Orgasmo
L'orgasmo[1] (d'o griego ὀργασμός orgasmos "excitación, infladura") u climen[1] ye a descarga repentina d'a tensión sexual acumulada mientres o ciclo d'a respuesta sexual, resultando en contraccions musculars ritmicas en a rechión pelvica caracterizadas per o placer sexual.[2] Experimentaus per hombres y mullers, os orgasmos son controlaus per o sistema niervoso involuntario u autonomo. A ormino s'asocian con atras accions involuntarias, incluyindo esbrunces musculars en multiples arias d'o cuerpo, una sensación d'euforia en cheneral y, frecuentment, s'exteriorizan movimientos d'o cuerpo y vocalizacions. O periodo dimpués de l'orgasmo (conoixiu como periodo refractario) ye a ormino una experiencia relaxant, atribuyiu a la liberación d'as neurohormonas, oxitocina y prolactina, asinas como as endorfinas.
Os orgasmos humans per un regular resultan d'a estimulación sexual fisica d'o pene en os hombres (tipicament acompanyando a la echaculación), y d'o clitoris en as mullers. A estimulación sexual puede estar per practica propia (masturbación) u con una parella sexual (relacions sexuals con penetración, relacions sexuals sin penetración, u unatra actividat sexual).
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) Winn, Philip (2003). Dictionary of Biological Psychology. Routledge. p. 1189. ISBN 9781134778157.
