Protestantismo

De Biquipedia
Ir a la navegación Ir a la búsqueda
Martín Lutero (1483-1546), una d'as figuras centrals d'o protestantismo.

O termin protestant ye utilizau ta referir-se tanto a os grupos que se deseparoron d'a Ilesia Catolica Romana con a Reforma Protestant d'o sieglo XVI, como a os desenvoliques teolochicos particulars d'os reformadors y as ilesias resultants.

O nombre "protestants" prencipia a utilizar-se ta decir a os partidarios d'as ideyas luteranas d'a Reforma en Alemanya a resultas d'a suya protesta y resistencia a os edictos imperials que miraban de buscar a uniformidat relichiosa d'Alemanya.

A doctrina protestant chira arredol de la ideya que solament a Biblia ye a sola autoridat en materia de fe y en a necesidat absoluta d'a gracia de Dios ta que l'hombre, por meyo d'a sola fe en Cristo y o Evanchelio, pueda estar salvau por Dios en un acto de conversión interior. Tamién esfiende as doctrinas de l'absoluta depravación de l'hombre y a suya necesidat total de Dios, a sola mediación de Cristo, a sacramentalidat sola d'o baptismo y cena d'o Sinyor (quan no son vistos como simbolos), a concepción d'as obras buenas como fruto d'a fe.

D'atra man refusan amás l'autoridat d'o papau, as indulchencias, o purgatoriu, o sacrificio incruento d'a misa, a devoción a os santos, a intercesión d'os santos muertos, etc...