Chudieus

Chudieus יהודים
Chudieus ortodoxos
Población total
13.155.000
Rechions con comunidaz importants
Israel 5.393.000
Estaus Unius 5.275.000 Francia 490.000 Canadá 374.000 Reino Uniu 295.000 Rusia 225.000 Archentina 184.000 Alemanya 120.000 Australia 104.000 Brasil 96.000 Ucraína 77.000 Sudafrica 72.000 Hongría 49.000 Mexico 40.000 Belchica 31.200 Países Baixos 30.000 Italia 28.600 Chile 20.700 Belarrusia 18.200 Uruguai 18.000 Suiza 17.900 Turquía 17.800 Venezuela 15.400 Suecia 15.000 Espanya 12.000 Irán 10.800 Rumanía 10.100 Letonia 9.800 Austria 9.000 Azerbaichán 6.800 Dinamarca 6.400 Panamá 5.000
Idiomas
Luengas chudievas historicas - Hebreu · yiddisch · ladino · atras Luenga liturchica - Hebreu · arameu Atras luengas parlatas - Os idiomas vernaclos de cada país incluyindo entre atros anglés, hebreu, yiddisch, y ruso.
Relichión
Chudaísmo
Pueblos relacionaus
Arabes y atros pueblos semiticos
Mapa

Os chudieus u chodigos (en hebreu:יְהוּדִים, yehudim; en yiddisch: ייִדן, yiden; en ladino djudios) son os seguidors d'o chudaísmo u os miembros d'o pueblos chudieu (tamién conoixita como «nación chudieva» o «fillos d'Israel»), un grupo etnico-relichioso descendient d'os antigos hebreus u israelitas u de personas convertitas a o chudaísmo en diversos momentos historicos.

A visión d'os israelitas y dimpués d'os chudieus d'a suya propia cualidat de grupo humán ye una visión diferent seguntes epocas. Asinas, a Biblia ya charra d'os chudieus como d'un pueblo, o pueblo d'Israel, que ye unito por a suya fe relichiosa común, encara que os arqueologos u mesmo a Biblia tamién dicen que en os periodos mas antigos parte d'os chudieus teneban practicas relichiosas politeistas. Antiparte, ye controvertita a propia noción d'un pueblo chudieu como comunidat luego d'a diaspora chudieva dimpués d'a destrucción d'o Templo de Cherusalem.

Etimolochía d'a denominación

A denominación en diferents luengas d'Europa Occidental provién d'o latín iudaeus, que significa habitant d'a tierra de Chudea, y que o mesmo latín ampra de l'arameu meyo y'hūdāi, que corresponde a lo plural hebreu yehudim, en o suyo orichen con o significato de "miembro d'a tribu de Chudah", con eponimo en o cuatreno fillo de Chacob.

En navarro-aragonés a evolución lochica de l'acusativo iudaeum sería chudeu con sufixo -eu, pero se troba poco, por eixemplo en bella versión d'os fueros d'Aragón u en bel texto en romanz navarro relativo a Tudela. En aragonés medieval s'escribe cuasi siempre jodio/judio y en chistabín se documenta chodigo.

Ye posible que esta anomalía tienga relación con a interferencia con l'adchectivo chudiego, chudiega (derivatos d'o latín iudaicus, iudaica), y con a denominación d'as simients d'a leguminosa Phaseolus vulgaris ("chodigas"), on podría haber-ie epentesi antihiatica. Alwin Kuhn veye que a evolución d'a parola chodiga puet estar influenciata por pareixito con a parola xordiga.

Divisions etnicas chudievas

Ta mas detalles, veyer l'articlo Divisions etnicas chudievasveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Un chudieu en oración en una sinoga en Irán en 1999.

As divisions etnicas chudievas fan referencia a las diferents comunidaz chudievas d'o mundo que pueden distinguir-sen dentro d'os pueblos de relichión chudieva. No totas as comunidaz chudievas comparten costumbres culturals, relichiosos, culinarios, lingüisticos, etcetera. Unas y atras amuestran diferencias locals y bellas formas d'interpretar bels preceptos.

Dimpués de tornar de l'exilio en Babilonia en Tierra Santa i heba una diferenciación entre samaritanos y los que se consideroron a ellos mesmos los chudieus de verdat.

En tiempos de l'Imperio Romano a diaspora chudieva de partiba en dos ambitos culturals: diaspora occidental en l'Imperio Romano y diaspora oriental en l'Imperio Persa Sasanida. En a Edat Meya la división prencipal yera entre chudieus de paises cristianos u europeus y chudieus de países musulmans. Los chudieus de países musulmans yeran mes lumerosos y i heba comunidaz d'orichen oriental chunto con comunidaz de l'antiga diaspora occidental d'Hispania y Africa. Una clasificación d'as comunidaz historicas de relichión chudieva puet estar:

• Chudieus orientals: descendiens d'a diaspora oriental y d'ixas comunidaz d'a diaspora occidental en zonas que s'islamizoron.
  • Comunidaz persianas: en Irán y Afganistán, charran persa.
  • Bukharans: en Asia Central, charran tachico.
  • Comunidaz de Cheorchia, charran cheorchiano.
  • Dagh Chufuti: entre Dagestán y Azerbaichán, charran tat.
  • Mizrajim: chudieus de Siria, Irak y estaus d'arredol. Charran arabe, y os d'o Kurdistán charran tradicionalment neoarameu.
  • Comunidaz d'o Disierto d'Arabia: desapareixitas
  • Chudieus yemenís:
  • Comunidaz d'Echipto.
  • Tochavim: chudieus nortafricanos no sefarditas, charran en berber u arabe.
• Chudieus occidentals: descendients d'a diaspora occidental en zonas europeas y cristianas:
  • Chudieus bizantins: en Grecia y Anatolia dende antigo, charraban griego.
  • Chudieus italianos: en Italia dende antigo, charraban griego dimpués latín y italiano.
    • Gourmís: chudieus italianos establitos en Túniz.
  • Sefarditas: descendients d'as comunidaz d'a peninsula iberica. En 1942 los forachitoron y en os paises on plegoron asimiloron atras comunidaz.
    • Megorachin u forachitatos: chudieus sefarditas d'o Norte d'Africa.
    • Domnaz: sefarditas de l'antigo Imperio Otomán convertitos a o islam y probablement criptochudievas.
  • Askenazís: comunidaz de chudieus d'Alemanya forachitatas ta Europa centro-oriental en la Edat Meya y que conservoron o yiddisch.
  • Crimchacos: mezcla poblacional que se fació entre comunidaz askenazís y sefarditas en Crimea en tiempos d'o Khanato de Crimea. Charran o tartaro crimeu.
• Comunidaz d'a periferia: comunidaz que s'han desarrollato fuera d'os ambitos cristiano-europeu y islamico-afroasiatico, los atros chudieus los consideran heterodoxos u menos chudieus.
  • Falaixas: chudieus d'Etiopía, no almiten o Talmut.
  • Carains u caraitas: chudieus que charran un idioma pareixito a lo tartaro crimeu y no admiten o Talmut.
  • Chudieus d'a India: comunidaz que tamién son dividitas en castas.
  • Chudieus de Caifeng: antigos chudieus d'ixa ciudat de China, ya no bi n'ha.

Referencias

• Datos: Q7325
• Multimedia: Jews / Q7325