Canis lupus familiaris

Iste articlo ye sobre un animal canido. Ta d'atros usos se veiga Can (desambigación).

Can
Mostín d'o Pireneu
Estato de conservación
Domesticato.
Clasificación scientifica
Reino: Animalia Filo: Chordata Clase: Mammalia Orden: Carnivora Familia: Canidae Chenero: Canis Especie: C. lupus Especie: C. lupus familiaris
Nomenclatura trinomial
Canis lupus familiaris
Nomenclatura binominal
Canis familiaris

O can (fem. canya u cana, tamién dito cocho u gos, y familiarment chucho) ye un mamifero que perteneixe a la familia Canidae (Canidos), o mesmo que o lupo, o raboso y o coyote.

En cheneral s'emplega o vocable 'can' ta referir-se a la raza domestica (Canis familiaris), que se creye que desciende d'un ancestro parellano a o lupo. Bells scientificos creyen, manimenos, que o can ye una subespecie d'o lupo, dita Canis lupus familiaris.

O promeyo de vida ye de 12 a 15 anyadas, encara que isto pende en a grandaria d'o can. Se diz que contra mas gran ye o can, vive menos anyadas, y viceversa.

As crietas d'o can se dicen cadiellos, cadillos, cosques, caninos, chuchez u cachurros.

Existen a-saber-las razas de cans (bellas razas con nombre vernaclo son: semiso, lébris, mostín). A mayor parti d'ellas han siu creyadas por l'hombre por meyo d'a triga artificial.

L'hombre utiliza os cans ta diferents fainas, ta as qualas istos son entrenaus, como por eixemplo:

• Can de chira o Can de picala (pastor).
• Can de caza.
• Can de circo.
• Can guardador.
• Can de detección.
• Can de guida (ta ciegos).
• Can policía.
• Can esportivo.
• Can de salvamiento.
• Can d'eslisadera.

Galería d'imachens

• 

  Canis lupus familiaris

• 

  Can d'aguas espanyol

Vinclos externos

• Se veigan as imáchens de Commons sobre Dog.
• Wikispecies tiene un articlo sobre Canis lupus familiaris.