Alta Edat Meya

De Biquipedia
Ir ta: navego, busca
A división d'a mar Mediterrania en l'Alta Edat Meya (anyo 800)

L'Alta Edat Meya ye o periodo dende a caita d'o Imperio Román d'Occident dica alto u baixo l'anyo 1000, epoca de renaiximiento economico y cultural. Tres imperios conviven y luitan por a supremacía: o bizantín, l'arabe u islamico y o carolinchio.

Dende o sieglo III, a unidat politica d'o Imperio Román se crebó. En enfeblir-se l'autoridat romana, os territorios imperials fuoron invaditos por ondadas succesivas de confederacions barbaras belunas d'ellas que refusaban a cultura clasica de Roma mientres que atras, como os godos, l'admiraban y emulaban. D'os pueblos prominents que dentroron a lo territorio román estioron os hunnos, os bulgaros, os avaros, y os hongaros, chunto a un gran numero de pueblos chermanicos y eslavos. Bellas incursions se realizoron con l'aprobación d'os romans: s'asignaba a las tribus chermanicas tierras ta labrar y asentar-sen si luitaban con os romans como aliatos. En o sieglo V as institucions de l'Imperio Román d'Oczident s'eba colapsato baixo a presión d'istas incursions. Anque sobrevivioron bellas caracteristicas d'a organización gubernamental romana, se formoron diversos gubiernos febles y locals u amaneixioron comandants militars rechionals que se facioron fuertes por l'ausencia d'una autoridat centralizadera. Pero en a rechión oriental de l'imperio, muito más desarrollata, as institucions de gubierno romanas centralizatas continoron en operación, en a invencible ciudat de Costantinoble. L'Imperio Bizantín, ye dicir, l'Imperio Román d'Orient, estió una continación d'o Imperio Román cristián de l'antigüidat.

Se veiga tamién[editar | editar código]