Psicolochía

De Biquipedia
Ir ta: navego, busca
Articlo d'os 1000

Psicolochía, d'o griego psique (ψυχη): alma y logos (λογος): tractau, sciencia. Significa sciencia de l'alma, sindembargo, actualment la conceptualizan como l'estudeyo de:

  1. O comportamiento d'os organismos individuals en interacción con o suyo ambient.
  2. Os enantos mentals d'os individuos.
  3. Os enantos de comunicación dende lo individual a lo microsocial.

A mayor parti d'os estudios se realizan en sers humans. Sindembargo, ye habitual l'estudio d'o comportamiento d'animals, tanto como un tema d'estudio en sí mesmo (veyer cognición animal, etolochía), como ta establir medios de contimparanza entre especies (psicolochía contimparativa), punto quea sobén resulta controversial.

A Psicolochía como campo d'estudios s'ha moviu tanto por camíns scientificos como no scientificos. A Psicolochía entendita como sciencia alazetal u experimental, s'enmarca en a tradición positivista, emplegando o metodo scientifico de concarar hipotesis, con variables quantificables en contextos experimentals, y clamando antimás a atras arias d'estudio scientifico ta exemplificar millor os suyos conceptos. Pero no todas as rechiras en Psicolochía siguen o metodo scientifico clasico. Dende una prespectiva más ampla, y entendendo a Psicolochía como una parti d'as Sciencias humanas u Socials, a ormino s'emplegan metodolochías qualitativas de rechira, que enriquexen a descripción y interpretación d'enantos que, por medio d'a prebatina clasica, resultan más difícils d'abastar, sobretot en arias clinicas. En l'atra estrimera, bells psicologos (a psicolochía humanista por eixemplo) arriban más luent refusando de raso l'emplego d'amanamientos scientificos.

Dende atra prespectiva, a Psicolochía establix un campo d'estudios entremeyo de "lo biolochico" y "lo social". En quanto a lo biolochico, anque a Psicolochía no embreca sino que l'estudio d'os fenomens d'o sistema niervoso, terne que terne y en a mesura que a comprensión d'o funcionamiento d'o cerebro y l'esmo han enantau, os aportes d'a neurobiolochía se han ito encorporando a la rechira psicolochica, a traviés d'a neuropsicolochía y as neurosciencias cognitivas.

En quanto a lo social, a Psicolochía prolarga d'a Sociolochía, l'Antropolochía, l'Economía y as Sciencias politicas, en a mesura en que o suyo obchecto d'estudio ye o comportamiento individual y o de collas chicotas en interrelación, más que de collas meyanas u grans colectividatz d'individuos (culturas u sociedatz).

Veyer tamién[editar | editar código]

Temas relacionaus[editar | editar código]

Vinclos externos[editar | editar código]