Heroi
Un heroe[1] u heroi (en feminín, una heroína) ye una presona qui sobreixe d'a meya por as suyas caracteristicas morals, por un regular relativas a la valua. Tamién se fa servir pa referir-se a los protagonistas de qualsiquier ficción.
En o suyo orichen, un heroi yera o presonache d'a mitolochía griega que sin estar un dios (y por tanto immortal), yera capable de fer prodichios y actividats fuera de l'abasto humán ordinario. Los herois estioron dimpués o centro d'a epopeya y d'a canción de chesta medieval. O heroi destaca por as suyas aptitutz guerreras, pero con o paso d'o tiempo tamién se troba herois amorososos u humanitarios (os santos cristians son os continadors relichiosos d'os herois).
En o mundo d'a historieta u comic o concepto d'heroi ha evolucionau enta o superheroi.
Referencias[editar | modificar o codigo]
- ↑ (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003 p 44. Se documenta a pronunciación plana d'esta parola en benasqués.