Atenas
| Atenas Αθήνα | |
|---|---|
| Localidat de Grecia | |
 | |
| Estato • Periferia • Prefectura |
 GreciaAtica Atenas |
| Superficie | 38,964 km² |
| Población • Total • Densidat |
664.046 hab. 17.042,6 hab/km² |
| Altaria | 0 m. |
| Codigo postal | 10431-11855, 16121 |
| |
| http://www.cityofathens.gr | |
Atenas (en griego Αθήνα, Azína) ye a capital de Grecia. Se clama asinas en honor a la diosa Atena, a suya protectora. Estió cuna d'una d'as primeras democracias formals que se'n tienga constancia y ye o puesto an se troba o Partenón. L'antigua ciudat portuaria d'o Pireu ha estato sorbida por a nueva Atenas. En l'actualidat, a ciudat tien una población d'alto u baixo 4,5 millons de habitants, más d'un tercio d'a población total de Grecia.
Ye comunicada por un aeropuerto ubierto y de nueva construcción, l'Aeropuerto Eleftherios Venizelos, situato a unos 40 menutos en auto d'o centro d'a ciudat.
Contenius
Historia[editar | editar código]
A historia d'os atenienses empecipia con un mito.
Antis, a chent d'Atenas, a l'igual que la de tot o mundo y de tot tiempo, contaba sobre os suyos mesmos orichens falordias; pero no se trataba de falordias inventadas por ells: yeran o reflexo de verdatz parcials, malfarchatas y antiguas, de feito irremontables, transmitidas de viva voz de cheneración en cheneración, quasi con toda seguranza por meyo de cantos y baladas .
Y en ixas falordias l'orichen de tot yera una diosa, que dimpués pasaba a formar un tot con a ciudat metiu que heba quasi o mesmo nombre: Atena. Ye un nombre mui antigo, no griego, como cenya la zaguera silaba -na, un sufixo etrusco.
Atenas fue fundada por o lechendario Zecrope, que yera una mezcla d'hombre y sirpient. Gosa ser considerau o primer rei autentico d'Atenas, baixo o suyo reinau Atena se convirtió en patrona d'a ciudat.
Toponimia[editar | editar código]
Atenas s'escribe en aragonés medieval como Athenas, os habitants d'Athenas son mencionatos como Athenienos. Como curiosidat en una pachina d'a "Cronica de Morea" escriben Cetinas, talment por pareixito fonetico con "Cetina" en Aragón.
Puestos d'intrés[editar | editar código]
- L'Acropoli, con o Partenón, Erecteion, Propileos...
- Ágora.
- Arco d'Hadrián.
- Chardins Nacionals, plantaus en o Sieglo XIX.
- Kerameikon.
- Mont Licabeto.
- Molimento de Filopapos.
- Molimento de Lisicrates.
- Museu Arqueolochico Nacional.
- Museu Benaki.
- Olimpeion.
- Plaka.
- Plaza de Monastiraki, an se situa un coloriu mercau d'a carrera y un monesterio ortodoxo que da nombre a lo puesto.
- Plaza de Syndagma, corazón de l'Atenas muderna.
- Pnyx.
- Puerto d'o Pireu.
- Torre d'os Aires.
Esporte[editar | editar código]
Atenas ye parti d'un país a on l'esporte en l'anguidat yera parti d'a relichión, y en Atenas yeran muito conoixitos os Chuegos Panatenaicos, celebratos en honor a la diosa Palas Atena en que yeran incluyitas prebas esportivas y d'arte. Os primers Chuegos Panatinaicos fuoron organizatos en l'anyo 566 aC y reglatos por Pisistrato. A on fue construito l'actual Estadio Panathinaiko yera a on es feban as prebas atleticas y de luita d´istos Chuegos.
Competicions esportivas[editar | editar código]
Atenas estió l'anfitriona d'os Chuegos Olimpicos de 1896,[1] os Chuegos Entreficatos de 1906 [2] y os Chuegos Olimpicos de 2004.[3] Tamién d'o Campionato d'o Mundo d'Atletismo en a suya edición de 1997 y o Campionato d'Europa d'Atletismo en a IX edición de 1969 y a XIII de 1982.
Localidatz achirmanatas[editar | editar código]
Veyer[editar | editar código]
Vinclos externos[editar | editar código]
Se veigan as imáchens de Commons sobre Atenas.- (en griego) Pachina web oficial d'Atenas.
- (en)/(en griego)Organismo de Transporte Urbano d'Atenas.
- (en)/(en greigo) Pachina web d'o Menisterio griego de Cultura.
Referencias[editar | editar código]
- ↑ (en) Chuegos Olimpicos seguntes o COI
- ↑ (en) [http://www.sports-reference.com/olympics/about/events.html What Events are Olympic?
- ↑ (en)/(fr) Chuegos Olimpicos d'Atenas de 2004 seguntes o COI.
