Amsterdam

Amsterdam
Localidat d'os Países Baixos
O Keizersgracht d'Amsterdam en a nueit.
Estau  • Provincia	Países Baixos Holanda d'o Norte u Holanda Septentrional
Superficie	219 km²
Población  • Total  • Densidat	809.892 hab. (2014) 3.698 hab/km²
Altaria	2 m.
Codigo postal	1011 – 1109
Ríos	Río Amstel
Localización d'Amsterdam en a suya provincia.
www.Amsterdam.nl

Amsterdam ye una ciudat neerlandesa, que ye a capital d'o país, encara que a seu d'o Gubierno neerlandés y d'o Poder chudicial se troba en a ciudat de Den Haag. Sí que ye a seu d'o Poder lechislativo, o Parlamento d'os Países Baixos. Amsterdam ye tamién a ciudat con mayor numero d'habitants d'a provincia d'Holanda d'o Norte u Holanda Septentrional y d'os Países Baixos.

A suya población ye de 809.892 habitants, en una superficie de 219 km², con una densidat de población de 3.698 hab/km² (2014). Sindembargo, a suya aria metropolitana tien 2.300.000 habitants, y en fa parte d'una conurbación de 7.100.000 habitants.

Cheografía

A ciudat d'Amsterdam fa parte d'a provincia d'Holanda d'o Norte u Holanda Septentrional, y ye situata a man d'a provincia d'Utrecht y d'a provincia de Flevoland, a cantos d'o río Amstel, en a suya desembocadura en o río Ij, formando asinas un gran numero de canals que trescruzan a ciudat, que ye a 2 metros d'altaria sobre o ran d'a mar.

Os territorios arredol d'a ciudat son planos y formatos por terrenos robatos a o mar con os polders, y trescruzatos por a Canal d'a Mar d'o Norte, que une a ciudat con a mar d'o Norte.

Esporte

L'esporte mes popular a Amsterdam ye o fútbol, y o mes practicato ye o ciclismo, gran parti d'a suya población utiliza a bicicleta como meyo de transporte habitual.

Ista ciudat ye a seu d'o equipe de fútbol Ajax, un d'os mes conoixitos d'o país, que partecipa en l'Eredivisie, a primera división de fútbol d'os Países Baixos y tamién a sobén en a Liga de Campions Europea.

Competicions esportivas

Amsterdam bi ha organizato os Chuegos Olimpicos en a suya edición de 1928.

Intalacions esportivas

L'antigo Estadio Olimpico ha estato restaurato y actualment ye utilizato ta facer acoantecimientos culturals y esportivos.

L'Amsterdam ArenA, ye un estadio de fútbol a on chuga os partidos como local l'Ajax d'Amsterdam, también estió a seu de l'equipe de fútbol americán Amsterdam Admirals huei desapareixito.

Localidatz achirmanatas

• Manchester (Reino Uniu).

Vinclos externos

• Se veigan as imáchens de Commons sobre Amsterdam.
• (nl) Pachina web oficial municipal d'Amsterdam.