Sudán

De Biquipedia
Ir a la navegación Ir a la búsqueda
Articlo d'os 1000
Republica de Sudán
جمهورية السودان
Yumhūriyyat as-Sūdān
Bandera de Sudán Escudo de Sudán
(En detalle) (En detalle)
Lema nacional: A victoria ye nuestra
(arabe al-Nadir Nila)
Himno nacional: Nahnu Djundulla Djundulwatan
Situación de Sudán
Capital Khartum
Mayor ciudat Omdurmán
Idiomas oficials Arabe
Forma de gubierno Chunta militar provisional
Abdel Fattah al Burhan
Abdalla Hamdok
Independencia
• Calendata
d'o Reino Uniu
1 de chinero de 1956
Superficie
 • Total
Posición 16º
1.886.068 km²
Población
 • Total (2008)
 • Densidat
Posición 40º
30.894.000
16,4 hab/km²
PIB (PPA)
 • Total ([[]])
 • PIB per capita
Posición º

Moneda Libra sudanesa
Chentilicio Sudanés/a
Zona horaria UTC+2
Dominio d'Internet .sd
Codigo telefonico +249
Prefixo radiofonico
Codigo ISO 736 / SDN / SD
Miembro de: LA, UA, ONU

Sudán (en arabe السودان, as-Sūdān)[1] ye un país africán, situato en a parti nororiental d'o continent. Muga con Echipto a o norte, con Eritrea y Etiopia a l'este, con Sudán d'o Sud a o sud, con a Republica Centroafricana a o sudueste, con o Chad a l'ueste y con Libia a o norueste. A o noreste tien costa en a mar Roya. A suya capital ye Khartum.

A suya población ye de 30.894.000 habitants (2008) en una superficie de 1.886.068 km², con una densidat de población de 16,4 hab/km².

Politicament, Sudán ye una Republica presidencialista, estando l'actual President d'o país Omar Hasan Hajmad al-Bashir. Sudán fa parte d'a Liga Arabe, d'a Unión Africana y d'a ONU.

Historia de Sudán[editar | modificar o codigo]

Sudán ye o país d'una d'as civilizacions prencipals continas mas antiga d'o mundo, con asentamientos historicos y urbans que se remontan a l'anyo 3000 aC.[2][3][4] Os sudaneses tienen una luenga historia que s'estendilla dende l'antigüidat, que s'entrellaza con a historia d'Echipto, con o que estió unito politicament en diversos periodos. Dimpués d'independizar-se d'o Reino Uniu en 1956, Sudán sufrió una guerra civil que duró 17 anyos y que fue seguita por conflictos etnicos, relichiosos y economicos entre os sudaneses d'o norte (con radices arabes y núbias) y os niloticos cristians y animistas de Sudán d'o Sud.[5][6] Asinas se plegó a una segunda guerra civil en 1983, y debito a os continos conflictos politicos y melitars, Sudán fue chusmeso por un golpe d'estato sin muertos feito por o coronel Omar al-Bashir en 1989, que de contino se proclamó President de Sudán.[7]

Alavez, Sudán experimentó un gran creiximiento economico, implementando reformas macroeconomicas y rematando a la fin d'a guerra civil con l'adopción d'una nueva constitución l'anyo 2005, que dió a os grupos rebeldes d'o sud una autonomía limitata que finalment condució a la suya independencia en 2011, dimpués d'un referendum por a independencia se divide en dos estaus, en o norte un de mayoría musulmana y unatro en o sud de población animista, cristiana y negra dito Sudán d'o Sud.[8]

Dica l'anyo 2019, yera considerau una Republica Federal Democratica, encara que la politica sudanesa internacionalment yera considerada per muitos como un sistema autoritario. L'11 d'abril d'ixe mesmo anyo, l'exercito sudanés derroca a lo dica alavez president, Omar Al-Bashir, prencipiando una dictadura militar provisional y suspendendo la Constitución con a intención de fer eslecions en dos anyos. Lo 25 d'octubre de 2021, pasaus dos anyos l'exercito dió un golpe d'Estau disolvendo lo Consello Soberano, arrestando a lo primer ministro Abdalla Hamdok y establindo una chunta militar provisional encabezada per Abdelfatah al Burhan.

Piramides nubias en Meroe

Economía[editar | modificar o codigo]

Ye un país rico en recursos naturals entre os que destacan o petrolio, o tungstén y o Zinca, tamién ye posible que tienga gas natural. D'o sector agricola destaca a suya producción de cotón, a economía de Sudán ye actualment una d'as economías con o creiximiento mas rapido d'o mundo.[9] A Republica Popular de China y Rusia son os socios comercials mas grans de Sudán.[10]

Tiene uns libels altos de PIB gracias a los recursos naturals y en parte a l'oro pero que quedan en mans de muit pocas interpresas, totas ellas extrancheras. Per unatro costau lo 80 % d'a población local treballa en o sector agricola y con un desemplego alto que ha afectau a lo 18% d'a población activa (2011) y quasi lo 50% d'a población vive per debaixo d'o branquil de pobreza.

En zagueras y copiando lo modelo de treballo europeu, han cerrau acuerdos con interpresas de distintos sectors d'a economía pa treballar conchuntament en o desembolique d'importants prochectos. Lo que diferencia este modelo d'o pasau ye que en este caso se requiere d'o proceso d'aprendizache previo d'o personal local. No quieren implantar un modelo de negocio que tienga una caducidat previa a lo prochecto.

Esporte[editar | modificar o codigo]

Los esportes mas populars en Sudán son lo atletismo y lo futbol, tamién son prou populars lo baloncesto, lo balonmano, y lo voleibol, encara que con una menor intensidat. En os decenios d'os 60 y los 70, la selección nacional de baloncesto yera d'as mas importants en o continente africano, en l'actualidat o suyo nivel no ye tan bueno.

Abubaker Kaki, subcampión mundial de 800 metros lisos.

Lo futbol en Sudán conta con una larga historia, a suya federacion estió una d'as quatro primeras nacions que formó la CAF, y tamién fue la primera siede d'a Copa Africana de Nacions en a suya edición de 1956, tamién organizó a edición de 1970 y que ganó estando la sola vegada que lo fació. Dos anyos dimpués, la selección nacional de futbol participó en os Chuegos Olimpicos de 1972 en Múnich. Dende setiembre de 2019, i hai una liga nacional femenina oficial pa clubs de futbol femenín formada per clubs que teneban sección femenina sin de competición oficial. En o anyo 2021, l'equipo de fútbol nacional femenín de Sudán participó per primera vegada en un torneo internacional participando en a Copa Arabe Femenina celebrada en Echipto.

Los equipos de futbol masculín mas populars son lo A lo-Hilal y lo A lo-Merrikh.

Sudán en os Chuegos Olimpicos[editar | modificar o codigo]

Sudán ye reprensentau en os Chuegos Olimpicos per lo Comité Olimpico Sudanés, creyau en 1956 y reconoixiu per lo COI en 1959. Partecipa per primera vegada en Roma 1960 y dende alavez participa regularment. En totas las suyas participacions nomás a aconseguiu una medalla en os Chuegos Olimpicos de Verano, fue en a edición de 2008 a on Ismail Ahmed Ismail aconsiguió una medalla de bronze en os 800 metros lisos dentro d'as prebas d'o programa d'atletismo.

Referencias[editar | modificar o codigo]

  1. (en) Online Etymology Dictionary
  2. (en) HistoryWorld - The History of Sudan
  3. (en) Ancient Sudan - Nubia: Prehistory of the Sudan
  4. (en) Ancient Sudan - Nubia: Pre-Kerma
  5. (en) Seteney Shami, Linda Herrera, Between field and text, "Ethical Dilemmas of Research Among Sudanese in Egypt: Producing Knowledge about the Public and the Private" d'Anita Hausermann Fabos, (American Univ in Cairo Press: 1999), p.100
  6. United Nations Environment Programme, Sudan, (UNEP/Earthprint: 2007), p.35
  7. (en) "FACTBOX - Sudan's President Omar Hassan al-Bashir". 14-07-2008. http://www.reuters.com/article/topNews/idUKL1435274220080714. Retrieved 16-07-2008. 
  8. (en) "Sudanese flesh out final deal". BBC News. 07-10-2004. http://news.bbc.co.uk/1/hi/world/africa/3723812.stm. Retrieved 15-07-2008. 
  9. (en) War in Sudan? Not Where the Oil Wealth Flows, New York Times
  10. War in Sudan? Not Where the Oil Wealth Flows - NYTimes.com

Vinclos externos[editar | modificar o codigo]


Estatos d'Africa
Alcheria | Angola | Benín | Botswana | Burkina Faso | Burundi | Cabo Verde | Camerún | Chad | Chibuti | Comoras | Costa de Vori | Echipto1 | Eritrea | Eswatini | Etiopia | Gabón | Gambia | Ghana | Guinea | Guinea-Bissau | Guinea Equatorial | Kenia | Lesoto | Liberia | Libia | Madagascar | Malawi | Mali | Marruecos | Mauricio | Mauritania | Mozambique | Namibia | Nícher | Nicheria | Republica Centroafricana | Republica d'o Congo | Republica Democratica d'o Congo | Ruanda | Sahara Occidental2 | Sant Tomé y Prencipe | Senegal | Seychelles | Sierra Leone | Somalia | Somalilandia2 | Sudafrica | Sudán | Sudán d'o Sud | Tanzania | Togo | Tunicia | Uganda | Zambia | Zimbabwe
Dependencias: Ascensión | Canarias | Ceuta | Madeira | Mayotte | Melilla | Pantelleria | Reunión | Santa Helena | Socotra | Tristán da Cunha
1 Parcialment en Asia. 2 Parcialment reconoixito u en disputa