Suicidio

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
O suicidio d'Edouard Manet (olio, 1877).

O suicidio ye l'acto de dar-se muerte a un mesmo de manera voluntaria, excluyendo por tanto os mártirs, os combatients en una guerra u as victimas d'un accident. A inclusión u no d'a eutanasia adintro d'o suicidio ye controvertita, ya que ranca d'a mesma voluntat de morir pero l'acción u no evitación a fa una atra persona. Os motivos ta o suicidio son diversos pero se pueden agrupar baixo un mesmo denominador: a manca de sentito d'a vida. A Organización Mundial d'a Salut indica que mas d'un millón de personas se suicidan cada anyo, y que ye una d'as prencipals causas de muerte entre os adolescents y os adultos de menos de 35 anyos.[1] S'estima que cada anyo se producen entre 10 y 20 millons d'intentos de suicidio no fatals en tot o mundo.[2]

A visión predominant d'a medicina moderna ye que o suicidio ye un problema de salut mental, asociato con factors psicolochicos como a dificultat de vivir con una depresión, una pena u medrana ineludible u atros trastornos y presions mentals. A vegatas s'interpreta un intento de suicidio como un aviso, u una expresión de desasperación y o deseyo de fuyir, y no como una tentativa autentica de morir.[3] A mayoría de chent que intenta suicidar-se no lo consigue en o primer intento; os que dimpués tienen un historial d'intentos repetitos tienen una probabilidat significativament mas gran de suicidar-se con exito.[4]

Referencias[editar | modificar o codigo]

  1. (en) CIS: UN Body Takes On Rising Suicide Rates
  2. Bertolote JM, Fleischmann A: "Suicide and psychiatric diagnosis: a worldwide perspective"
  3. (en) WHO Europe - Suicide Prevention. Organización Mundial d'a Salut
  4. (en) Shaffer D. "The epidemiology of teen suicide: an examination of risk factors"

Vinclos externos[editar | modificar o codigo]