Bandera
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Una bandera (d'o gotico < bandwo "sinyal") ye un trozo de tela, por un regular rectangular, fixato por un costato a un palo u asta y que sirve como simbolo u insígnia d'una nación, d'un estato, d'una ciudat, d'una dinastía, d'una autoridat, d'un partito, d'una asociación, etc, u como signo ta identificar situacions churidicas, melitars, tecnicas, etc. Tamién puet emplegar-se con motivos decorativos.
As banderas estatals u nacionals simbolizan a un estato u a un país y ye un d'os signos d'identidat mas importants que tien. Sirve ta representar a o estato en o extranchero, pero tamién como emblema en a propia tierra. A bandera estatal s'iza cada día en os edificios oficials (cortes, concellos,...). As interpresas y entidatz privatas tamién pueden izar-las, igual que os ciudadans. Quan i ha un succeso trachico u a muerte d'una persona de maximo rango politico as banderas ondean a meya asta en sinyal de duelo.