Masclo

De Biquipedia
Ir ta: navego, busca
O toro ye o masclo d'a especie Bos taurus.

Masclo u masto (d'o latín <MASCULU) ye o substantivo que designa a os individos de sexo masculín d'una especie. A cuentra ye a fembra. L'adchectivo relativo a os masclos ye «masculín/o».

En a mayoría d'animals con sexos deseparaus, o masculín ye o solo sexo que produz gametos móbils. En o caso d'o reino animal, istes gametos reciben o nombre d'espermatozoides. En a mayoría de casos, o espermatozoide tiene una mida muito menor que a d'o gameto femenín, l'ovulo, y ye iste zaguero lo qui alporta os nutrients necesarios lo menos ta las primeras fases d'o desarrollo embrionario, que se desviene dimpués d'a fecundación.

Anque o caso d'os animals ye o más conoixiu de diferenciación entre sexos, tamién se troba dimorfismo sexual en belatros organismos. Por exemplo, qualques especies de plantas, fongos y algas diatomeas (entre belatros) producen gametos masculins y femenins. D'entre as plantas, quan os gametos femenins y os masculins os produz o mesmo exemplar (piet), se diz que se tracta d'una especie monoica. Por contra, quan i ha pietz que producen exclusivament gametos femenins y atros que es producen exclusivament masculins, se tracta d'una planta dioica. En iste zaguer caso, s'accepta que se le diga a uns exemplars «fembras» y a os atros «masclos».

Se veiga tamién[editar | editar código]

Vinclos externos[editar | editar código]