Homosexualidat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.

O suenio, de Gustave Courbet, 1866.

H. S. Tuke, Calor d'o meyodía, 1902.

A homosexualidat ye l'atracción romantica, l'atracción sexual u a conducta sexual entre miembros d'o mesmo sexo u chenero. Como orientación sexual, a homosexualidat ye "un patrón duradero d'atraccions emocional, romantica e/u sexual" enta personas d'o mesmo sexo. "Tamién se refiere a lo sentito d'identidat d'una persona basato en tals atraccions, conductas relacionatas y pertenencia a una comunidat d'otris qui en fan partache de ditas atraccions" Chunto con a bisexualidat y la heterosexualidat, a homosexualidat ye una d'as tres categorías principals d'orientación sexual adintro d'o continuum heterosexualidat-homosexualidat. Os cientificos no sapen exactament o que determina la orientación sexual d'un individuo, pero creyen que ye causata por una interacción complexa d'influencias cheneticas, hormonals y medioambientals. Favoreixen as teorías basatas en a biolochía, que sinyalan a los factors cheneticos, l'ambient intrauterino temprano; a entramos, u la inclusión de factors cheneticos y socials. No ye garra preba substancial que suchiera que las experiencias d'a crianza u infancia temprana chuguen un paper cuan se plega en a orientación sexual. Mientres que bellas personas creyen que l'actividat homosexual ye antinatural, a rechira cientifica ha amostrato que la homosexualidat ye una variación normal y natural en a sexualidat humana y no bi ye una fuent d'efectos psicolochicos negativos. Bi'n ha de prebas insuficients que emparen l'uso d'intervencions psicolochicas ta cambiar a orientación sexual.

Os termins mes comuns ta la chent homosexual ye lesbiana ta mullers y gai ta varons, encara que tamién s'emplega iste zaguero ta referir-se cheneralment tanto a varons como mullers. O numero de personas que s'identifican como gai u lesbiana y la proporción de chent qui en tien d'experiencias sexuals con o mesmo sexo ye difícil d'estimar de traza fiable por os rechiradors por una variedat de razons, ya que muita chent gai y lesbiana no s'identifican ubiertament debito a la homofobia y la discriminación heterosexista. A conducta homosexual tamién se ye documentata en a-saber-las especies animals no humanas.

Muitos gais y lesbianas se troban embrecatos en relacions d'o mesmo sexo, encara que nomás que recientment se tienen formularios de censos y condicions politicas que han facilitato a suya visibilidat y enumeración. Istas relacions son equivalents a las heterosexuals en os aspectos psicolochicos esencials. As relacions y actos homosexuals se han admirato asinas como condemnato a traviés d'a historia escrita, pendendo d'a traza que prene y la cultura en a que ocurre. Dende o cabo d'o sieglo XIX, bi ha habito un movimiento global enta un augmento de visibilidat, reconoiximiento y dreitos legals ta la chent gai, mesmo los dreitos de matrimonio y unions civils, adopción y crianza, treballo, servicio militar, igual acceso ta la sanidat y la introducción d'a lechislación antiacoso ta protecher a os menors gais.

Terminolochía

Ye corrient que lo fablant desconoixca lo significato preciso d'os termins relativos a las diferents practicas, identidaz y orientacions sexuals (heterosexualidat, homosexualidat, bisexualidat, etc...), u bien por a manca d'información u bien por o exceso de prechudicios. Previament o mesmo fenomeno se denominó chus diferents termins, no toz éls positivos: sodomía, uranismo, pecato horrendo, crimen nefando, inversión.

O termin aragonés homosexualidat ye a traducción d'a palabra alemana Homosexualität, creata a partir d'o termin griego "ὁμός", que quier dicir "pareixito" y o latino "sexus", que quier dicir "sexo". Lo fizo servir por primera vegata l'escritor austrohongaro Karl-Maria Kertbeny en 1869 en un amplo informe ninviato ta lo ministro de Chusticia d'Alemanya con motivo d'a redacción d'o nuevo Codigo Penal ta la Federación d'o Norte d'Alemanya, aprebato en 1860, en meyo d'o debat sobre si caleba mantener o viello codigo prusiano, que en o suyo apartato 175 tipificaba como delicto u contacto sexual entre personas d'o mesmo sexo. Richard Freiherr von Krafft-Ebing, en o libro Psychopathia Sexualis (1886), popularizó lo concepto. De él derivan as traduccions a muitas atras luengas.

A homosexualidat feminina se diz tamién lesbianismo (cualidat de lesbiana) u safismo, termin que provién d'o nombre d'a poetesa Safo de Lesbos, a qui os suyos poemas apasionatos dedicatos a las amigas d'ella li valión a reputación d'homosexual. Mas rarament, a lo lesbianismo se li diz tamién tribadismo, palabra que probablement derive d'o verbo griego τρίβω, que significa "estregar". En a Grecia antiga una muller que penetraba meyant l'uso de bel aparello yera dita τρίβας.

A escala de Kinsey. Bi ha bisexualidat dende que en bi ha d'atracción per entramos sexos (1, 2, 3, 4, 5) y no solo dende que l'atracción per entramos sexos ye igual (3). A homosexualidat ye l'atracción unica y exclusiva enta personas d'o mesmo sexo (6); a heterosexualidat ye l'atracción unica y exclusiva per as personas de l'atro sexo.

A homosexualidat ye a ormino impropiament trafucata con a bisexualidat: se tracta allora d'un amagamiento d'a bisexualidat —cuan se presuposa que una persona que n'ha de relacions amorosas u sentimentals con una persona d'o mesmo sexo ye necesariament homosexual, per eixemplo.

A bisexualidat ye estatisticament a-saber-lo mas frecuent que la homosexualidat. A profesora universitaria estausunidense Lisa Diamond declara a iste proposito que "ye a-saber-lo mas frecuent estar atrayito per bella persona d'o suyo propio sexo que estar exclusivament atrayito per bella persona d'o suyo propio sexo".

Igualment, un estudio fechato en 1993 en Francia amostró que lo que s'ha dito patracament "homosexualidat" ye en cuasi la totalidat de casos de bisexualidat. Entre las personas a las que se lis preguntó si n'heban habito de relacions sexuals homosexuals, o 96,6% entre éls en declaroron tamién de relacions heterosexuals, o que ye constitutivo de bisexualidat. En as enquestas estausunidenses u danesas, se troba u numero tamién considerable (de 90 a 96%) de personas en realidat bisexuals, encara que de traza abusiva son ditas homosexuals.

De feito, o que habitualment se diz "homosexualidat" ye a mayor parti d'o tiempo bisexualidat.

As enquestas menatas per os equipes d'Alfred Kinsey arredol d'as anyadas 1950 (a partir de dos estudios estatisticos sobre o comportamiento sexual d'os estausunidenses effectuatos con cualques 5 300 hombres (en 1948) y de 8 000 mullers (en 1953) han constatato que la homosexualidat y la heterosexualidat no son pas dos orientacions sexuals y amorosas exclusias sino que constituyen mas bien os polos d'un mesmo continuum d'a orientación sexual.

Estatisticas

En as anyadas 1950, os informes Kinsey amostroron que o 46% d'os hombres enquestatos han habita una "experiencia homosexual", sinse que isto cuestione necesariament as suyas relacions heterosexuals". Cualques rechiras mas recents indican que de dos a siet per cient d'os hombres y l'uno per cient d'as mullers se considerarban como homosexuals.

En Canadá, l'1,1% d'a chent se declaran homosexuals.

En Espanya, en chunio de 2017, l'11% d'as personas entre sece y decisiet anyos n'hubon de relacions homosexuals y a lo 25% d'a mesma edat li cuacarba haber-ne; o 17% d'as personas entre deciueito y vinticinco anyos n'hubon de relacions homosexuals y a lo 21% d'a mesma edat li cuacarba haber-ne; en o grupo d'edat entre vintisiés y trenta-cuatre, o 20% n'hubon y lo 13% li ferba goyo experimentar-ne una; y a la fin, o 17% d'os mayors de trenta-cuatre anyos en tuvon y lo 9% mirarba d'haber-ne.

Entre controversias y banalización

A bandera arco de Sant Chuan, simbolo d'o movimiento LGBT.

L'aparición regular d'a homosexualidat aintro lo debat d'as sociedaz occidentals suscita la controversia. Os debaz politicos con la enchaquia de modificar-ne de lechislacions son a ormino apasionatas mesmo si iste no ye pas o caso (como en Portuga en 2010). O voto a leis que permiten l'igualdat de totas as parellas debant o matrimonio se fizo con una chicota mayoría en Archentina (aprés quince horas de debaz acaloratos), en o Estato de Nueva York y en o de Washington en 2012. O dreito de veto se fa servir a vegatas per a persona encargata de promulgar a lei (Nueva Jersey en 2012). As negociacions con as Ilesias son corrients en os Estaus Unius con o voto d'as exempcions relichiosas ta que las Ilesias no sigan pas en a obligación d'acomodar parellas d'o mesmo sexo. En os Estaus Unius cualques estatos han modificata a suya constitución ta definir o matrimonio como estando lo d'un hombre y una muller. En Francia, os debaz han dato puesto a intercambios a veces violentos (contiparación con a zoofilia u la pedofilia). L'antigo chefe de la Ilesia Catolica, Benedet XVI, alvirtió: "o matrimonio homosexual menaza lo futuro d'a humanidat".

En a-saber-los países, sobretot occidentals y d'Asia Sud-oriental, a homosexualidat se ha per una traza "banal" de sexualidat que no son pas obchecto d'estigmatización particular, d'aón o reconoiximiento oficial a la posibilidat de matrimonio homosexual. Manimenos, mesmo en os países que acceptan istas unions, os sondeyos reflectan cualque desalcuerdo social sobre a validez d'ista institución.

Beluns emparan que a homosexualidat corresponderba a una tendencia natural en o ser humano, mesmo heterosexual, d'estar atrayito per individuos d'o mesmo sexo. A expresión d'ista atracción estarba un factor important d'o equilibrio d'o comportamiento sexual. Subrayan os comportamientos homosexuals observatos (igual que os comportamientos heterosexuals) en bels ninos y adolescents, considerando que constituirban per naturaleza una etapa fundamental d'a diferenciación sexual y d'a surtida d'o sentimiento de pertenencia a o sexo feminín u masculín.

Amás, mesmo en os países aon a homosexualidat se banaliza relativament, toz os homosexuals no viven pas necesariament bien a suya homosexualidat y los suyos proximos no l'acceptan pas necesariament.

Panorama d'a Ciudat Gai (en francés Village gai) de Montreal, uno d'os vicos gais mas amplos d'o mundo (dos kilometros de largaria).

Controversia relichiosa

Como a sexualidat heterosexual difuera d'o matrimonio, a homosexual ye refusata per a mayor parti d'as instancias relichiosas, mesmo si existe una fuerte disparidat d'opinión en os fidels.

Relichions abrahamicas

As relichions abrahamicas refusan categoricament as relacions sexuals homoeroticas, muito a sobén a traviés d'a sodomía. Asinas, en o Antigo Testamento: en Levitico 18,22: "Tu no chacerás pas con un hombre como tu chaces con una muller, pus ye una abominación". O Nuevo Testamento reitera a condemna: en Romanos 1,26-27: "Dios los ha abandonatos a pasions infames; pus as mullers entre ellas ham cambeato l'uso natural per unatro que ye contra natura. Igualment os hombres, deixando l'uso natural d'a muller, se son abrazatos en a suya furnada os uns con os otris, cometendo-ne, hombre con hombre, de cosas infames, y recibindo en éls a recompensa que se debeba a la suya ixarrota". L'islam tradicional, sunnita u chiita, condemna igualment a la homosexualidat per meyo d'a xaría. As condemnas son variables d'una relichión a unatra y tienden a ablandir-se en o cristianismo.

Asinas, en a Ilesia Catolica, l'accento se mete en l'acullida y benevolencia enta as personas homosexuals entre que mantién una vieda y una condemna d'as relacions sexuals. O Papa Francisco així declaró en 2013: "Si una persona ye gai y mira a o Sinyor con buena voluntat, quí soi yo ta chuzgar-la (...) Nusatros debemos estar chirmans."

O protestantismo, en a suya gran parti, deixa a os creyents como os unicos chudeces d'a suya fe y d'a traza d'aplicar-la. A homosexualidat adintro de l'anglicanismo, per eixemplo, sembla d'arredrar-se-ne d'o refús de l'acto homosexual sustito d'o cristianismo y mas dillá, d'o chudaísmo, con a bendición d'o matrimonio homosexual; ista acceptación, magueras, no ye pas unanime adintro d'a ilesia. O primato anglicano Peter Akinola dició asinas: "Yo no puedo replecar pas cómo un hombre sentato poderba deseyar una relación sexual con unatro hombre. Mesmo adintro d'o reino animal, d'os cans, vacas, lions, no se'n siente charrar tal cosa",] o que ye contrario a la observación.

O punto de vista mormón sobre a homosexualidat no ye muito arredrato d'o d'a Ilesia Catolica Romana que clama a la "castidat".

En Francia, asociacions confesionals arredol d'as cuestions LGBT existen como David et Jonathan ta os cristianos, Beit Haverim ta os chodigos y Homosexuels musulmans de France ta os musulmans. Istas no son, manimenos, reconoixitas per as instancias relichiosas.

Budismo

O budismo prescribe o control d'os sentitos. A homosexualidat no ye, por tanto, censurata como tal, a "conducta sexual etica" ye l'ascetismo y l'ideal mas elevato d'o budismo ye l'absencia completa de tota actividat sexual.

O budismo ha chenerament una actitut de respecto enta as diferents culturas y relichions, o que mena ta bella diversidat de posicions budistas d'una cultura a unatra y esplanica que se'n pueda trobar d'autors budistas que condemnan a homosexualidat. En una entrevista, o catorceno Dalai Lama, Tenzin Gyatso declaró que a homosexualidat "formaba parti d'o que, nusatros os budistas, clamamos "mala conducta sexual". Mas recientment, ha declarato: "Como lo cristianismo, o budismo recomienda d'evitar as relacions sexuals con bella persona d'o mesmo sexo. Pero, dende un punto de vista social, ista no significa garra problema ta personas sinse una fe particular, dende que as relacions son protechitas".

Marketing

A parella homosexual se ye convertita en un obchectivo especifico d'o marketing en os países occidentals: o comportamiento publico de bels gais ha inspirata la publicidat. En ella, o marketing ha integrato bel numero de clichés gais.

Asinas, bels operadors turisticos se son especializatos en o "turismo gai"; marcas de ropa, de deterchents u de voturas amuestran parellas gais en as suyas campanyas publicitarias. En as anyadas 1990, son apareixitas entre os especialistas d'o marketing comunitario expresions como DINK (double income, no kids) —dople ingreso, garra nino— u encara pink dollar ta charrar d'o comercio enfocato en os gais, lesbianas, bisexuals y transexuals.

Discriminacions

As relacions sexuals y as relacions amorosas entre hombres se condemnaba con pena de muerte en sies países en 2017: Afganistán, Arabia Saudita, Brunei, Irán, Mauritania, Nicheria, Sudán, Somalia, Somalilandia y Yemen. Istas lechislacions s'aplican de traza efectiva. También se condemnan con castigos fisicos, asinas como penas de garchola en mas de ventisiet países en o mundo.

A homosexualidat ye ilegal en mas de cient países en o mundo y os homosexuals s'exposan a enantos sistematicos.

Seguntes l'Asociación Internacional de Lesbianas, Gais, Bisexuals, Transexuals y Intersexuals, en 2016 73 países condemnaban a homosexualidat y trece estatos u partis d'estato preveyeban a pena de muerte.

En os países occidentals, os homosexuals pateixen una discriminación, dita a ormino homofobia, a vegatas muito fuerte, tanto que una d'as causas de suicidio en os chóvens gais y lesbianas de 15 a 34 anyos ye o sufrimiento sentito a causa d'a auya exclusión debito a la homofobia d'a suya sociedat. Un choven homosexual n'haberba entre cuatre y siet vegatas mas de risque d'atentar contra la suya vida que un choven heterosexual, cifra que augmenta dica o 40% entre as mesachas chóvens. Entre os adolescents que realizoron una tentativa de suicidio, un cuarto (25%) ye homosexual.

A homofobia constituye un comportamiento u un pensamiento contimparable a nocions tals como lo racismo, o sexismo u l'antisemitismo, constituyindo una discriminación u una traza de violencia basata sobre a pertinencia a un grupo. As agresions homofobas pueden estar verbals, psicolochicas u fisicas: insultos, brutalidat, acoso, violacions, asasinatos (en os Estaus Unius, a tortura heba enducito a muerte de Matthew Shepard en 1998 en Wyoming).

En o vocabulario d'istos doniestos, son a sobén misochins u homofobos.

O refuse d'a homosexualidat u d'a homosexualidat per cualques sociedaz vien d'un desconoiximiento d'ista tematica. Per eixemplo, cualques personas y cualques sociedaz mantienen l'amalgama entre homosexualidat, pederastia y a pedofilia.

Os comportamientos homofobos y transfobos, a sobén asociatos, esplanican l'amanamiento entre bels militants homosexuals y transexuals, encara que a identidat de chenero no heba garra relación con a oriención afectiva y sexual.

En os países arabes

L'Alcorán describe os actos homosexuals como grieus baixezas, condemnatas moralment y social en a suya practica publica u en a cismia ta la suya practica. Consiguientment, en numerosos países que aplican a xaría, a sodomía ye un crimen que puet castigar-se con a pena de muerte (a mas habitual a lapidación).

Asinas, en Arabia Saudita, tot acto de sodomía comeso per un no musulmán con un musulmán ye mereixedor de lapidación.

Omán constituye una excepción en a Peninsula Arabica, estando l'unico gran país d'a rechión que no aplica garra pena legal contra a homosexualidat. O que s'atribuye a o soldán Qabus ibn Said, qui "no fa cosa como os suyos homologos d'os países d'o Golfo. Esvurciato, sin de ninos, cuasi ubiertament gai, deixa a o suyo pueblo a libertat de culto y no reprime soque muito poco l'adulterio y a homosexualidat, encara que agún sigan consideratos oficialment delictos".

En Cuba

En Cuba, o gubierno castrista implementó dende 1965 as Unidades Militares para el Aumento de la Producción (UMAP) u "Unidaz Militars ta l'Augmento d'a Producción", oficialment ta remplazar o servicio militar ta qui yeran exemptos de levar-ne d'armas, incluyitos os obchectors de conciencia y os homosexuals. De feito, haberban acullitos a toz qui no se comportaban pas como quereba o rechimen, entre éls, os homosexuals. Rapedament conoixitos per os suyos tractamientos inhumans, istos establimientos se zarroron deciueito anyadas dimpuesas; a indignación d'o mundo artistico empentoron a Fidel Castro a zarrar personalment istos establimientos en 1967, estimando que no cumpliban pas os obchectivos revolucionarios, pero atros menos duros prenioron o suyo puesto. Durando una entrevista en 2010, Fidel Castro se disculpó d'istas persecucions, considerando-se responsable, pero invocando l'actualidat cheopolitica d'a epoca ta esplanicar a suya absencia d'acción sobre iste tema.

Cuba forma parti d'os 66 estatos que han sinyata la resolución d'a ONU ta la despenalización universal d'a homosexualidat.

Adoptato lo 23 de chulio de 2018, o prochecto de constitución cubana de 20118 ubre a vía ta una posible legalización d'o matrimonio homosexual a traviés d'o emplego de termins neutros ta fer mención d'o matrimonio enguís d'os de marito y muller.

En Francia

As normas churidicas en vigor viedan en Francia tota discrimiinación en función d'orientación sexual. L'informe sobre homofobia en a empresa realizato per HALDE y publicato en 2008 revela que o 12% d'os homosexuals interrogatos estiman haber-se quedato a o menos una vegata difuera de chuego en bella promoción interna y un 4,5% estar menos remuneratos con puesto y cualificación iguals. Seguntes unatro sondeyo, o 17% d'os asalariatos d'o sector privato (resoecto a l'8% en o sector publico) consideran que estar homosexual ye mas bien un incovenient ta evolucionar en una empresa (respecto a la función publica).

A principal dificultat ta valguar, en Francia, l'amplaria d'una eventual discriminación salarial en función d'a orientación sexual ye l'absencia de fuents estatitiscas fiables que permitan d'identificar de traza precisa as poblacions homosexuals gai y lesbiana y las suyas principals caracterisiticas individuals y economicas: edat, puesto de residencia, salario, sector d'actividat, cualificacions etc...

A tamas d'iste vueito estatistico, un articlo recent con toto ha proposata una primera valguación de diferencia de salario entre treballadors y treballadoras homosexuals y heterosexuals a partir d'una muestra d'asalariatos homosexuals composata per miembros de parellas d'o mesmo sexo identificatos gracias a las diferents edicions d'a Enquesta d'Emplego (en francés Enquête Emploi) de l'INSEE, parando cuenta d'excluir-bi as diferents trazas de cohabitación que o suyo orichen no ye pas ligato a la orientación sexual: cohabitación estudiantil, economica, de migración, zaga d'a viduez, etc... Se tracta huei en día de l'unico estudio disponible en o tocant a la discriminación basata en a orientación sexual en Francia.

A contimparación de salarios d'os treballadors homosexuals en o respective a los d'os asalariatos heterosexuals qui en fan partache d'as mesmas caracteristicas ta las variables presas per l'estudio amuestra que os hombres homosexuals permenan en Francia una penalización, tanto en o sector privato, -6,2%, como en o sector publico, -5,5%.

Ta dar una idea d'a suya magnitut, ista diferencia ye superior a la discriminación salarial entre hombres y mullers (valguata huei en Francia arredol d'o -5,4%), "o que subraya l'amplaria d'a discriminación que afectan a os homosexuals masculins" seguntes l'estudio de Thierry Laurent et Ferhat Mihoubi. As lesbiana espleitan manimenos una prima moderata: un 1,5% en o sector privato y entre un 0 y un 1,5% en o sector publico.

Perén seguntes a mesma enquesta, a discriminación permenata per os asalariatos gais no se caracteriza probablement pas per un menor salario a igual puesto (o que estarba susceptible de recursos legals), pero mas bien por un perfil de carrera profesional en retirada, resultato de transicions en a empresa, en promedio, menos favorables (menor frecuencia u amplaria de promocions). Feble en primeras d'a carrera, a discriminación s'expresa sindembargo mas tardi, a partir de l'inte que a orientación sexual de l'asalariato bi ye progresivament revelata en a empresa.

A la fin, os dos rechiradors han amostrato que, en o sector privato, a esavantalla permenata per os homosexuals masculins ye mes elevata ta os treballadors cualificatos que ta os no cualificatos y —en entramos sectors— ta os mayors que ta os chóvens. A discriminación ye igualment mas feble en París que en a resta de Francia.

As razons que esplanican as diferencias de remuneración en función a la orientación sexual son de muitos órdens.

Una primera razón torna a sortir no pas d'una discriminación sino de "desigualdaz compensatorias". En efecto, as mullers heterosexuals, anticipando una actividat mas domestica dispuesas d'o matrimonio, rebaixan a suya inversión profesional mientres que per contra, una vez casatos, deberán compensar l'actividat domestica d'a suya muller, o que n'ha de consecuencias en as diferencias de salario entre hombres y mullers. Os homosexuals, sin d'estar embolicatos per as mesmas obligacions, no adoptan pas istas estratechias de traza que as mullers homosexuals invierten mas en capital humano que as mullers heterosexuals, mientres que os hombres homosexuals invierten menos que os hombres heterosexuals, o que mena ta preveyer-ne de diferecias favorables ta las lesbianas y esfavorables ta os gais.

Una segunda razón consiste en a discriminación, que se puet dividir en dos menas: a preferencia per a discriminación y a "discriminación estatistica". A primera designa una diferencia de comportamiento contra os homosexuals simplament per a suya orientación sexual. Os hombres en permenan mas que as mullers. A segunda designa la discriminación que resulta de a opinión que se fa l'emplegador sobre a productividat d'una colla. Os gais, qui s'afectan mas a ormino de sida que a resta d'a población y qui dende allora son relacionatos con sobrecostes, permenan ista discriminación, mientres que as lesbianas, asimilatas a la mullers cerenyas y sin de fillos, se'n benefician.

En India

Aprés un chudicio d'o 2 de chulio de 2009 d'o Tribunal Superior de Delhi, dende aquel día, a homosexualidat no ye mas un crimen si s'aplica (en relacions sexuals y en os sentimientos) cuan entramas personas son adultas y en consienten, anulando l'antiga lechislación "Articlo 377 d'o Codigo Penal" adempriviato d'a colonización britanica.

L'11 d'aviento de 2013, o Tribunal Supremo d'a India declaró as relacions homosexuals ileglas y no contrarias a os dreitos fundamentals. Asinas de feito, a restauración d'a sección 377 d'o Codigo Penal indio criminaliza de nuevo a homosexualidat.

En Irán

En Irán, a lei condemna durament os actos homosexuals; qui se bi entregan s'exposan a la flachelación y mesmo a la pena de muerte, en caso de tres recidivas.

En Israel

Desfile de l'Argüello de Tel Aviv en 2012.

Israel poseye una lechislación reservando lo matrimonio como relichioso nomás. Manimenos, os matrimonios entre dos personas d'o mesmo sexo contrayitos en l'estranchero se i reconoixen.

En aviento de 2012, o tribunal de chusticia familiar de Ramat Gan dio lo primer esvucio legal a un matrimonio entre hombres. Existe igualment un reconoiximiento d'o concubinato ta totas as parellas.

A lechislación israelina condemna antimás de traza severa un crimen que n'embreque d'homofobia.

En a sociedat las personas homosexuals son mal adempriviatas per l'ambito relichioso, mientres en os ambitos laicos u liberals acceptan cheneralment a homosexualidat.

Toz os anyos ha puesto un desfile de l'Argüello en Tel-Aviv-Jaffa y lo gubierno n'ha un punto de vista progresista, que i favoreix a participación y diriche a chornata (seguridat, actividaz, etc...). Atros desfile de l'Argüello s'organizan tamién en atras ciudaz israelinas.

Existen centros homosexuals en as mayors ciudaz y collas de trobatas s'organizan asinas como servicios d'aduya y una linia telefonica. Existe igualment un movimiento chuvenil homosexual, popular entre os menors de 22 anyadas.

Manimenos, seguntes o periodista antiisraelín Jean Stern, Israel favoreix a la comunidat homosexual a traviés d'o lavato rosa.

En Nicheria

En Nicheria, a sodomía se pena con a pena de muerte mesmo si ista lei s'aplica rarament. En 2014 fue promulgata per o president Goodluck Jonathan una lei que pena a 10 anyadas de garchola a las personas qui vocíen publicament una relación homosexual y a 14 anyadas de garchola a aquels que s'acomoden con una persona d'o mesmo sexo, encara que a homosesexualidat ya se reprime severament en Nicheria. Ista lei fue votata per unanimidat per os parlamentarios nicherians en 2013.

En Senegal

En Senegal, os actos homosexuals se penan con cinco anyadas de garchola y una pinyora d'entre 100 000 dica 1 500 000 francos CFA, seguntes o Codigo Penal senegalés.

En Suiza

En Suiza, como en muitos atros países europeus, a penar d'estar a parella rechistrata, as parellas homosexuals con fillos no pueden fer partache d'a patria potestat. Ista, como a filiación, no ye reconoixita soque ta o prochenitor biolochico. O conchuche qui exerce un rol parental y asume as obligacions legals no espleita garra dreito y remane "prochenitor no estatuario".

En Espanya

En Espanya bi ha habito un cambeo en a percepción social d'a homosexualidat (sinse partache por parti d'os ciudadans, a mayoría de qui perteneixen a la dreita), orientando-se-ne enta politicas mas tolerants. Manimenos, ista realidat ye mas acceptata en as grans ciudaz (Madrit, Barcelona, Valencia, Sevilla, Malaga, Santa Cruz de Tenerife, Las Palmas de Gran Canaria, Cadiz...) que en os chicoz lugars de l'interior, de mentalidat mas conservadera.

A penar de tot, o refús social y o familiar continan marguinando a lo colectivo LGTB y creando un sentimiento d'inseguridat y inferioridat entre os chóvens (beluns de qui plegan a suicidar-se); en chunio de 2010, o Front d'Alliberament Gai de Catalunya criticaba las conductas homofobicas, asegurando que bi ha habito un augmento significativo d'entimaduras por agresions y discriminación.

Una contrimuestra d'a liberal sociedat espanyola ye que a-saber-los homosexuals han reconoixita publicament a suya orientación sexual en fer a suya salida de l'almario. Entre éls se troban personaches famosos como Boris Izaguirre, Jesús Vázquez u Pedro Zerolo; u mesmo altos funcionarios, como o chudez Fernando Grande-Marlaska.

Existen publicacions orientatas a lo publico gai, como l'antiga revista Zero y se difunden por televisión series "gais" como Queer as Folk, Will & Grace, Buffy the Vampire Slayer, The L Word u Hospital Central. Tamién ye important l'aparición de peliculas que en tractan de temas LGTB (temas gais, lesbianismo, bisexualidat y transexualidat) por a normalización y la visualización, asinas como por a creación de nuevos modelos que aduyen a crebar con os estereotipos: Eloïse, Imagine Me & You, Transamerica, Boys Don't Cry, Shortbus, Fucking Åmål, Cachorro, Plata quemada, Pourquoi pas moi?, etc...

En Aragón

En Aragón, o 75% d'os alumnos homosexuals, lesbianas, bisexuals u transexuals se sienten discriminatos en o instituto y han medrana a o refús, mientres un 18% d'os alumnos permenan u han permenata bella mena de violencia, como insultos, empentons u diciendas, seguntes l'informe d'acoso escolar por LGTBIfobia realizato por a asociación Somos LGTB+.

Mas recientment, un choven zaragozano, Israel C.N. ha entimatas menazas homofobas dimpuesas de que o pais d'él haigan recibito dos cartas de vecins dicindo-lis, entre atras perlas, que "en prenesen de midas" ta que a homosexualidat d'os suyo fillo no en causase de problemas en a comunidat. Isto succedió dimpués d'estar pasato Israel por o Programa La vida que nos ha tocado de Aragón Televisión, a on charró de l'acoso que pateix cuan sale ta la carrera; insultos, comentarios agros u agresions fisicas.

Manimenos, Aragón aprebó lo 19 d'abril de 2018 a suya primera Lei rechional de protección y no discriminación d'homosexuals, bisexuals y transexuals, que fa un apueste por abanzar en a normalización social d'a diversidat sexual e, asinas, prevenir comportamientos de refús u discriminatorios, con pinyoras de dica 45 000 euros.

Tamién existen en Zaragoza asociacions que luitan por os dreitos d'as personas LGTBI u en fan d'actividats ta iste colectivo como Towanda, Magenta, Somos LGTB + Aragón, Stonewall Aragón u Elaios Club Deportivo LGTB.

Declaración de Mont-reyal sobre los dreitos humans d'as personas LGBT

Martina Navrátilová y Mark Tewksbury leyen a Declaración de Mont-reyal durando a ubridura d'os Outgames o 29 de chulio de 2006 en l'Estadio Olimpico de Mont-reyal.

Os participants d'a Conferencia Internacional sobre los dreitos humans d'as personas LGBT de Mont-reyal, que habió puesto en o contexto d'os primers World Outgames, redactoron y dimpuesas fizoron publicos, o 29 de chulio de 2006, a Declaración de Mont-reyal sobre los dreitos humans d'as personas LGBT. Se difundión chunto con a Organización d'as Nacions Unidas (ONU) y gubiernos nacionals ta mobilizar luz emparo en o respective a os dreitos d'as personas LGBT.

A Declaración de Mont-reyal fa un balance d'os dreitos d'as personas LGBT en o mundo en cheneral y en o mundo de l'esporte en particular. Entima o dople discurso d'a ONU, que no aplica pas prou a los homosexuals a Declaración Universal d'os Dreitos Humans. A-saber-los dreitos fundamentals, comprendendo-bi o dreito a la vida, son chafutiatos y muitos países miembros d'a ONU, a on a homosexualidat se criminaliza.

A Declaración de Mont-reyal interpela igualment a os gubiernos d'o mundo y a bellas grans relichions. A os primers porque no guarencia pas a os homosexuals o dreito de acomodar-se entre éls y a las segundas porque no aplican pas os suyos principios de tolerancia enta os homosexuals. Ista visión, sindembargo, ye cuestionable, pus se demanda a la relichions ancestrals d'espernir as viedas absolutas. Ista intolerancia y os tabús arredol d'ista cuestión noce, seguntes a Declaración de Mont-reyal, a luita contra o sida.

Mas de 1 500 delegatos ha esnavesato lo globo ta participar en ista conferencia y i discutir en os diferents tallers y plenarias, a on a-saber-los expertos internacionals han presa a palabra, como l'honorable Louise Arbour, alto comisario ta os dreitos de l'hombre d'a ONU y Martina Navrátilová, a chugadora de tenis de fama internacional.

Historia

En l'Antigüedat

Aquiles envendando a Patroclo, con os chenitals amostratos, (ciliz con figuras royas d'a pintura de Sosias, circa 500 a. C., en l'Staatliche Museen, Berlín).

Cualques sociedaz precristianas en feban veyer alto u baixo de tolerancia u acceptación en o tocant a las practicas homoeroticas. Ta muitas d'ellas, istas practicas yeran, sin dembargo, a-saber-lo codificatas socialment y tot esbarre d'istas normas se veyeba mal, mesmo considerato como delictivo. Por eixemplo, en bellas ciudaz de l'Antiga Grecia, a pederastia se practicaba en o contexto d'a educación d'os adolescents masculins, pero de traza cheneralment muito codificata. Asinas, en Atenas, l'erasta, companyero adulto, debeba estar activo en a relación sexual y l'eromeno, l'adolescent, pasivo; por contra, la relación se consideraba immoral. Por atra parti, a homosexualidat exclusiva yera bellacosa rara y no excluyeba pas absolutament as relacions con mullers ni a procreación.

Se revela igualment que a-saber-las sociedaz antigas, como Grecia y Chapón, animoron a creación de lazos homosexuals en bels cuerpos de l'exercito entre os combatients experimentatos y lo suyo disciplo. Se pensaba allora que dos hombres inamoratos luitarban con mas determinación y con una moral mas gran. O Batallón Sagrato de Tebas constituye un eixemplo clasico de fuerza militar basata en ista creyencia.

Uno d'os mas celebres eixemplos antigos d'homosexualidat "guerrera" ye sin garra dandaleo Aquiles, heroi d'a Iliada d'Homero: a suya relación con o suyo primo y escudero Patroclo, ambigua en o texto homerico, fue considerata por os griegos (en particular por Esquilo y Platón) y dispuesas por os romanos de l'Antigüedat como modelo d'amor entre hombres, como a carranya d'Aquiles con que Aquiles reprenió lo combate a la muerte d'o suyo tierno amigo. Bi ha que remarcar que se tractaba d'una relación entre hombres d'a mesma edat, bien diferent d'a pederastia ritual. Ista historia mitica sirvió mas tardi ta chustificar a relación entre Aleixandre lo Gran y o suyo amant Hefestión.

Homosexualidat en a Edat Meya en Europa: d'a indiferencia a o puritanismo

A tierna relación entre Ricardo Corazón de Lión y Felipe II Augusto de Francia se considera por numerosos historiadors como que en releva d'homosexualidat.

Execución d'o caballero de Hohenberg y d'o suyo escudero debant as murallas de Zurich (1482).

Sobre o fondo d'os pueblos chermanicos —as leis de l'Alta Edat Meya no fan garra referencia a la homosexualidat—, a sociedat cristiana d'a Edat Meya en mantién de relacions ambiguas a la homosexualidat, cuan o modo de vida (monastico u caballeresco) forniba un terrén a sobén muito propicio a las amistanzas carnals.

Si a doxa reprén en teoría os actos homosexuals (principalment por os cleigos qui haigan pronunciato los votos de castidat) dende lo principio d'a Ilesia, en os feitos dita condemnación no hubo soque poqueta d'aplicación concreta. Bellas personalidaz politicas como Carlos Magno, l'arcebispe de Canterbury u o papa León IX son conscients d'os costumbres lichers vichents en a-saber-los monesterios, pero refusan excluyir a os culpables d'a Ilesia u aplicar penas en absencia de circumstancias empiyorants (violación, asasinato, pedofilia...). Numerosos altos dignatarios d'a Ilesia pudon menar grans carreras eclesiasticas sinse forniguilla y os soberans como Ricardo Corazón de Lión no miroron pas de disimular a suya inclinación. Igualment, a literatura monastica conoixió numerosos movimientos literarios muitos impregnatos de referencias homoeroticas (principalment en Baudri de Bourgueil, Marbode de Rennes u Aelred de Rievaulx) sinse que as autoridaz eclesiasticas se'n alticamasen.

En o sieglo XI, a noción de sodomía fue instituyita en o dreito canonico por Pierre Damien, pero se tracta d'un concepto complexo que engloba de traza cheneral toz os comportamientos sexuals que no miren pas de procrear (por tanto tamién a masturbación u a felación: ye encara o sentito d'a palabra anglesa sodomy). O sexo d'os beneficiarios, por atro costato, no se precisó pas y a linia de falla se situaba mas entre l'amor carnal sensu lato y l'amor intelectual que entre una sexualidat "natural" y unatra "contra natura" (nocions mas bien tardanas).

Ye en o sieglo XIII cuan un cambeo de politica prenió puesto en a Ilesia,, dimpuesas entre os soberans, en o marco d'a luita contra l'augmento d'as herechías: os dormitorios d'os monesterios adoptoron regles de vichilancia mas estrictos y as penas escomencipioron a aplicar-se a os culpables de sodomía, indo como castigo enta la chera, pero lo numero de condemnas efectivas continoron muito poquetas. Enta 1260, o tractau anonimo Livres de jostice et de plet deciba asinas "Cuan se sospeite a sodomía d'un hombre, él debe ficar-se en garchola. As personas d'Ilesia deben fer a Inquisición sobre él y preguntar-li-ne d'a fe. y si se li condemna, o rei debe dar-li muerte. [...] Qui ye sodomita prebato debe tresbatir os collons e, si en fa una segunda vez, debe tresbatir o miembro; y si en fa la tercera vez, debe estar cremato. [...] Muller qui en fa debe cada vegada tresbatir un miembro e, a tercera vegada, debe estar cremata. Y toz os suyos biens son ta o rei." A sodomía se deciba en francés a ormino a o cabo d'a Edat Meya con o nombre de bougrerie. Dito termín ye derivato de boulgre, que significa bulgaro, feito servir en ista epoca ta designar a os bogomils (Bulgaria yera un centro important d'ista herechía), y existe por tanto una ambigüedat en os textos entre a condemnación d'a herechía y a d'a sodomía. Que a moral bogomila siga en realidat ascetica no dentra pas en consideración ta esplanicar l'emplego d'o termín: toz os cataros no l'aplicaban pas y nomás que os perfectos no yeran en teoría pas depravatos.

En paralelo, l'amor carnal en o sino d'a parella heterosexual escomencipia a valurar-se en a mesma epoca como una metafora d'a relación que une a Chesús y a suya Ilesia (que son as empecipiaduras d'a sacralización d'o matrimonio) en una mistica carnalista muito innovadera en relación con os periodos precedents.

Ista politica represiva creixió en os sieglos XIV y XV y l'acusación de sodomía devino un arma politica eficaz ta debilitar-ne de personalidaz publicas. A tortura, de cabo ta cuan, s'inflicheba a os culpables d'actos homosexuals u de sodomía (que se deciba allora "delicto d'a puncha d'a esquena" u simplament "delicto d'a puncha").

Epoca clasicista

A o cabo d'a Edat Meya, una suavización d'a represión se produció progresivament. Numerosos personaches historicos, artistas, militars, relichiosos, monarcas, prencipe y duques en Francia y en o estranchero encaran fuoron acusatos d'estar homosexuals, erroniament u encertata, pero iste unico motivo no daba cuasi mai puesto a condemnacions, sobre tot porque istos individuos yeran mayoritariament acomodatos con mullers que en produceban de descendencia. Iste fue por eixemplo en Francia o caso d'o rei Henrique III, sobratament sospeitoso (e ubiertament acusato por os protestants puritans) de conceder-ne a os suyos numerosos mignons de favors no unicament politicos.

Maguer que en o sieglo XVI l'acusación de sodomía podeba encara puntualment constituyir un motivo de presión politica (qui obligó a l'erudista humanista Marc Antoine Muret a exiliar-se-ne), a empecipiadura d'o sieglo XVII y l'admiración por os herois antigos con amors masculins celebratos en a literatura clasica, ubre a vía a un clima de tolerancia u d'admiración en o tocant a las relacions sentimentals entre hombres. A-saber-los grans artistas como Jean-Baptiste Lully u Savinien de Cyrano de Bergerac n'expresoron asinas d'amors virils sinse forniguilla.

Monsieur (aquí con vestito), con o suyo chirmano Loís XIV.

L'eixemplo mas celebre fue sinse dandaleo Felipe I de Orléans (1640-1701), "Monsieur, chirmano d'o Rei" (Loís XIV) y marito de "Madame" (Henrieta d'Anglaterra, dimpuesas Isabel Carlota de Bavera), de qui hubo respectivament cuatre y tres fillos. Iste en efecto yera estato educato d'una traza feminina de buen implaz por a suya mai y o Cardenal Mazarín, experimentato por a Fronda, sinse dandaleo con l'obchectivo d'evitar tota veleidat a o tron por a suya parti. Fue asinas vestito de filla durando a mayor parti d'a suya infancia (y encara a sobén en a edat adulta) y invitato a mantener-ne de relacions sentimentals con atros mesaches chóvens, y alzó ista inclinación tota la vida d'él, a la vista de tota la cort.

O Duque de Saint-Simon lo describe asinas en a suyas Mémoires:

"Yera un chicot hombre panchudo, puyato en chanclas tan altas como os zapatos d'él, siempre engalanato como una muller, plen d'aniellos, de monyiqueras y de pedrerías por toz os cabos, con una luenga peluca tota ixamplata entadebant, negra y empolvata y cintas por toz os cabos a on en podeba meter, plen de mena de perfumes y en totas cosas a limpieza mesma..."

Uno d'os suyos principals mignons fue o futuro abat François-Timoléon de Choisy, qui dixó a consonant as Mémoires de l'abbé de Choisy habillé en femme, a on describe asinas a suya relación con Monsieur:

Nos vestibanos de mesacha totas as vegadas que o chicot Monsieur veniba a casa y él i veniba a o menos dos u tres vegadas a la semana. Yo heba as orellas foradatas, de diamants, de pecas falsas y totas as atras afeccions que uno se i fa muito facilment y que uno se'n desfá muito dificilment. Monsieur, qui aimaba tot ixo, me daba siempre cient esprisions. Dende que él plegaba, acompanyato por as sobrinas d'o cardenal Mazarín y cualques fillas d'a Reina, l'ateclabanos, li febanos a tufa [...]. Li sacabanos o chipón ta meter-li-ne de gabetos de muller y de sayas... [...] Él se'n meteba de nueit de pendients y de pecas y s'alufraba en os mirallos, afalagato por os suyos amants.

Monsieur en frecuentó a-saber-los d'atros favoritos como lo marqués de Châtillon, o Conte de Guiche y sobre tot o caballero Philippe de Lorraine, en a cort d'o Rei-Sol aon no mancaban pas grans personaches "a o gusto italiano" (o prencipe de Condé; os duques de Vendôme, de Villars y de Gramont; o prencipe Euchenio de Saboya; os mariscals de Turenne y d'Huxelles, o cardenal de Bouillon. Ye probable que Loís XIV heba él mesmo favoreixita ista situación en o suyo chirmano y bels atros seigneurs por razons estratechicas, como antes d'él Chulio Mazarín y Richelieu.

A homosexualidat no sembla asinas pas un tema tabú en o sieglo XVII y o numero de personaches no semblan pas amagar-se-ne, ya sigan d'o pueblo ya d'a Cort: as pena preveyitas ta o crimen de sodomía no s'aplican en realidat treito cuan s'agravan por violación, prostitución u reniego y a Ilesia contaba con masiatos influyents prelatos devotando-se ta gosar a condemnar-los. As referencias a "o gusto italiano" rebuten asinas regularment os escritos de memorialistas y sobre tot as cartas de numerosos epistolografos. Ye particularment enarcant o caso d'Isabel Carlota de Bavera, qui declara a la suya prima en o tocant a l'"amor d'os hombres" d'o marito d'ella:

Toz os herois yeran asinas: Hercules, Teseu, Aleixandre, Cesar, toz yeran asinas y heban os suyos favoritos... [...] Qui, creyendo en as Santas Escrituras, no son pas menos tacatos d'iste vicio, se feguran que iste no yera un pecato treito cuan o mundo no yera pas poblato. Éls se'n amagan mientres pueden ta no ofender a o vulgo, pero entre chent de buena condición en charramos ubiertament. Estiman que ye una chentileza y no cal dicir que dimpuesas de Sodoma y Gomorra o nuestro Sinyor Dios no ha castigato mas a dengún por iste motivo..."

A Ilustración

En o Sieglo d'a Ilustración, Montesquieu y dimpuesas Voltaire y Cesare Beccaria se son interrogatos sobre a severidat d'a pena, pero no parixen pas haber-li refusato bel caracter anormal a la homosexualidat. Voltaire, habitualment apostol d'a tolerancia, se bi oposó furament y cualificó a la homosexualidat d'"atentato infame contra la naturaleza", d'"abominación fastiosa" y de "baixeza". En Anglaterra, Jeremy Bentham en o suyo Ensayo sobre a pederastia, que aparixerá a titol postumo, sigue una argumentación utilitarista y esfiende una despenalización d'a pederastia, como Beccaria.

En 1750, l'afer Diot-Lenoir vido a zaguera pena capital executata contra homosexuals en Francia: Bruno Lenoir, presos en flagant delicto de sodomía fuoron estrangullatos y crematos publicament en a plaza de Grève, en París. Iste afer fizo sindembargo un figura d'excepción; pos, en o tocant a istos feitos, a mayoría d'os enantos por sodomía en a epoca s'apocaba con una simpla ixauguada y os enantos que desembocaban en condemnación yera extrematament rarizos y cheneralment lo feba por circumstancias agravants (como en l'afer Deschauffours en 1725).

A pena de muerte por sodomía se remplazó por treballos forzatos en Pensilvania en 1786 y en Austria en 1787.

En 1791, Francia ye o primer país que despenalizó completament a homosexualidat, en no mantener pas Asamblea nacional lechislativa o "crimen de sodomía" en o Codigo Penal:

"O Codigo Penal de 1791, en efecto, s'esvurcia de l'Antigo Rechimen y d'os "crimens imachinarios" entimatos por o ponent Louis-Michel Lepeletier de Saint-Fargeau. Se porga por tanto de crimens chuzgatos por as pasatas oficialidatz como lo sacrilechio, o reniego, a sodomía, a bestialidat, o suicidio y l'incesto". -Anne-Marie Sohn, Compte-rendu de Fabienne Giuliani, Les liaisons interdites. Histoire de l’inceste au XIXe siècle

O ponent d'a lei, Louis-Michel Lepeletier de Saint-Fargeau, afirmó en efecto que o Codigo Penal no ha meso difuera d'a lei soque os "verdaders crimens" y no pas os "delictos falsos, creatos por a superstición, o feudalismo, a fiscalidat y o despotismo". L'absencia de mención d'a sodomía, considerata dica allora como un crimen, u de tot atro termin que designe as relacions homosexuals funda asinas a despenalización d'a homosexualidat en Francia.

Sieglo XIX

Lord Alfred Douglas, «Bosie» d'embotada, y Oscar Wilde.

Ista despenalización en o Codigo Penal de 1791 influyó directament u indirectament (por o suyo succesor, o Codigo Penal de 1810) a numerosos países vecins, notablement a os Países Baixos, Belchica, Espanya y Italia, y numerosos estatos alemans antes d'a unificación de 1871. A Bavera independent, dende 1813 chus a influencia d'o Codigo Penal francés, heba adoptato lo modelo churidico francés de no criminalización d'a homosexualidat en l'ambito privato. O Gran Ducau de Baden y Wurtemberg lo fizon aprés 1815, o Reino de Hannover y o Ducau de Brunswick aprés 1820, entre que os países alemans d'o Norte yeran represivos (o Prusia, o Reino de Saxonia y as ciudaz estatos d'Hamburgo y Bremen) y criminalizoron os actos homosexuals entre hombres, mesmo por actos en l'ambito privato. L'estatuto de l'Imperio Austriaco yera unico en Europa central, pus penalizaba os actos homosexuals en l'ambito privato, no solo entre hombres, sino también entre mullers.

A decada de 1860 ye marcata por as numerosas trobatas de churistas alemans qui paran o proceso d'unificación alemana harmonizando os regles d'o dreito d'os diferents estatos en o sino d'un nuevo codigo penal unico. Churistas (qui fan éls mesmos clamatas a os medicos), como Karl Heinrich Ulrichs, u escritors, como l'hongaro Karl-Maria Kertbeny (qui inventó en ista enchaquia as palabras alemanas homosexuell y Homosexualität), prebaban d'oposar-se a l'extensión d'os regles represivos de Prusia contra os homosexuals masculins. Pero, durando a unificación alemana, en 1871, o gubierno d'o canciller Otto von Bismarck trigó de tornar a prener una viella lei prusiana que databa de 1794., que condemnaba os "actos sexuals contra natura" (widernatürliche Unzucht), ye dicir, en a churisprudencia, o coito anal practicato entre dos hombres y imposó a suya extensión a tot Imperio chus a forma de paragrafo 175 d'o nuevo Codigo Penal alemán.

En Anglaterra, a pena de muerte por ista razón no s'aplicó mas a partir de 1836. Manimenos, en 1861, una lei condemna la sodomia d'una pena de diez anyadas de garchola, commutata en 1885 a dos anyadas de treballos aforzatos: o celebre escritor Oscar Wilde bi fue condemnato en 1895.

Durando lo sieglo XIX, os temas homosexuals van a floreixer progresivament en a literatura romantica y sobre tot postromantica, estando lo personache homosexual mas celebre Vautrin sinse dandaleo, personache clau de numerosas novelas d'o ciclo de La Comédie humaine de Balzac. En a segunda metat d'o sieglo, cada vegada mas escritors (sigan dandis u no) no amagoron as suyas preferencias sexuals, como Oscar Wilde u Paul Verlaine, conoixito por o suyo romanz negro con o choven Arthur Rimbaud, qui será citato como circumstancia agravant durando lo proceso en Belchica en 1873 por tentativa d'asasinato contra lo suyo choven amant.

As relacions entre hombres en o sieglo XIX se relacionan con un imachinario exotico, notablement oriental. Ye asinas que Gustave Flaubert en fa mención en Salammbô: "Yera formato por estranios amors -unions obscenas tan serias como los matrimonios, a on o mas cerenyo esfendeba a lo mas choven... y o mesache devenito mercenario bosaba ista dedicación a traviés de mil cudiatos delicatos y de complacencias d'esposa..." Flaubert aproveitó igualment d'a suya estacha en Orient Meyo entre 1849 y 1850 ta experimentar istos placers exoticos, como él li recenta en a suya correspondencia con l'amigo d'él Louis Bouilhet:

Aquí ye bien levato. S'admite a suya sodomía, se'n charra en a mesa de l'anfitrión. Ye en os banyos a on se practica. Se mantién o banyo ta él mesmo (5 F. incluyitos os esfregadors y a pipa) y fica lo suyo mesache en una d'as cambras. Toz os mesaches d'os banyos son bardaches, son ordinariament mesaches prou chentils...[...] Tu me preguntas si he prebato o que se fa en os banyos. Sí, con un choven cerenyo marcato por a picueta qui heba un enorme turbant que me ha feito arreguir-me. Yo lo tornarba a fer."

Si as relacions homosexuals masculinas son estatas favoritas perén por os ambients espullatos de mullers (como as garcholas), as colonias pioneras en constituoron a sobén un terreno particularment fertil. Por eixemplo, en 1879, un articlo d'o periodico Le Temps indica que a homosexualidat allora yera a-saber-lo esparrita en Nueva Caledonya.

"Con un poquet de treballo y de actitut, os deportatos de buena voluntat s'hesen puesto procurar en Nueva Caledonya bel bienestar, bi devenir por a suya parti propietarios de tierras y de mullers. Pero haberban puesto crear-bi una familia? Nusatros no gosamos afirmar-lo, pus as mullers i mancan. O que se sape bien en o Ministerio d'a Marina; o desembolique de Nueva Caledonya, a moral sobre tot, muito mas que nos ye posible de indicar-bi, exichen que se menen en masa sobre Numea tot o personal feminín d'as nuestras garcholas. L'ixufre y lo fuego que estricalloron Sodoma y Gomorra tasament adubirban ta purificar a Nueva Caledonya d'as suyas macaduras. Os hombres chustos, qui, enantamos a dicir, se troban en Numea en un numero mas gran que en as dos ciudaz maldatas, no nos desdirán pas".

Ye o cabo d'o sieglo XIX que veyió l'aparición d'o termin "homosexual" (surtito de l'alemán), como a problematización d'a idea de "sexualidat". Encara que os discursos s'aplican dica allora nomás que a las practicas (notablement a la sodomía), una nueva mena de discurso va a fer naixer a imachen de l'"homosexual", a on o concepto d'orientación sexual (fruito d'o vivito por l'individuo u d'a suya chenetica seguntes os autors) pren una dimensión existencial y psicolochica, dica sobredeterminar tota la personalidat de l'individuo y ye cheneralment considerata como exclusiva (estando a bisexualidat poco considerata). Iste analís ye desembolicato notablement por Michel Foucault en a suya Histoire de la sexualité (1976-84):

"L'homosexual d'o sieglo XIX ye devenito un personache: un pasato, una historia y una infancia, un caracter, una traza de vida; una morfolochía tamién, con una anatomía indiscreta y talment una fisiolochía misteriosa. Cosa d'o que ye en total no se'n eslampa a la suya sexualidat. Por totas partis en él, ella ye present [...] Ella li ye consubstancial, menos como un pecato d'habito que como una naturaleza singular. No cal ixuplidar que a categoría psicolochica, psiquiatrica, medica d'a homosexualidat se ye constituita dende o día cuan se ye caracterizata [...] menos por una mena de relacions sexuals que por bella cualidat d'a sensibilidat sexual, bella traza d'intervenir en él mesmo lo masculín y lo feminín. A homosexualidat ye apareixita como una d'as figuras d'a sexualidat entre que ella ye rebaixata d'a practica d'a sodomía sobre una mena d'androchinia interior, un hermafroditismo de l'alma. O sodomita ye un relapso, l'homosexual ye ya una especie."

Sieglo XX

A primera parti d'o sieg XX sigue a tendencia d'o precedent enta una acceptación socila cada vegada mas gran d'a homosexualidat, que se troba progresivament teorizato en iste periodo. Ista delera remane manimenos considerato como un trestuque mental, atribuito siga a una malautía nerviosa (por a psiquiatría) siga a la historia individual, por o psicoanalís naixent chus a pluma de Sigmund Freud.

Louis-Ferdinand Céline declaró sobre o tema d'a homosexualidat en 1960 "Se sape que bi ha un 20% de pederastas en una población. Bi ha vente por cient de machistratos qui son pederastas, vente por cient de policías, vente por cient de botiguers qui son pederastas posibles... Diremos "posibles"... Allora, antis de Proust, pederasta, yera ya distinguir-se de traza rariza, no ye pas... No yera pas bien visto... Pero allora Proust, por o suyo estilo, o suyo chenio literario dezaga, ha feito as cosas posibles ta que as mais haigan puesto estraficar a pederastia en a suya familia, en suma, no ya pas... Se diz: "yo soi pederasta, como Proust, yo... Como Monsieur Gide..." Han feito a-saber-lo por a pederastia restituyindo-la... en oficializando-la, en suma."

Sindembargo, en o periodo d'entreguerras, a homosexualidat ye vista como una amalvezadura en a burguesía conservadera y, encara que no se castigue por a lei, ha puesto constituyir un obstaclo important ta las carreras profesionals en cualques ambitos: ye por eixemplo como esplanicamos o ninvío d'os mariscal Hubert Lyautey a Marruecos.

Alemanya Nazi

Grafico de condemna por homosexualidat en Alemanya seguntes l'articlo 175. Cal parar cuenta d'a tuca entre 1933 y 1945.

O trianglo rosa, sinyal d'os prisioners homosexuals en os campos de concentración.

En un livel ideolochico, a ideolochía nazi dende o principio mantuvo relacions ambiguas con a homosexualidat. En os primers intes d'o Partiu Nacionalsocialista d'os Treballadors Alemans (NSDAP), o culto a la virilidat, a la polideza plastica de l'hombre nuevo heba un toque de machismo y d'homoerostismo, o que a vegadas ha feito dicir a cualques analistas como Scott Lively (autor d'o libro controvertito The Pink Swastika) que lo NSDAP en primeras estarba estato ni mas ni menos que una "organización homosexual". Ista tesi maguer se ye cuestionata por os historiadors especializatos y o libro se ye cualificato de "frau". As SA, a eixemplo d'o suyo dirichent Ernst Röhm, ubiertament homosexual, como a-saber-los dirichents carismaticos como Hans Blüher, yeran asanz favorables a una homosexualidat a l'antiga, vista como una critica pagana d'a moral burguesa. Sindembargo, chus a empenta d'oficials aristocratas y reaccionarios qui iban a constituyir as SS, as SA u Seccions d'Enrestida fuoron acotolatas con a Nueit d'os cutiellos largos (que Röhm bi fue asasinato) e, a l'anyada siguient, en 1935, o rechimen encaró a lechislación contra os homosexuals (modificación d'o § 175 d'o Codigo penal alemán) y a homosexualidat ye ridiculizata por numerosas grans figuras nazis como Heinrich Himmler. Manimenos cal remerar que, en ixa epoca, a condemnación penal d'a homosexualidat, asinas como a suya clasificación entre as malautías mentals, se consideraban como bellacosa evident en numerosos países. A penalización d'a homosexualidat, en ella mesma, no yera pas por tanto especifica ta l'Alemanya Nazi. A lo costato italiano, sembla que o fascismo mussoliniano yera estato globalment mas hostil a la homosexualidat dende o principio, a penar d'a presencia tamién allí d'una exaltación d'o cuerpo de l'hombre choven sobre un ideal parcialment surtito de l'Antigüedat.

En tiempo d'o Reich, un gran numero d'homosexuals (entre 5 000 et 10 000) fuoron deportatos enta campos de concentración, que alredor d'o 53% en fuoron asasinatos. Os prisioners masculins deportatos por homosexualidat yeran sinyalatos con un trianglo rosa, d'una grandaria superior a os atros trianglos clasificatorios, o que heba a sobén por efecto, antimás d'as condicions de vida muito duras en os campos, de librar-los a la hostilidat d'atros deportatos. Ye por isto que o trianglo rosa ye huei emplegato como un simbolo d'identidat gai, remero d'a crueleza d'as persecucions pasatas.

Encara que o Paragrafo 175 d'o codigo penal alemán no lis pertocaba, bellas mullers homosexuals fuoron igualment engalzatas. Sinse motivo oficial, istos casos remanioron mal conoixitos y os eixemplos rechistratos son a-saber-los raros: no se conoixe pas denguna ta qui o lesbianismo estase explicitament invocato como unico motivo de deportación. Os casos de deportación fuoron mas bien motivatos por una clasificación en cualidat que "asocials" que en cualidat que delincuents sexuals definitas. A clasificación en os campos de concentración no comportaba de feito pas garra trianglo de color especifica ta estigmatizar nomás que a las lesbianas: en efecto, yeran sinyalatas por un trianglo negro, sinyal d'a suya pertenencia ta un grupo de personas "socialment inadaptatas". Entre as personas, se trobaban esqueferatos de larga duración, dondiadors, marguinals, alcoholicos, toxicomanos y bels malaudos mentals, pero tamién prostitutas u encara mullers que feban servir-ne d'anticonceptivos.

Garra prochecto especifico d'acotoladura contimparable a la Solución Final no se ye elaborato ta fer disparixer a os homosexuals como se fizo con os chodigos, chitans y atras etnias consideratas como inferiors. Manimenos, cualques oradors nazis la prendeban contra éls, en termins muito poco equivocos en o tocant a la necesidat d'a suya acotoladura, o que no podeba estar pas sinse efecto sobre o suyo tractamiento que se lis reservó en os campos de concentración, con o solo motivo de que yeran homosexuals. Fuoron asinas victimas de tractamientos chuzgatos particularment cruels.

Molimento situato en Amsterdam en homenache ta las personas LGBT itatas de tierra.

Pasoron a-saber-las decadas aprés a fin d'a Segunda Guerra Mundial antis de que as accions d'o rechimen hitleriano sobre os homosexuals estasen obchecto de cualque intrés y nomás que bellas commemoracions oficials han habito puesto dende allora, entre que l'Homomonument en Amsterdam y un prochecto de molimento en Berlín.

Garra estudio historico de fundo no ye estato publicato dica huei sobre o numero d'homosexuals tanto itatos de tierra como asasinatos entre 1933 y 1945. Os treballos sobre la base d'as condemnacions "legals" en suchieren bellas 10 000 victimas:

"Menos de diez pervivients homosexuals qui n'haigan dato preba se conoixen dica huei. Franck Rector dio una panoramica cheneral d'estatisticas. Estimando de 10 000 a un millón de victimas, trigó manimenos o numero de 500 000. Ta él, si as estimacions de Himmler sobre o numero total d'homosexuals masculins en Alemanya yera de dos millons, procede a un calculo seguntes una simpla estatistica. O 25% d'os homosexuals d'Alemanya, Holanda y Francia ye por tanto, seguntes él, una estatistica valida. Heinz Heger, a meyatos d'as anyadas 70 d'o pasato sieglo, estimaba o numero de victimas en 50 000. Os suyos datos se basan en una estimación d'as condemnacions legals. No se para por tanto cuenta d'as victimas sinse proceso. Unatra estimación vien d'a Ilesia d'a Confesión d'Augsburgo d'Austria. Ista estimación ye de 220 000. Sindembargo, os metodos de calculo d'ista estimación se son a-saber-lo criticatos por atros historiadors. Richard Plant, seguntes él mesmo, estima que, dende 1933 a 1944, «entre 50 000 a 63 000, que 4 000 en yeran menors y 6 lesbianas,»(!) morioron por os maltractos d'os campos nazis. A la fin, as obras chenerals sobre os engalzamientos nazis —mientres discuten d'o tractamiento d'os homosexuals— estiman en a suya mayoría o numero de victimas homosexuals en 10.000. Iste numero se basa en una replega d'as condemnacions oficials d'o rechimen nazi chus o paragrafo 175."

En Francia, a situación fuo dispar. En os territorios annexos (Alsacia y Mosela) integratos en o Reich y por tanto chusmesos a l'articlo 175 d'o Codigo Penal alemán, os homosexuals fuoron itos d'a tierra enta Alemanya. Pero tamién, en a zona ocupata, como en la Francia de Vichèi, os homosexuals fuoron alticamatos, pero homosexuals celebres, como Jean Cocteau, pudon continar con as suyas vidas mundanas en París; de feito, iste zaguero publicó a suya relación con Jean Marais, o que fizo blincar l'incident con o periodista Alain Laubreaux. O cabaret de Suzy Solidor, que a suya homosexualidat yera de notoriedat publica, yera frecuentato por soldatos alemans. Cualcuns colabororon con l'ocupant, como Abel Bonnard, Ministro d'Educación Nacional d'o gubierno de Pierre Laval, a qui li encasquetoron a embotada de "Gestapette"; Jacques Benoist-Méchin, tamién miembro d'o gubierno de Vichèi; Roger Peyrefitte; u Bernard Faÿ. Marcel Bucard, dirichent d'un partiu ultracolaboracionista, se sospeita d'estar-lo estato. Manimenos, en 1942, o rechimen de Vichèi introdució en o Codigo Penal una discriminación, crebando a tradición francesa d'igualdat entre homosexuals y heterosexuals: o paragrafo 1 de l'articlo 334 d'o Codigo Penal se modificó ta fer delicto l'acto d´haber-ne de relacions homosexuals con un menor (menos de 21 anyos), en cuenta d'os 13 anyos ta los heterosexuals. As ordenanzas d'o gubierno provisional d'a Republica Francesa en 1945, en puyar a edat de consentimiento a os 15 anyos nomás que en as relacions heterosexuals, confirman ista disposición, en esplazar solo en un nuevo paragrafo 3 de l'articlo 331 y remanioron dica 1982, cuan a lei Raymond Forni d'o 4 d'agosto de 1982., presentata por Gisèle Halimi y repuntata por Robert Badinter, circumdució ista discriminación.

Os engalzamientos nazis en o tocant a os homosexuals se desembolicoron en un contexto d'encaramiento cheneral de rechimens totalitarios y autoritarios sobre os "esbarres morals". Asinas, en 1934, Josef Stalin fizo adoptar-ne de disposicions penals que preveyeban l'engarcholamiento y a itada de tierra d'os homosexuals. Seguntes datos incompletos, de l'orden de 300 000 a 400 000 personas fuoron condemnatas por istas disposicions (que no estarban circumducitas nomás que a la fin d'os anyos 80 d'o sieglo pasato).

Evolución d'as mentalidaz dende 1945

Visión d'o psicoanalís y d'a psiquiatría

A concepción psicoanalitica irba en contra d'as teorías psiquiatricas d'a epoca. Seguntes o psicoanalista Sigmund Freud, que a suyas teorías datan entre os anyos de 1900 y 1930, a homosexualidat ye una "variación d'a función sexual": ye una malbadura (en o sentito psicolochico d'o termín y no moral) d'o modelo de maduración psiquica que ye o complexo d'Edipo. Ta él, sindembargo, no cal haber-ne de vergüenya y un homosexual goyoso no en amenista pas de "tractamiento", nomás que un homosexual "infeliz" en puet amenistar d'o psicoanalís, ta analisar a permenadura que pueda sentir en cheneral, d'a mesma traza que se ferba con un heterosexual. En una carta de 1919 escrita ta la mai d'una choven pacient, Freud esplanica: "a homosexualidat no ye pas ventacha pero tampoc no ye bella cosa que se'n deba haber vergüenya, no ye pas una amalvezadura ni una degradación y tampoc no se puet clasificar-la entre as malautías". En 1920, Freud escribió antimás un articlo, Sobre a psicochenesi d'un caso d'homosexualidat feminina: d'alcuerdo con Ines Rieder, iste analís de Sidonie Csillag estarba l'unico caso estudiato por Freud sobre o tema d'a homosexualidat feminina. Seguntes Jean Allouch, Jacques Lacan s'inspirarba en iste analís de Sidonie Csillag por Freud en o respeutive a o paso a l'acto.

En 1973, por razons politicas y dezaga d'importants premiduras de roldes homofilos, l'Asociación Estausunidense de Psiquiatría (en anglés American Psychiatric Association u APA) proposó de substituyir o diagnostico d'homosexualidat por o d'"estremolecida d'a orientación sexual" en o manual de clasificación de malautías mentals, Manual Diagnostico y Estatistico de Transtornos Mentals (en anglés Diagnostic and Statistical Manual of Mental Disorders u DSM). En a presa de posición inicial d'o suyo Consello d'Administración, l'Asociación precisa:

Considerando que a homosexualidat per se no embreca garra discapacidat en chudicio, estabilidat, confitanza u capacidaz socials u vocacionals chenerals, por tanto se resuelve que l'Asociación Estausunidense de Psiquiatría esperneix tota discriminación publica y privata contra os homosexuals en arias como l'emplego, a vivienda, l'aloix publico y autorizacions; y declara que garra mayor plepa de preba no se posa sobre os homosexuals que a imposata sobre cualsiquier atra persona. —Asociación Estausunidense de Psiquiatría, Position Statement on Homosexuality and Civil Right, p. 497

S'hubo un referendum sobre ista cuestión con psiquiatras miembros que levó dica o 58%. O mesmo cambio acayeció muito mas tardi en a Clasificación Internacional de Malautías, a clasificación d'a Organización Mundial d'a Salut, a on a homosexualidat no se retiró pas que en a suya versión CIM-10, adoptata o 17 de mayo de 1990. China fizo lo mesmo o 20 d'abril de 2001.

A situación ye huei menos polemica que en a epoca. Garra organización psiquiatrica u psicolochica important d'Occident no considera pas la homosexualidat como una malautía ni como subchecta a intervención como tal. A o contrario, tota prebatina de cambio d'orientación sexual ye huei a sobén entimata cerenyament como perigloso, innecesario u ineficaz. Seguntes Jacques Balthazart, qui s'empara principalment en Biologie de l'homosexualité sobre os estudios que levan sobre a homosexualidat animal y masculina, ista u bien ye innata, u bien apareix muito luego en a vida y ye immutable (encara que a repleca d'a suya orientación sexual pueda evolucionar a lo largo d'a vida), pero dengún factor biolochico no abonda pas encara por él mesmo ta dar una esplanicadura y o debat entre factors psicosocials obtenitos y factors biolochicos innatos no ye pas estraliato. Olivier Lemeire y Andreas De Block, «Philosophy and the Biology of Male Homosexuality» (en anglés), Philosophy Compass, Wiley, vol. 10, nº 7,‎ juillet 2015, p. 479-488 (ISSN 1747-9991, DOI 10.1111/phc3.12233).

Punto de vista d'a Ilesia Catolica Romana

Con l'aggiornamento deseyato por o papa Chuan XXIII, a Ilesia Latina reformuló o suyo machisterio a la luz d'a constitución Lumen Gentium.

O primer documento d'a Congregación ta la Doctrina d'a Fe (en latín Congregatio pro Doctrina Fidei) datato en 1975 traza una muga platera entre o que se diz "tendencias homosexuals" y "practicas homosexuals activas". As tendencias se reconoixen como un elemento intrinseco d'a persona y independient d'a suya voluntat. Seguntes isto no pueden estar condemnatos. En a mesura que o ministerio presbiteral u episcopal clama ta una abstención sexual absoluta, no bi'n ha pas de privación ta ordenar a una persona homosexual.

Un segundo documento de 1986 ye publicato por a Congregación ta la Doctrina d'a Fe chus traza de carta ta os bispes catolicos y firmato por o suyo prefecto, allora o cardenal Ratzinger, con mención d'aprebación explicita d'o papa Chuan-Pavlo II.

Iste texto ye platerament un retacule en relación a lo de 1975, puesque diz: "a delera particular d'a persona homosexual constituye una tendencia, alto u baixo, cerenya, enta un comportamiento intrinsecament malo dende o punto de vista moral". S'admite por tanto que a tendencia homosexual ye independient d'a tama d'a persona. A fin d'o documento en da d'instruccions asanz precisas en o tocant a lo niego de dentrada en locals que pertocan a la Ilesia ta os roldes de requesta de dreitos ta los homosexuals.

Sida

Des célébrités populaires comme Freddie Mercury (leader du groupe Queen) ont contribué à une meilleure acceptation sociale de l'homosexualité. Celui-ci a également, bien malgré lui, participé à la prise de conscience autour du SIDA.

A lo cabo d'os anyos 70 d'o sieglo pasato, medicos de Nueva York y de San Francisco paran cuenta de que los suyos pacients homosexuals en permenan d'astenia, de perduga de peso y a vegadas mesmo de trazas raras y atipicas de mal d'alcance (como lo sarcoma de Kaposi). A existencia d'un problema sanitario se comprebó en chulio de 1981 entre que os Centros ta lo Control y a Prevención de Malautías (en anglés Centers for Disease Control and Prevention u CDC) d'Atlanta troban una frecuencia anormalment alta de sarcomas de Kaposi y l'aparición d'un nuevo virus como causa d'o que se conoixerá como sindrome d'immunodeficiencia adquiesta u sida s'ementa dende 1982.

Una vez identificato lo virus d'immunodeficiencia humana (VIH) responsable d'o sida en 1983 y as manieras d'acomananza escubillatas, s'organizoron campanyas de sensibilización y d'información. Pero en primeras de l'astro, o sida remanió asociato en os esmos a la homosexualidat debito a o gran numero de personas afectatas en l'ambient libertín gai. A-saber-las celebridaz gai s'enconoron en os anyos 80 d'o sieglo pasato y se'n amortoron rapedament, como Patrick Cowley (1982), Klaus Nomi (1983), Michel Foucault (1984), Rock Hudson (1985), Keith Haring (1990) u encara Freddie Mercury (1991). Ye asinas que a prensa escomencipió a designar o sindrome con a esprisión "cancer gai", antis de tornar a encetar ista reducción abusiva debant de personalidaz seropositivas no gays cada vegada mas numerosas (Miles Davis, Isaac Asimov, Anthony Perkins…).

Aprés un periodo de latencia y d'incredulidat (sobretot en Francia), a partir d'o cabo d'os anyos 1980 a presa de consciencia cheneral ye estata a-saber-lo aduyata por a comunidat homosexual, pus numerosos movimientos, tanto os d'Act Up-Paris u David et Jonathan como estrelas internacionals como Freddie Mercury h'han aforzato a visibilidat, enzurizando a os dirichents politicos a realizar rechiras cientificas masivas.

Dreito evolutivo

Despenalización progresiva

En 1791 o Codigo Penal francés no feba garra mención d'as antigas leis pertocants a la sodomía u de tot atro termín que designe as relacions homosexuals. Ista despenalización d'o Codigo Penal de 1791 influyó directament u indirecta (por o suyo succesor, o Codigo Penal de 1810) en a-saber-los países vecins, sobretot en os Países Baixos, Belchica, Espanya y Italia, y en numerosos Estatos alemans antis d'a unificación de 1871.

A sodomía se descriminaliza en 1962 en Illinois, en 1967 en o Reino Uniu y en 1969 en Alemanya Occidental.

O Bill omnibus d'o ministro de Chusticia de Canadá, Pierre Eliott Trudeau, descriminalizó a sodomía entre adultos con consentimiento. "L'Estato no debe ficar-se pas en a cambra d'a Nación" heba declarato lo ministro qui se convertirba cualques meses mas tardi en Primer ministro de Canadá. En 1977, s'emendó a Carta d'os Dreitos y Libertaz d'a persona de Quebec. A partir d'allora, ye viedato de fer discriminación por orientación sexual. Se tracta d'a primera lei d'o mundo que vieda ista mena de discriminación en os sectors publico y privato (a parti de cualques ciudaz y condatos d'os Estaus Unius). En 1995, Canadá fizo anticonstitucional a discriminación contra os homosexuals.

A Organización Mundial d'a Salut suprimió en 1990 a homosexualidat d'a lista de malautías mentals.

A Revolución rusa de 1917 despenalizó a homosexualidat, encara que Josef Stalin la viedó de nuevo ta estar oficialment despenalizata durando l'anyo 1993 en Rusia. En 1994, o paragrafo 175 ye abolito en Alemanya (se yera abolito en 1968 en a RDA). En 2003, a Cort Suprema d'os Estaus Unius abolió ta cutio as leis en vigor contra as practicas sexuals homosexuals.

Unión civil, matrimonios parcialment legalizatos, matrimonios

L'1 d'octubre de 1989, a lei sobre parellas dentró en vigor en Dinamarca (en 1996 en Groenlandia), que se convirtió asinas en o primer país en a historia que autorizó l'unión civil entre dos personas mayors d'edat d'o mesmo sexo (si l'una ye ciudadana danesa u vive en Dinamarca). Se bi acceptó un ritual relichioso ta parellas d'o mesmo sexo en 1997, pero muito poco oficiato.

O 15 de noviembre de 1999 en Francia, o parlamento votó a lei sobre o pacto civil de solidaridat, traza d'unión civil que atorga bels dreitos y debers ta parellas tanto homosexuals como heterosexuals, mantenendo un esprito d'universalidat.

O 10 de noviembre de 2000, o Bundestag adoptó en Alemanya a lei sobre l'unión civil, dita parella de vida u comunidat de vida declarata (Eingetragenen Lebenspartnerschaft ou LPartG), ubierta ta parellas homosexuals.

En una resolución votata o 5 de chulio de 2001 (dimpués de l'informe Cornillet de 2000), o Parlamento Europeu recomendó a os Estatos miembros d'a Unión Europea "a modificación d'a suya lechislación en o sentito d'un reconoiximiento d'as relacions no maritals entre personas d'o mesmo sexo u de sexos diferents y l'atorgadura de dreitos iguals ta istas personas" asinas que "a inscripción ta l'orden d'o día d'a Unión Europea d'a cuestión d'o reconoiximiento mutuo de relacions no maritals reconoixitas legalment".

En un informe adoptato a o cabo de 2002,, o Parlamento recomendó de reconoixer as relacions no maritals, tanto entre personas de sexo diferent como entre personas d'o mesmo sexo, y d'asociar a ista mena de relacions dreitos iguals a os que derivan d'o matrimonio, con tal que s'inscriban "a l'achenda politica o reconoiximiento mutuo d'as relacions no maritals y d'o matrimonio entre personas d'o mesmo sexo".

A la fin, en una resolución de 2003, o Parlamento Europeu reitera la suya demanda "d'abolir tota forma de discriminación" —lechislativas u de facto— que en son encara victimas os homosexuals, sobretot en materia de dreito a o matrimonio y d'adopción de ninos".

En 2001, os Países Baixos reconoixioron o matrimonio homosexual, seguitos, en febrero de 2003, por Belchica; en 2004, por Canadá; en 2005, por Espanya, qui se convirtió en o primer país d'o sud d'Europa en reconoixer-lo; e, o 15 de noviembre de 2006, por Sudafrica.

O 5 de chunio de 2004, o tenient d'alcalde d'os Verdes de Begla (en francés Bègles) Noël Mamère celebró lo primer matrimonio homosexual francés a despeito d'as advertencias d'o ministerio de l'interior. Iste matrimonio s'anuló en clamadura por o tribunal de Bordeus.

En chulio de 2005, hubo puesto lo primer matrimonio homosexual en Espanya dimpués d'a lechislación que otreyaba o matrimonio entre personas d'o mesmo sexo, adoptata o 21 d'abril de 2005. En a mesma calendata, o Parlamento de Canadá modificó a lei sobre o matrimonio y a definición que contién ta reconoixer y permitir as unions entre personas d'o mesmo sexo en modificar a definición, que ye agora "l'unión de dos personas, excluyendo cualsiquier atra".

O 5 d'aviento de 2005, a dentrata en vigor d'a lei sobre l'unión civil ubrió ista ta las parellas homosexuals en o Reino Uniu.

O 19 d'aviento de 2005, a primera unión homosexual se celebró en Irlanda d'o Norte. Ista unión da os mesmos dreitos ta las parellas heterosexuals y homosexuals.

En 2007, dezaga d'una lei adoptata o 18 de chunio de 2004 y acceptata por referendum o 5 de chunio de 2005, dentra en vigor en Suiza a lei federal sobre l'unión rechistrata entre personas d'o mesmo sexo u LPart.

O 15 de mayo de 2008 a Cort Suprema de California legalizó lo matrimonio homosexual en iste Estato, detacando que "a discriminación entre parellas homosexuals y heterosexuals" yera inconstitucional. Manimenos, un referendum concomitant a las eleccions presidencials refusó ista lechislación.

L'1 de mayo de 2009, o matrimonio homosexual dentra en vigor en Suecia. O mesmo anyo, a Ilesia Evanchelica Luterana de Suecia ademprivió celebrar-ne de matrimonios homosexuals. En 2009, o matrimonio se ye ubierto ta parellas d'o mesmo sexo en Noruega. O 17 de mayo de 2010, Portugal ubre a la suya vegada o matrimonio ta las personas homosexuals. En chunio de 2010, Islandia otreyó o matrimonio homosexual. y a primera en aprofeitar-ne fue Jóhanna Sigurðardóttir, a primera ministra. En chulio de 2010, fue o redolín d'Archentina, que modificó lo suyo codigo civil remplazando l'esprisión "un hombre y una muller" por "dos achustants".

En 2012, Dinamarca ubre o matrimonio ta totas as parellas adintro d'a Ilesia de l'Estato.

O 6 de noviembre de 2012, en os Estaus Unius, l'Estato de Washington, Maine y Maryland han otreyato lo matrimonio gai durando los referendums organizatos paralelament a las eleccions presindencials estausunidenses; o matrimonio homosexual ya yera reconoixito en sies estatos estausunidenses (Connecticut, Iowa, Massachusetts, Nueva Hampshire, Nueva York y o districtp de Columbia d'a capital, Washington).

O 17 de mayo de 2013, Francia ubrió o matrimonio civil ta las parellas d'o mesmo sexo.

Pinyora por a lei d'homofobia

Dende 1997, a Comunidat Europea ha lo poder de luitar contra las discriminacions por orientación sexual, gracias a l'articlo 13 d'o Tractau d'Amsterdam A viedadura d'a discriminación debita a la orientación sexual ye estata incluita en l'anyo 2000 en a Carta d'os Dreitos fundamentals d'a Unión Europea. Por una directiva marco, a viedadura d'a discriminación ye vichent en l'emplego y a formación dende 2000; a igualdat de tracto ye un dreito fundamental d'a UE. Una directiva d'o Consello y 2008 apunta a enchegar una igualdat de tracto entre personas, mas dillá d'a demba laboral.

En 2001, as discriminacions homofobas se penalizoron en Francia.

Dende 2003, o Codigo Penal francés agrava la pena d'os crimens homofobos. As menazas u violencias se castigan mas cerenyament si se son comesas por razón d'orientación sexual verdadera u suposata d'a persona. O Codigo Penal francés agrava tamién os castigos por actos de violencia (articlo 222-8), de tortura (articlo 222-3) u de violación (articlo 222-24) si se son comesos por razón d'orientación sexual (vente anyos d'engarcholamiento). L'asasinato homofobo se castiga con cadena perpetua (article 221-4).

A orientación sexual s'incluye en Franciaa entre os motivos de discriminación viedatos en o dreito laboral y tota discriminación caracterizata a ran economico (furnidura d'un bien u servicio, exercicio d'una actividat) y profesional ye pinyorable en virtut de l'articlo 225 d'o Codigo Penal francés.

O 30 d'aviento de 2004 l'Alta Autoridat de Luita contra las Discriminacions y por a Igualdat (en francés Haute Autorité de lutte contre les discriminations et pour l'égalité, con l'acronimo Halde) se creó en Francia ta luitar contra las discriminacions, entre que se troba la orientación sexual, detectando-las, aduyando a combatir-las y fendo evolucionar o dreito. A Halde prener ta levar-los ta chudicio los actos u as situacions pertocant a la homofobia.

O 17 de mayo de 2005, o primer Día Internacional contra la Homofobia, a Transfobia y a Bifobia hubo puesto en cuaranta países.

En chunio de 2008, Xavier Darcos s'embrecó en a luita contra la homofobia en os liceus franceses gracias a las campanyas de prevención. Os enfermers y enfermeras escolars d'o colechio estarán, en o tocant a éls mesmos, formatos ta ascuitar a chóvens gais y lesbianas.

En Espanya

Marcha celebrando lo día de l'Argüello LGBT y a legalización d'o matrimonio homosexual.

A homosexualidat en Espanya, y en cheneral o colectivo LGBT, no ha habito un tractamiento uniforme y se ye adaptato en cada epocas ta las ideas y condicions reinants. Dende a sexualidat romana, que bi teneba mas importancia l'acto sexual y as relacions de poder, dica la concepción muderna de l'homosexual como una traza de sexualidat y mesmo como una traza d'estar propia, bi'n ha habito a-saber-los de cambeos y evolucions. A principal ye estata la influencia d'a ideolochía cristiana que caracterizó a sexualidat como un acto enfilato enta la procreación, por o que cualsiquier actividat sexual que no heba como obchectivo facilitar-la se chuzgaba pecaminosa y contraria a la lei de Dios. Ista evolución plegó a o punto de que s'identificaba la dita sodomía con a traidoría a lo Estato y se castigaba con a muerte en a foguera.

O punto d'inflexión d'ista tendencia lo representa la Ilustración, a on as libertaz individuals escomencipian a haber-ne de ficancia, redorando en 1822 a sodomía d'o Codigo Penal d'Espanya. A evolución enta l'acceptación d'a homosexualidat, difícil y panda, se vido estroncata por a Guerra Civil Espanyola y a dictadura franquista, que introdució una fura represión d'os denominatos violetas. Aprés a dictadura, a evolución enta l'acceptación ha continato.

En 2005, Espanya se fizo en o tercer país d'o mundo dezaga d'os Países Baixos y Belchica en aprebar o matrimonio entre personas d'o mesmo sexo y ha una d'as lechislacions mas progresistas en o tocant a os temas que afectan a la comunidat LGBT, como l'adopción. Antimás, a cultura LGBT espanyola ha trespasato mugas con peliculas de directors como Pedro Almodóvar y fetas como Europride 2007 celebrato en Madrit. Huei en día Espanya ye o país a on as personas LGBT espleitan d'una mayor acceptación en o mundo, dica un 89% d'a población reconoixe y esfiende os dreitos d'o colectivo LGTB. A visibilidat d'o colectivo LGTB ye arribata entro a partis d'a sociedat que anteriorment se trobaban privatas: l'exercito, a Guardia Civil, a churicatura, o sacerdocio, encara que en atros sectors, como lo futbol, agún no se ye producida.

En China

Luengament tolerato en China durando a epoca clasica, a homosexualidat fue cerenyament reprimita y criminalizata a partir d'a Republica Popular de China (1949) y fue o motivo d'engalzamiento durando a Revolución Cultural. A cuestión d'a homosexualidat tornó a surtir en a opinión publica y a prensa china a partir d'as anyadas de 1980 y a tolerancia augmentó a lo largo d'os anyos. En 1997, a homosexualidat se despenalizó y a sodomía de descriminalizó. En 2001, a homosexualidat se sacó d'a lista de malautías mentals y a la fin se fizo en un subchecto d'estudio en as universidaz.

En Francia

Antis d'a Revolución, as gens de la manchette (embotada que allora en Francia lis meteban a os homosexuals y que significa literalment "chents d'as esposas" u "chents d'os grillez") se castigaban a ormino con a muerte. En 1750, s'exeguioron en a Place de Grève Jean Diot y Bruno Lenoir.

Dende a Revolución francesa (por a lei d'o 25 de setiembre y 6 d'octubre, que adoptó lo Codigo Penal, que un feito relevant en ye o no ementar a sodomía, considerata dica allora como un crimen, u unatro termino que designe a las relacions homosexuals) as relacions homosexuals en privato consentitas entre adultos no son mas engalzatas por a lei en Francia.

A tamas d'ista despenalización d'as relacions homosexuals privatas consentitas entre adultos, incuestionata por a lei dende 1791, una policía administrativa fuerte s'enchegó dende antis d'a Revolución y s'intesificó chus a Monarquía de Chulio y o Segundo Imperio arredols de collas d'homosexuals, pricipalment parisinos. Se tractaba d'un censo escrito, chus a traza de fichas, d'homosexuals identificatos, de prostitutos homosexuals y de travestis, tot replegatos en os rechistros de pederastas. L'obchectivo d'iste rechistro sistematico yera esencialment prevenir os chantaches y os escatapurcios publicos controlando a prostitución. O rechistro d'homosexuals por a policía no estió mas practicato dende 1981.

O Rechimen de Vichèi, por a lei d'o 6 d'agosto de 1942, que modificó lo paragrafo 1 de l'articlo 334 d'o Codigo Penal, establió una distinción discriminatoria en a edat de consentimiento sexual entre relacions homosexuals y heterosexuals:

"Se castigará con engarcholamiento de sies meses a tres anyos y una pinyora de 2000 francos a 6000 francos cualsiquier qui ya por satisfer as pasions d'otri, esfugato, favoreixito u facilitato habitualment o desenfreno u a corrupción d'a chovenalla d'uno u de l'atro sexo por debaixo d'os ventiún anyos, ya por satisfer as propias pasions, comeso uno u a-saber-los actos impudicos u contra natura con un menor d'o suyo sexo con edat menor de ventiún anyos."

Ista lei creó una distinción explicita, se puet mesmo dicir una discriminación, entre relacions homosexuals y heterosexuals en o tocant a la edat a partir de que un menor civil puet mantener una relación sexual con un adulto, sinse que iste adulto cometa una infracción penalment reprimita (21 anyos ta las relacions homosexuals y 13 anyos ta las heterosexuals a partir d'os 15 anyos por a ordenanza d'o 2 de chulio de 1949. En a Liberación, ista paragrafo no estió abrogata como estió lo caso ta un gran numero de leis petainistas. Tasament modificata, iste paragrafo ye estato solament desplazato a o paragrafo 3 de l'articlo 331 d'o Codigo Penal francés por ordenanza d'o 8 de febrero de 1945. Ista nueva lei castigaba "...con un engarcholamiento de sies meses a tres anyos y con una pinyora de 60 francos a 15 000 francos cualsiquier qui haiga comeso un acto impudico u contra natura con un individuo d'o suyo mesmo sexo menor de ventiún anyos".

En 1974, a edat de mayoría sexual ta las relacions homosexuals se baixa a os 18 anyos. Con ista modificación, o paragrafo 3 de l'articlo 331 remanió en o Codigo Penal francés dica o 4 d'agosto de 1982, calendata cuan se bi inscribió a lei Raymond Forni, presentata por Gisèle Halimi y repuntata por Robert Badinter, votata o 27 de chulio de 1982.

No bi ha habito que dos leis que faiga mención explicita a la homosexualidat en Francia dende a Revolución. Bi ha habito por tanto l'articlo 331 descrito mas entalto, pero tamién a ordenanza d'o 25 de noviembre de 1960 (que creó lo paragrafo 2 de l'articlo 330 d'o Codigo Penal), presa a radiz de l'enxaute Mirguet, que duplicó a pena minima por l'afronta publica a la pudor cuan se tractaba de relacions homosexuals (ista disposición se suprimió en 1980 por proposición d'o gubierno de Raymond Barre, presentata por Monique Pelletier, secretario d'Estato, prenende de nuevo a proposición de lei nº 261 d'o 8 de febrero de 1978 d'Henri Caillavet). L'articlo 331 ye estato sindembargo muito mas important que l'articlo 330, no nomás por a suya duración (40 anyadas ta l'articlo 331, 20 anyadas ta l'articlo 330), sino también por a suya valgua simbolica (os debaz escritos, os discursos y as manifestacions politicas arredol de l'articlo 331 son estatos toz muito mas numerosos que os d'arredol de l'articlo 330).

O pacto civil de solidaridat (en francés pacte civil de solidarité, con as siglas pacs) instaurato en 1999 reconoixe a dos personas d'o mesmo sexo en cualidat de parella, pero no instaura garra lazo de filiación entre os dos companyers y o fillo d'uno u de l'otri.

A lei d'o 30 d'aviento de 2004 instauró l'Alta Autoridat de Luita contra las discriminacions y ta la igualdat (en francés Haute Autorité de lutte contre les discriminations et pour l'égalité, con as siglas HALDE). "Se penalizarán de traza cuasi identica las cismias ta l'odio u ta la discriminación, a inchuria u a difamación en o tocant a o racismo, a homofobia, o sexismo y a discriminación contra os discapacitatos... As asociacions de mas de cinco anyos d'existencia declarata podrán constituir-se en parti civil a o costato d'as victimas". A lei d'o 30 d'aviento de 2004 se referiba ta las declaracions publicas (en os medios audiovisuals: prensa, libros, televisión); pero as atras, l'agresión verbal en a carrera u en o puesto de treballo, remaniban poco castigatas. Por o decreto d'o 25 de marzo de 2005, istas menas d'agresions no publicas fan parti d'una infracción platerament mas grieu que una simpla inchuri (tamién se refiere ta las declaracions sexistas u contra os discapacitatos).

A elección de François Hollande ta la Presidencia d'a Republica francesa en 2012 ubrió o camino ta lo matrimonio homosexual como se preveyeba en o programa d'él, en haber apercazato lo suyo gubierno a mayoría en l'Asamblea Nacional. Aprés un debat animato en as dos asambleas, a lei "que ubre o matrimonio ta las parellas d'o mesmo sexo" s'adoptó lo 23 d'abril de 2013.

Homosexualidat en o mundo animal

A existencia de comportamientos homosexuals en as especies animals ye estata mencionata por a-saber-los autors antigos: Aristotil los menciona en as perdices; Ateneu en os palomos y perdices; Eliano en as cotornices; Horapolo en as perdices; Plinio o Viello en as cotornices, gallos y perdices; u Plutarco en os gallos. Manimenos, istos relatos estioron refutatos por os autors y textos siguients: por Platón en as Leis; por Ovidio, Pseudofocilides, Plutarco, Luciano, Longo, Chuan Crisostomo, Celio Aurelián, Agatías (en o sieglo VI), Chustinián I u por Vincent de Beauvais, entre otris.

Os cientificos modernos n'han observato de feito de comportamientos homoeroticos ocasionals en bel numero d'especies: abellas, bonobos, vibres, afogacandils, crapas, cans, chimpanzés y bels atros monos, melolontinos, lions, cucos de luz, palomos, porrochos, gallinas, rolletas y vacas.

En 2005, Bruce Bagemihi en catalogó mas de 450 especies en que se son observatas practicas homoeroticas. Ta lo profesor Thierry Lodé, d'a Universidat de Roazhon 1, "totas as conductas sexuals existen en a naturaleza" encara que os comportamientos exclusivos remangan mas bien raros, en privilechiar a evolución perén a reproducción.

Un estudio recient, feito en a Universidat de Lausana en Suiza sobre moscas cheneticament modificatas "meyant a reducción d'as taxas de glutamato en l'exterior d'as neuronas que determinan o comportamiento sexual" ha demostrato que ista manca cheneraba una desinhibición d'as orientacions sexuals y istas yeran reversibles. Sindembargo, seguntes o responsable d'iste estudio, o doctor Yael Grosjean, "a homosexualidat no ye fixata".

Manimenos, numerosos rechiradors piensan que o cualificativo d'"homosexualidat" no se puet aplicar ta o regno animal; car, encara que o comportamiento homoerotico ocasional siga present en cualcuns, a homosexualidat en sentito humano contemporanio d'"atracción sexual exclusivament enfilato enta companyers d'o mesmo sexo en detrimento d'a reproducción sexuata" mai se ye observata ni constituyer en garra caso un acto "conscient".

Asinas, ta Thierry Hoquet, "si a especie humana debe de considerar-se, en a-saber-los aspectos y talment mesmo d'un cabo a l'atro, como una especie biolochica, podemos, con tot y con ixo, preguntar-nos sobre a unidat d'as categorías humanas de "violación", "harem", "monogamia" u "homosexualidat" cuan s'aplican indistinctament ta toz os animals". Ista idea coincide con a de Ruth Bleier , seguntes a cual tal abuso d'o luengache sinyala un "etnocentrismo que n'enchendra de presumpcions no comprebatas, de cuestions de bislai, d'un uso selectivo de modelos animals, d'un antropomorfismo d'os conceptos y d'o luengache (machismo d'os insectos, prostitución en os grans simios u as aus, homosexualidat d'os leremicos de tierra), como de distorsions y de representacions entivocatas en l'uso d'os datos".

Homo sapiens

En estudiar con fondura o cerviello humano, os cientificos n'han descubierto de diferencias en bellas rechions cerebrals entre hombres heterosexuals y homosexuals. En 1990, o medico y neurobiologo neerlandés Dick Swaab y o neuroscientifico Michel A. Hofman ha constatato que, en os hombres homosexuals, o volumen d'o nuclio supraquiasmatico de l'hipotalamo ye cuasi o dople que o de os heterosexuals. En 1995, se son publicatos resultatos d'un experimento a on se inchectaba una substancia capable de bloquiar l'acción d'a testosterona en as ratas, antis y aprés d'o suyo naiximiento. Una vegada adultas, istas ratas heban un nuclio supraquiamastico mas recio y un comportamiento bisexual. En 1991, un pseudoestudio d'o neuroscientifico Simon LeVay heba contrimostrato que o tercer nuclio intersticial de l'hipotalamo anterior (NIHA-3) ye a lo menos dos veces mas recios en os hombres heterosexuals que en as mullers y os hombres homosexuals. Iste estudio se ye realizato sobre una muestra a-saber-lo feble y sinse garra representatividat. Se yera obtenito a partir de cerviellos de cuaranta-un pacients hespitalizatos espritatos. Os subchectos se son clasificatos en tres cricas. A primera crica se composaba de decinueu hombres gais qui yeran espritatos de malautías como a sida. A segunda crica replegaba sece hombres con una orientación sexual desconoixita pero suposatament heterosexual. Asinas, iste estudio se ye invalidato.

Cualques rechiras marcan que, durando lo desembolique, febles taxas d'androchenos circulants poderban feminizar o cerviello de cualques mesaches qui devenirban homosexuals, entre que taxas elevatas d'androchenos poderban masculinizar o cerviello d'as mesachas qui devenirban homosexuals. Istas rechiras tamién se son invalidatas, pus atros estudios, en cambeo, amuestran exactament o contrario con as taxas de testosterona mas elevatas en os homosexuals.

En as anyadas 2000, as rechiras en neurosciencia han amostrato que os sers humanos estimulan as suyas zonas erochenas, pus isto en precura de recompensas y refuerces en os cerviello. Istas recompensas, en particular l'orgasmo, se recullen a o livel d'a consciencia como sensacions de placers eroticos y de goyo. Simplificando, o ser humano en mira d'actividaz sexuals, pus lis ne precura de placers eroticos intensos.

En o ser humano (e cualques atros animals como lo chimpanzé, o bonobo, l'arangután y lo delfín), o comportamiento sexual no ye nomás un comportamiento reproductivo, sino tamién un comportamiento erotico. En o curso d'a evolución, a importancia y influencia d'as hormonas y feromonas sobre o comportamiento sexual han esmenorato. Manimenos, en os mamifers mas simplos, as feromonas son en l'orichen d'a heterosexualidat. Por contra, a importancia d'as recompensas han devenito mayors. En o ser humano, l'obchectivo d'o comportamiento sexual no ye lo coito vachinal sino a busca de placers eroticos, precuratos por a estimulación d'o cuerpo y d'as zonas erochenas, sinse importar guaire o sexo d'o companyero sexual.

Cal estar prudent en o tocant a l'aspecto biolochico: en primeras, data la naturaleza polemica d'iste tema de rechira, en particular en os países anglosaxons, a validez d'istos estudios no ye pas guaranciato; a l'arreo, os experimentos con melguizos deben interpretar-se con tiento, pus ye dificil extrapolar una relación directa a libe chenetico enta o livel comportamental. Manimenos, istos estudios sochieren una influencia a ran d'os chens: si un melguizo ye homosexual, o suyo melguizo monozigotico haberba arredol d'o 52% de posibilidat d'estar-ne tamién y os melguizos dizigoticos haberban una proporción d'o 22% d'estar-ne entramos, mesmo si ye dificil deseparar l'efecto chenetico d'o simplo efecto cultural, en haber estato entramos ninos criatos conchuntament.

A la fin, os experimentos recients que sochieren a existencia d'una orientación sexual biolochica, mesa en practica con homosexuals d'entramos sexos y que lo suyo orichen se deberba a las caracteristicas anatomicas y funcionals de l'aria preoptica meya no permiten pas actualment de saper si istas caracteristicas funcionals son innatas u adquiestas. A-saber-los estudios publicatos entre 1990 y 2010 afillan, con toto y con ixo, a idea d'una orientación sexual determinata definitivament en o estadio prenatal (entre a emprenyadura y o naiximiento) debito a factors hormonals principalment.

Unatra racada esmentata por primera vegada en 1981 y dimpuesas represa en 2004, sinyala que, en cualques casos, a preferencia por a homosexualidat provenirba de circumstancias particulars, por eixemplo d'experiencias muito positivas (recompensas/refuerces) que as personas haberban vivito con companyers d'o mesmo sexo. Iste amanamiento, manimenos, ye estato cuestionato por estudios publicatos entre 2000 y 2010.

Istos estudios presuposan que un individuo homosexual naixe con predisposición enta la homosexualidat, o que puet constituir un postulato determinista y esencialista, entre que se desembolica l'atracción en caso d'individuos bisexuals u que la suya orientación sexual cambia a o luengo d'a vida. Con tot y con ixo, qui s'oposan a os estudios sobre l'orichen biolochico d'a homosexualidat a veces pueden esfender a tesi de l'orichen purament social e, por tanto, d'adquisición d'a homosexualidat y tienden a neglichir notablement os casos d'homosexuals exclusivos qui no pueden pas cambiar d'orientación sexual. Istas motivacions se basan a sobén en teorías psicoanaliticas (freudismo, lacanismo), sinse elementos de preba en o tocant a la tesi de l'adquisición.

Homosexualidat y chenetica

Estudios basatos en familias y en melguizos han socherito que a homosexualidat masculina ha un component chenetico, pero no han puesto mai precisar os chens que en poderban estar embrecatos —os estudios contradictorios han concluito (u no) que o cromosoma Xq28 en poderba tener bellacosa que veyer—, pero ista hipotesi no ye estata enfortita por o gran estudio de 2019 por Andrea Ganna et al. (veyer mas entabaixo).

Cal preguntar-se tamién si bels factors d'influencias cheneticas (chens u combinación de chens) podesen potencialment esplanicar cualques aspectos sexuals d'a personalidat (atracción, identidat, heterosexualidat u bisexualidat u homosexualidat) y si estasen diferents seguntes se siga muller u hombre. Una hipotesi ye que os chens que codifican as hormonas sexuals chugarban un paper important, pero pocas de prebas cheneticas u biolochicas directas se son trobatas.

Posteriorment, os progresos cruzatos d'a chenomica y d'os macrodatos han premeso de tractar-ne de granizos conchuntos de datos provenients de centenas de millars de personas, convertindo-se en estudios muito mas "potents". O mas amplo d'os estudios mai conducito en materia d'orientación sexual (panchenomico y habendo-se levato alto u baixo sobre 500 000 personas qui viven en os Estaus Unius, Reino Uniu y en Suecia) ye estato publicato en 2019 por Ganna et al., amillorando los resultatos ya presents en 2018. Iste estudio refirma que no existe pas garra chen d'a homosexualidat (masculina u feminina) ni d'a heterosexualidat ni ta l'androfilia y a chinefilia; y que mesmo los marcadors cheneticos conoixitos, presos en o suyo conchunto, no predicen pas si bel individuo estará gai, bisexual u heterosexual.

Seguntes os datos cientificos disponibles, os marcadors cheneticos no pueden por tanto emplegar-se pas ta predicir o comportamiento sexual. A lo contrario que ta atros comportamientos complexos nuestros, a chenetica influye en o comportamiento sexual, pero estando muito "polichenico": arredol d'o 25% d'os nuestros sexuals en penderban, pero a traviés d'as interaccions de cientos a mils de chens y loci, habendo-ne cadagún de chicoz efectos, estando asinas o comportamiento sexual mas influito por a historia de cadagún, a suya cultura y interaccions socials. Manimenos, se ye detectato un esbirriai en iste estudio: En realidat, si una persona ya ha habito una relación sexual estraficata con unatra persona d'o mesmo sexo, ista puet haber alcurrito por refitolería, o que poderba reflectar una ubridura ta nuevas experiencias mas bien que una orientación sexual. En cuenta de preguntar a las personas enquestatas si n'han habito de relacions sexuals con una persona d'o mesmo sexo (cuestión que no permite pas de distinguir a os gais d'os bisexuals u d'una persona qui haiga quiesto prebar ista mena de relación), estarba millor preguntar-lis cuala. seguntes éls mesmos, ye a suya orientación sexual u por cuál sexo se sienten mas atrayita. Seguntes William Rice (biologo d'a evolución en a Universidat de California), iste estudio presenta tamién o intrés d'amostrar que una gran parti d'a población no ye pas exclusivament heterosexual.

Notas

• Datos: Q6636
• Multimedia: Homosexuality / Q6636