Castor fiber

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Castor fiber
Denominacions populars
can de ponto
Estau de conservación
Seguro (IUCN)
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Rodentia
Familia:	Castoridae
Chenero:	Castor
Especie:	C. fiber
Descripción
Castor fiber Linné, 1758
Distribución cheografica
Aria de distribución d'o can de ponto.

O can de ponto (nombre cientifico Castor fiber _{(Linné 1758)}) ye una especie de radedors d'a familia d'os Castoridae, a sola especie euroasiatica d'o chenero. Ya en a Edat Meya heba desapareixiu d'Aragón pero encara se'n troba eixemplars en a compleganza d'o Roine en Occitania y Arpitania.

O can de ponto apareixe en o Pleistoceno inferior, estando-ne os restos mes antigos en os Pireneus d'a glaciación de Mindel, continando present en o Riss y en o Würm. A zaguers d'o Würm y en part de l'Holoceno ye cuan mes abundant ha estau en os Pireneus, en as dos versants. Plinio o Viello y Estrabón parlan de l'abundancia d'o can de ponto en Hispania, y de feito se n'han trobau restas de can de ponto en o chacimiento romano de Bilbilis (Calatayú). O zaguer can de ponto peninsular conoixiu ye de periodo romano tardano y ye de Sant Pere de Gavà en a desembocadura d'o Llobregat.

Os cans de ponto d'Europa Occidental estioron a cantos d'extinguir-se en os sieglos XIX y XX por un caza abusiva, y os zaguers que quedaban yeran en o sud de Noruega y en as compleganzas de l'Elba y o Roine. As mesuras de protección tenioron efecto y dende ixos reductos s'ha puesto reintroducir en atros puestos.

Zoonimia

En o sieglo XV son denominaus vebres en os peaches de Zaragoza y Monzón. En atros textos medievals como "Letra intimada" dicen vibre. O zoonimo vebre, vibre ye una palabra d'orichen celta con paralelo en o francés bièvre.

e assi mateix me dio con la dita espada un grand birrel de vibre, é alto forrado de erminios: é aqueste por esguart é honor del officio que tenia.

Manimenos en a traducción aragonesa d'o "Libro d'el Trasoro" dicen castor, que ye como en os peaches de Zaragoza y Daroca denominan a la secreción d'as glandulas odoriferas de l'animal y que se feban servir como perfumes y medecinas.

Castor es vna bestia q(ue) conu(er)sa enla ma(r) de pont e por esto es clamada ma(r) de ponto por q(ue) el es en algu(n)a cosa Resenbla(n)t a can sus cullon(e)s son muy calie(n)tes e p(ro)ueytosos en medicina por esto lo sigue(n) los caçador(e)s por au(er) sus cullon(e)s . Mas nat(ur)a q(ue) a todos muest(r)a las p(r)opriedades le faze sab(e)r la prop(r)ia causa por q(ue) el om(n)e lo caça q(ue) alla do el sabe q(ue) no(n) puede foyr el mjsmo talla sus cullon(e)s con sus dientes elo gita dauant del caçador e asi Redime su cue(r)po por aq(ue)lla p(ar)tida q(ue) mjllor es . e dela ora aua(n)t si el om(n)e lo caça do qujer q(ue) es visto el de[^s]cubre sus cullones e demuest(r)a alos caçador(e)s como el es desculla(n)ado

Presencia en Aragón

En Espanya fue introduciu en o río Ebro con a suelta de 18 eixemplars en 2003, dende alavez presenta una rapida expansión y esta present en muitos rios d'a cuenca de l'Ebro, lo Galligo, lo Cinca, lo Xalón, lo Martín, lo Arba y en a cabecera d'a Onsella.

Referencias

• Datos: Q181191
• Multimedia: Castor fiber / Q181191
• Especies: Castor fiber