Sexo
- No s'ha de trafucar con o termin chenero.
En biolochía, o sexo ye un proceso de combinación y mezcla de rasgos cheneticos, resultando a sobén en a especialización d'organismos en os cheneros masclo y fembra. A reproducción sexual implica la combinación de celulas especializatas (gametos) ta formar descendients que hereden rasgos de cadagún d'os pais. Os gametos pueden estar identicos en forma y función (isogametos), pero en muitos casos ha evolucionato una asimetría, de traza que existen dos tipos sexo-especificos de gametos (heterogametos): os gametos d'os masclos son chicotz, móvils y son optimizatos ta transportar a suya información chenetica una cierta distancia, mientres que os gametos d'as fembras son grans, no móvils y contienen os nutrients necesarios ta o desembolique primero de l'organismo chóven.
O sexo d'un organismo ye determinato por os gametos que produce: os masclos producen gametos masclos (espermatozoides, u esperma), mientres que as fembras producen gametos fembra (ovulos); os organismos individuals que produzen gametos masculins y femenins son ditos "hermafroditas". A sobén bi ha diferencias fisicas entre os dos cheneros d'un organismo; istos dimorfismos sexuals pueden reflectar as diferents presions reproductivas que experimentan os cheneros.
Bibliografia[editar | modificar o codigo]
- Alberts B, Johnson A, Lewis J, Raff M, Roberts K, and Walter P (2002). Molecular Biology of the Cell, 4a, Nueva York: Garland Science. ISBN 0-8153-3218-1.
- Gilbert SF (2000). Developmental Biology, 6a, Sinauer Associates, Inc.. ISBN 0-87893-243-7.
- Arnqvist, G. & Rowe, L. (2005) Sexual conflict. Princeton University Press, Princeton. ISBN 0-691-12217-2.
- Maynard-Smith, J. The Evolution of Sex. Cambridge University Press, 1978.
