Sistema Iberico

De Biquipedia
Ir a la navegación Ir a la búsqueda
Sistema Iberico
Sistema Ibérico
Sierra de Albarracín II.jpg
Sierra d'Albarracín, en o Sistema Iberico
Cheografía
Cordelera {{{cordelera}}}
Sector {{{sector}}}
{{{tpran}}} {{{ran}}}
Maxima altaria 2.316 m, Moncayo
Cimas importants Moncayo, Peña Cebollera, Pico San Lorenzo, Penya Roya
Largaria 500 km
Amplaria 100 km
Superficie 40.000 kmkm²
Subsistemas Sierra de la Demanda, Branca castellana y Branca aragonesa
Administración
Estato Flag of Spain.svg Espanya
País
'
Cheolochía
Edat
Materials
Tipo Orochenesi
Mapa
Spain-2008-29-11.png
Anvista de Moncayo dende Alcalá

O Sistema Iberico ye una cordelera d'altaria meya que situada en o cabo noreste d'a Meseta Central d'a Peninsula Iberica. Os suyos picos más importants son Moncayo (2.313 m), o San Lorenzo (2.262 m), o Pico Urbión (2.228 m), o Chabalambre (2.020 m) y o Penya Roya (2.024 m), o Cerro Calderón (1837 m), y o Penyagolosa (1813 m). I naixen ríos como lo Tacho, o Duero, o Guadalaviar, o Xúcar u o Cabriuel. Iste sistema desalparta la meseta central d'a depresión de l'Ebro.

A Cordelera Iberica ye compuesta de feito por tota una serie de sierras o catenas montanyosas que, con dirección cheneral Norueste-Sudeste (NW-SE)[1] (sobretot en o sector norte, cambeando enta l'este dende Teruel), que se troban en a rechión central-oriental d'a Peninsula Iberica dende Burgos (Macizo de la Demanda), dica Castellón-Valencia.

Perteneixe a las Catenas Alpinas, y igual que os Pirineus y as Catalanides se plegó en bellas fases d'a orochenia d'o mesmo nombre, a causa d'a rotación d'a Placa Iberica y converchencia con a Placa Euroasiatica, pero con muita influencia de fallas anteriors que existiban ya en o basamento herzinico.

En o tramo meyo u part central se divide en dos brancas: branca castellana y branca aragonesa, a os dos costatos d'a depresión de Calatayú-Teruel u Depresión Lonchitudinal Iberica (devez formada por la depresión de Calatayú y Mont-albán, a fuesa de Daroca[2] y la fuesa de Xiloca).

En o sector oriental, y dende o Mayestrato, totas as aliniacions estructurals quedan tallatas por un sistema de fallas escalonatas de dirección quasi norte-sur paralelas a la costa que funden a cordelera baixo a mar. Os vulcans d'Els Columbrets y Cofrentes son asociatos a estas fallas.

En o tercio norueste a cordelera s'alza de sopetón con aliniacions cerenyas como a Demanda (2033 m), Urbión (2235 m) y Cebollera (2147 m).

Toponimia[editar | editar código]

En tiempos de los romans recibiba la denominación de Idubeda. En aragonés medieval se deciba La Serranía bell sector d'esta cordillera, tanto en lo Reino d'Aragón como en los de Valencia u Castiella:

...XVI dias del mes de abril fizo tan grandes nieves que murieron muchos ganados mayores et menudos por toda la Serranía.[3]
de la Serranía e predicando la paraula de Dios, vino caso que pluvio en aquellas partidas e el dito freyre con su companyero se quisiesse venir aqui a Valencia a su monasterio con un asno cargado de muytas cosas,...[4]

Cheolochía[editar | editar código]

A Cordelera Iberica presenta materials precambrians y paleozoicos deformaus mientres a orochenia Herzinica, y sobre os que sedimentoron materials permians y mesozoicos discordants[1]. La zona actual d'o Sistema Iberico yera o marguin oriental d'o Macizo Iberico u Meseta en o Mesozoico, asinas tien en os sedimentos suyos, facies someras de plataforma a continentals. Estos materials mesozoicos se plegoron en a orochenia Alpina, seguida d'un periodo d'erosión que aplanó lo releu y un periodo de fracturación en forma de rift intracontinental con fuesas tectonicas.

A mes gran part de los afloramientos precambrians y paleozoicos se troban en nuclios de plegos antiformes formaus en a orochenia Alpina. Estos antiformes y afloramientos herzinicos d'o Sistema Iberico son l'anticlinal de Cuenca, l'anticlinorio de la Sierra d'Albarrazín, o Macizo d'Ateca, o Macizo de Calatayú y Mont-albán y la Sierra de la Demanda[1].

Parte de lo releu actual plano ye por la formación de superficies d'erosión a zaguers de lo terciario, y por la formación de fuesas tectonicas en lo rift abortau que bi heba en Europa Occidental en lo Miocén Superior y Pliocén. Son fuesas tectonicas importants en lo Sistema Iberico la fuesa de Teruel, la fuesa de Xiloca y la fuesa de Daroca.

Cheomorfolochía[editar | editar código]

Las superficies d'erosión identificadas son por lo menos tres: superficie d'erosión intramiocena, superficie d'erosión fundamental d'a Cordelera Iberica y unatra de muit chica en la marguin en contacto con la depresión de l'Ebro.

La mes important ye la segunda, car ye una caracteristica dominant en lo paisache de lo Sistema Iberico oriental por estar la forma de releu con estensión mes gran en la part oriental d'esta cordelera, por estar present en todas las unidatz, y por haber-se formau las atras formas de releu a partir d'ella[5].

As formas de releu d'o Sistema Iberico d'orichen climatico s'explican por procesos relativos a diferents sistemas morfoclimaticos. Os procesos relativos a lo sistema semiarido son as dominants en o sector terolán fuera d'os sectors d'a Sierra d'Albarrazín y Monts Universals, a on que presentan mes importancia os procesos d'o sistema temperau humido.[6], de fueras d'os sectors d'a Sierra d'Albarrazín y Sierra de Chabalambre. En os cabaltos d'estas sierras terolanas y en os d'a Sierra de Chabalambre y Gúdar se combinan os procesos periglaciars con os procesos d'o sistema morfoclimatico humido.

Vechetación[editar | editar código]

Las series de vechetación climatofilas se distribuyen en diferents pisos de vechetación (termomediterranio, mesomediterranio, supramediterranio, oromediterranio y crioromediterranio), y adintro de cada piso bi n'ha de diferents dependendo de lo tipo de suelo y de la humidat[7].

Referencias[editar | editar código]

  1. 1,0 1,1 1,2 (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. pp 513-515.
  2. (es) F.J Gracia Prieto: Tectónica pliocena en la Fosa de Daroca (prov. de Zaragoza). Geogaceta, 11, 1992. pp 127-129.
  3. (an)(es) Fernando López Rajadel: Cronicas de los Jueces de Teruel (1176-1532). Instituto de Estudios Turolenses, 1994. p 213.
  4. (ca) Albert Balcells: Documents per a la història de la cultura catalana midieval volumen 2 . Memòries de la Secció Històrico-Arqueològica. Editor: Institut d'Estudis Catalans, 2000. p 262.
  5. (es) José Luis Peña Monné, Miguel Sánchez Fabre, María Victoria Lozano Tena: Las formas de relieve de la Sierra de Albarracín. Centro de Estudios de la Comunidad de Albarracín, 2010, pp 43-44, pp 63-84.
  6. (es) Jose Luís Peña Monne et al. Geomorfología de la Provincia de Teruel. Instituto de estudios turolenses, 1984. p 55.
  7. (es) Gonzalo Mateo Sanz, Manuel-Benito Crespo Villalba, Carlos Fabregat Llueca: X curso de botánica práctica. La flora y vegetación del Sistema Ibérico. Manual auxiliar para el curso. Teruel, chuliol de 1998.

Bibliografía[editar | editar código]

Vinclos externos[editar | editar código]


Sierras de lo Sistema Iberico
Norte y Ueste Achena - Alba - Alcarama - Almuerzo - Armantes - Ateca - Bigornia - Bordecorex - Cabezas - Caldereros - Cameros - Cetina - Corija - Cortado - Costanazo - Demanda - Deza - Hayedo de Santiago - Hontalbilla - Mesa de Cebollera - Ministra - Miñana - Moncalvillo - Moncayo - Montesclaros - Nava Alta - Neila - Parameras de Molina - Pardos - Pégado - Peñalmonte - Peñalosa - Perdices - Pica - Picos d'Urbión - San Miguel - Selas - Solorio - Tablado - Toranzo
Centro y Sud

Aguila - Albarrazín (Carbonera · Nevero · Penya Redonda · Tremedal) - Algairén - Aliaguilla - Altomira - Andilla - Arcos - Atea - Bascuñana - Bicort - Bicuerca - Cabrillas - Campalvo - Caroch - Castellanos - Ceja - Costera - Cucalón (Badenas · Orich · Pelarda) - Cuenca - Cuerdas - Escornadero - Espigar - Exulve - Ferrera - Juan Navarro - Lidón - Negret - Noria - Majadas - Majalinos - Malacara - Martés - Menera - Mira - Modorra - Molina - Moluengo - Mont Albán - Monts de Picaza - Monts Universals (Algarbe · Chabalón · Muela de Sant Chuan) - Pajaranca - Palancares - Palomera - Peco - Pedregosa - Penyas d'el Diablo - Picarcho - Santa Cruz - Sant Chust - Santerón - Senyor - Sierra de Tragacet - Utiel - Valdecabras - Val de Meca - Val de Minguet - Valdellosa - Virchen - Zafriella

Este y Nordeste Alcora - Alcublas - Batalla - Bertolines - Bordón - Brusca - Caballos - Cabezo - Cabezos - Caixa - Calderona - Camarena - Cantera d'el Pinar - Cantera d'el Saso - Canyada - Carrascosa - Chabalambre - Chaparral - Chinebrosa - Celler - Corbalán - Creu - Cueva Santa - Defesas - Desert de les Balmes - Escoriuela - Espadán - Espadella - Esparreguera - Férriz - Galceran - Galga - Garrocha - Gúdar (Molatiellas · Mont Negro) - Lastra - Nogueruelas - Manadella - Mayabona - Montanyas de Benifazán - Montanyas de Cervera - Montordí - Monts de Pinar Ciego - Monts de Tarrascón - Muelas de Chert - Palomita - Paúls - Penyagolosa - Penyas Blancas - Perenchisa - Pina - Puertos de Moriella - Toro - Tortallada - Puertos de Tortosa-Bezeit - Rayo - Rocha de las Defesas - Rodanas - Sant Pere - Santa Barbara - Segures - Sollavientos - Talayas d'Alcalà - Tajos - Turmell - Vall d'Àngel - Vallivana - Vellida