Sincopa en aragonés

La sincopa en aragonés s'ha produeito en la evolución dende lo latín vulgar enta esta luenga romance en palabras patrimonials y tamién la la creyación de semicultismos d'una manera paralela a como lo ha feito en la evolución d'atras luengas romances occidentals. La sincopa en la evolución entre lo latín y l'aragonés ha feito que se pierdan vocals breus Ĭ, Ŭ latinas atonas situadas entre consonants.

Palabras patrimonials con sincopa

La sincopa ha estau un fenomeno fonetico que ha acompanyau a la evolución de bella palabra latina con sufixo atono como -ICU u -ULO.

Sufixo -ulo

En latín vulgar y tardano bi heba un uso abundant de diminutivos que a vegadas substituiban la forma orichinal, que cayeba en desuso. Lo diminutivo -ULU podeba tener u infixo -c-, y se podeba producir una sincopa de la vocal -u- entre lo infico y la l. Asinas, la sincopa ha teniu influencia en los derivaus patrimonials romances con -ll- por haber chenerau los grupos -C'L-, -G'L- y -T'L- en proto-romance:

• APICŬLA > *apicla > abella.
• BATACŬLUM > *bataclo > batallo.
• CUNICŬLUM: *coniclo > conillo.
• OVICŬLA: *ovicla > ovella.

En aragonés l'orichen d'uns quantos grupos consonanticos tamién se debe a la sincopa:

Grupo -ngl-

• ANGŬLUM > anglo, angle.
• CINGŬLUM > cinglo.
• UNGŬLA > ungla.

Grupo –ld

Se da apocopa y metatesi:

• ESPATHŬLA > espalda.
• ROTŬLU > rolde.

La palabra remoldar tiene un grupo -ld- con un orichen pareixiu a partir de verbos de la familia de *MUTILARE.

Grupo –scl-

• ASTŬLA > ascla, ixascla.
• MASCŬLU > masclo.
• MUSCŬLU > musclo.
• rasclo.
• riscla.

Grupo -sl-

• INSULA > ISSULA > isla.

Sufixo -ido

Bi ha palabras patrimonials que derivan de palabras latinas esdruixolas con sufixo atono latín -IDUS que han pasau por una sincopa:

• LARĬDUM > lardo.
• SOLĬDUM > sueldo.

La sincopa en la creyación de toponimos aragoneses

Ta más detalles, veyer l'articlo Toponimia aragonesaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En Aragón bi ha toponimos d'etimolochía latina que han seguiu las leis foneticas que corresponden a lo mozarabe de la val de l'Ebro u a la fonetica aragonesa.

Lo toponimo Grisén corresponde a la evolución mozarabe d'un toponimo latín y presentaba en tiempos de la reconquiesta una terminación en -ic como Lucernic homologa a la terminación -igo de Cintruenigo y Lituenigo]] y que amuestran apocope y sincopa:

• GRISENĬCU > Grisenc > Grisén.

Lo toponimo Buyelgas corresponde a la evolución aragonesa de BOVILĬCA:

• BOVILĬCA > Buyelgas.

Lo toponimo Baselga proviene de lo latín BASĬLICA y amuestra la mesma lei fonetica:

• BASILĬCA > Baselga.

Lo toponimo torrella u torrilla, que s'ha formau en diferents zonas de lo navarro-aragonés y de lo mozarabe amuestra sincopa en la suya formación:

• TURRICŬLA > *torricla > torrilla

Atros toponinos aragoneses que pueden haber evolucionau dende lo latín por fenomenos de sincopa son:

• Erla < ERULA.
• Fanlo > FANŬLUM.
• Mamblas < MAMULA.
• Riglos < *RIGULU < RIVULU.
• Torla < TORULA.
• Vierlas < VERULAS.
• Os Anglis < ANGULUS.

Palabras semicultas con sincopa

Ta más detalles, veyer l'articlo Semicultismos en aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

La sincopa en los semicultismos conduce a la formación de palabras planas a partir d'esdruixols latins, formando-sen palabras con un acento tonico plan que corresponde a lo de la mes gran part de lo lexico de l'aragonés y unas atras luengas vecinas.

Latín	Aragonés
DIABOLU	diablo
DOMINICU	domingo
MANIPULU	maniplo
PERICULU	periglo
PŬRPŬRA	porpra / polpra
REGULA	regla
SAECULU	sieglo

Sufixos con sincopa

Lo sufixo indicador de superlativo en aragonés -ismo ha saliu por sincopa de lo sufixo -ISSIMUS en aragonés, pero tamién en catalán y francés, a on que se presenta como -isme.

• SANCTISSIMA > santisma.

Lo sufixo -ezno deriva de lo latín -ICINU tamién amuestra sincopa de I:

• ROTICINU > rodezno.

Lo sufixo -ancho deriva de la terminación -ANCULU y amuestra sincopa de U.

• FURCANCULA > forcancha.
• CAMERANCULU > a escarramanchons.

Bibliografía

• (an) Academia de l'Aragonés Propuesta ortografica de l'Academia de l'Aragonés. EDACAR, 7. Zaragoza, 2010.
• (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002. ISBN 8424923391, 9788424923396
• (es) SAROÏHANDY, Jean-Joseph, Misión lingüística en el Alto Aragón (compilazión de materials ineditos dende 1906); Xordica Editorial. Zaragoza, 2005. ISBN 84-96457-06-0.
• (es) BARCOS, Miguel Ánchel: El Aragonés Ansotano: estudio lingüístico de Ansó y Fago. Gara d'Edizions. Zaragoza, 2007.ISBN 978-84-8094-058-0
• (es) María Pilar Benítez: L'Ansotano. Estudio del habla del Valle de Ansó. Gobierno de Aragón, 2001.
• (an) Chusé Lera Alsina: Aplego. Diccionario de Resistencia y Gramática sobre lo cheso. Massanas gràfiques. 2004.
• (es) Chabier Lozano Sierra, Ángel Lois Saludas Bernad: Aspectos morfosintácticos del belsetán, 2005, Gara d'Edizions, pp 103-105.
• (es) Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
• (es) Brian Mott: El Habla de Gistain. Instituto de Estudios Altoaragoneses, 1989.
• (es) Fernando Blas Gabarda, Fernando Romanos Hernando: Diccionario aragonés: chistabín-castellano (Val de Chistau). Colección Ainas. Gara d'Edizions, 2008.
• (es) Chabier Tomás Arias: El aragonés del Biello Sobrarbe. Instituto de Estudios Altoaragoneses, (1999).
• (es) José Antonio Saura Rami: En torno a la sufijación apreciativa en el Valle de Benasque. Archivo de Filología Aragonesa, 52-53, 149-178. 1996-1997.
• (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.
• (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978.
• (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014.
• (es) María Luisa Arnal Purroy: El habla de la Baja Ribagorza Occidental. Institución Fernando el Católico, 1998.
• (es) Javier Terrado Pablo: La Lengua de Teruel a fines de la Edad Media. Instituto de Estudios Turolenses, 1991.