. Tomo II morfología. Editorial Gredos, pp 258–259.
• (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).

Se veiga tamién

• Sintaxi d'oracions con infinitivo en aragonés.